ਦੇਖੋ ਕਿਉਂ ਧੱਕੇ ਨਾਲ ਮਾਸੂਮ ਨੂੰ ਭੇਜਿਆ ਜਾ ਰਿਹਾ ਉਸ ਦੇ ਪਿਤਾ ਦੇ ਘਰ
ਪਟਿਆਲਾ: ਸੋਸ਼ਲ ਮੀਡੀਆ ਤੇ ਇਕ ਵੀਡੀਓ ਵਿਚ ਬੱਚੀ ਦੇ ਰੋਣ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ ਜੋ ਕਿ ਪਟਿਆਲਾ ਦੇ ਪਿੰਡ ਜਲਾਲਪੁਰ ਦੀਆਂ ਹਨ ਜਿੱਥੇ ਕਿ ਕੋਰਟ ਦੇ ਫ਼ੈਸਲੇ ਤੋਂ ਬਾਅਦ ਇਸ ਪਰਿਵਾਰ ਅਤੇ ਮਾਸੂਮ 9 ਸਾਲਾ ਬੱਚੀ ਤੇ ਦੁੱਖਾਂ ਦਾ ਪਹਾੜ ਟੁੱਟ ਚੁੱਕਿਆ ਹੈ। ਦਰਸਅਲ ਵਿਚ ਬੱਚੀ ਦੇ ਮਾਤਾ ਪਿਤਾ ਸੁਨਾਮ ਦੇ ਰਹਿਣ ਵਾਲੇ ਹਨ।
Patiala
ਮਾਂ ਦਾ ਤਲਾਕ ਹੋਣ ਤੋਂ ਬਾਅਦ ਬੱਚੀ ਪਿਤਾ ਦੇ ਹੀ ਕਿਸੇ ਰਿਸ਼ਤੇਦਾਰ ਕੋਲ ਰਹਿਣ ਲੱਗ ਗਈ ਤੇ ਬਹੁਤ ਹੀ ਛੋਟੀ ਉਮਰ ਵਿਚ ਇਹ ਬੱਚੀ ਅਪਣੇ ਮਾਤਾ-ਪਿਤਾ ਨੂੰ ਛੱਡ ਇਸ ਪਰਿਵਾਰ ਕੋਲ ਰਹਿੰਦੀ ਸੀ। ਜਿਓਂ-ਜਿਓਂ ਬੱਚੀ ਵੱਡੀ ਹੁੰਦੀ ਗਈ ਤਾਂ ਇਸ ਪਰਿਵਾਰ ਨਾਲ ਪਿਆਰ ਵੀ ਵਧਦਾ ਗਿਆ।
Patiala
ਪਰ ਹੁਣ ਬੱਚੀ ਦੇ ਅਸਲੀ ਪਿਤਾ ਜੋ ਕਿ ਫੌਜ ਵਿਚ ਭਰਤੀ ਹਨ ਉਹਨਾਂ ਨੂੰ ਬੱਚੀ ਦੀ ਯਾਦ ਆਈ ਤਾਂ ਉਹਨਾਂ ਨੇ ਕੋਰਟ ਤੋਂ ਬੱਚੀ ਨੂੰ ਵਾਪਸ ਲੈਣ ਲਈ ਅਪੀਲ ਵੀ ਪਾ ਦਿੱਤੀ। ਆਖਿਰ ਪਿਤਾ ਤਾਂ ਪਿਤਾ ਹੀ ਹੁੰਦਾ ਹੈ ਇਸ ਨੂੰ ਮੰਨਦਿਆਂ ਹੋਇਆਂ ਕੋਰਟ ਨੇ ਪਿਤਾ ਦੇ ਹੱਕ ਵਿਚ ਫ਼ੈਸਲਾ ਸੁਣਾ ਦਿੱਤਾ ਤੇ ਬੱਚੀ ਨੂੰ ਹੁਣ ਪਿਤਾ ਕੋਲ ਛੱਡ ਦਿੱਤਾ ਜਾਵੇਗਾ।
Patiala
ਪਰ ਬੱਚੀ ਕਿਸੇ ਵੀ ਹਾਲ ਵਿਚ ਪਰਿਵਾਰ ਨੂੰ ਛੱਡ ਕੇ ਪਿਤਾ ਕੋਲ ਜਾਣ ਲਈ ਤਿਆਰ ਨਹੀਂ ਹੈ। ਬੱਚੀ ਨੇ ਦਸਿਆ ਕਿ ਕੋਰਟ ਨੇ ਉਸ ਨੂੰ ਪੁਛਿਆ ਨਹੀਂ ਕਿ ਉਹ ਕਿੱਥੇ ਰਹਿਣਾ ਚਾਹੁੰਦੀ ਹੈ ਉਸ ਨਾਲ ਧੱਕਾ ਕੀਤਾ ਜਾ ਰਿਹਾ ਹੈ। ਉਸ ਦੇ ਅਸਲੀ ਪਿਤਾ ਨੇ ਕੋਰਟ ਵਿਚ ਇਹ ਕਹਿ ਦਿੱਤਾ ਕਿ ਬੱਚੀ ਦਾ ਬਿਆਨ ਹੈ ਕਿ ਉਹ ਉਸ ਕੋਲ ਹੀ ਰਹਿਣਾ ਚਾਹੁੰਦੀ ਹੈ।
Patiala
ਪਰ ਬੱਚੀ ਨੇ ਅਪਣੇ ਅਸਲ ਪਿਤਾ ਕੋਲ ਰਹਿਣ ਤੋਂ ਮਨ੍ਹਾਂ ਕਰ ਦਿੱਤਾ ਸੀ। ਦੂਜੇ ਪਾਸੇ 9 ਸਾਲਾ ਬੱਚੀ ਦੇ ਜਲਾਲਪੁਰ ਵਿਚ ਰਹਿ ਰਹੇ ਪਰਿਵਾਰ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਇਸ ਬੱਚੀ ਨੂੰ ਅਪਣੇ ਬੱਚਿਆਂ ਤੋਂ ਵੀ ਵਧ ਕੇ ਪਿਆਰ ਦਿੱਤਾ ਹੈ ਤੇ ਉਹ ਬਿਲਕੁੱਲ ਵੀ ਨਹੀਂ ਚਾਹੁੰਦੇ ਕਿ ਬੱਚੀ ਉਹਨਾਂ ਨੂੰ ਛੱਡ ਕੇ ਅਪਣੀ ਅਸਲੀ ਪਿਤਾ ਕੋਲ ਜਾਵੇ। ਫਿਲਹਾਲ ਬੱਚੀ ਨੂੰ ਸੁਨਾਮ ਅਪਣੇ ਅਸਲੀ ਪਿਤਾ ਕੋਲ ਭੇਜ ਦਿੱਤਾ ਗਿਆ ਹੈ ਪਰ ਪਰਿਵਾਰ ਵੱਲੋਂ ਪੂਰੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਕਿਸੇ ਨਾ ਕਿਸੇ ਤਰੀਕੇ ਬੱਚੀ ਨੂੰ ਵਾਪਸ ਲਿਆਂਦਾ ਜਾਵੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
