ਭਾਰਤ-ਚੀਨ ਸਰਹੱਦ 'ਤੇ ਹਾਲਾਤ ਬਹੁਤ ਖ਼ਰਾਬ ਹਨ, ਮਦਦ ਲਈ ਤਿਆਰ ਹਾਂ : ਟਰੰਪ
ਵਾਸ਼ਿੰਗਟਨ, 5 ਸਤੰਬਰ : ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਜ਼ੋਰ ਦਿੰਦੇ ਹੋਏ ਕਿਹਾ ਕਿ ਭਾਰਤ-ਚੀਨ ਸਰਹੱਦ 'ਤੇ ਹਾਲਾਤ ''ਬਹੁਤ ਖ਼ਰਾਬ'' ਹਨ ਅਤੇ ਚੀਨ ਜ਼ਿਆਦਾ ਮਜ਼ਬੂਤੀ ਨਾਲ ''ਇਸ ਨੂੰ ਅੱਗੇ ਵਧਾਉਣ ਜਾ ਰਿਹਾ ਹੈ।'' ਉਨ੍ਹਾਂ ਕਿਹਾ ਕਿ ਉਹ ਇਸ ਮਾਮਲੇ 'ਚ ਸ਼ਾਮਲ ਹੋਣਾ ਅਤੇ ਮਦਦ ਕਰਨੀ ਚਾਹੁੰਦੇ ਹਨ। ਵਾਈਟ ਹਾਊਸ 'ਚ ਟਰੰਪ ਨੇ ਸ਼ੁਕਰਵਾਰ ਨੂੰ ਕਿਹਾ, ''ਸਰਹੱਦ 'ਤੇ ਚੀਨ ਅਤੇ ਭਾਰਤ ਵਿਚਾਲੇ ਹਾਲਾਤ ਬਹੁਤ ਖ਼ਰਾਬ ਹਨ।'' ਟਰੰਪ ਨੇ ਦੁਹਰਾਇਆ ਕਿ ਉਹ ਇਸ ਬਾਰੇ ਭਾਰਤ ਅਤੇ ਚੀਨ ਦੋਹਾਂ ਨਾਲ ਗੱਲਬਾਤ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ, ''ਭਾਰਤ ਅਤੇ ਚੀਨ ਦੇ ਸਬੰਧ 'ਚ ਅਸੀਂ ਮਦਦ ਕਰਨ ਲਈ ਤਿਆਰ ਹਾਂ। ਜੇਕਰ ਅਸੀਂ ਕੁਝ ਕਰ ਸਕਦੇ ਹਾਂ, ਤਾਂ ਅਸੀਂ ਉਸ 'ਚ ਸ਼ਾਮਲ ਹੋਣਾ ਅਤੇ ਮਦਦ ਕਰਨੀ ਚਾਹਵਾਂਗੇ। ਇਸ ਬਾਰੇ ਅਸੀਂ ਦੋਹਾਂ ਦੇਸ਼ਾਂ ਨਾਲ ਗੱਲਬਾਤ ਕਰ ਰਹੇ ਹਾਂ।'' ਇਸ ਸਬੰਧ 'ਚ ਸਵਾਲ ਪੁਛਣ 'ਤੇ ਕਿ ਕੀ ਚੀਨ ਭਾਰਤ ਨਾਲ ਦਾਦਾਗਿਰੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ, ਟਰੰਪ ਨੇ ਕਿਹਾ ਕਿ ਉਹ ਉਮੀਦ ਕਰਦੇ ਹਨ ਕਿ ਅਜਿਹੀ ਗੱਲ ਨਾ ਹੋਵੇ, ਨਾਲ ਹੀ ਕਿਹਾ ਕਿ ਚੀਨ ''ਯਕੀਨੀ ਤੌਰ 'ਤੇ ਇਹ ਕਰਨ ਜਾ ਰਿਹਾ ਹੈ।''ਟਰੰਪ ਨੇ ਕਿਹਾ, ''ਮੈਂ ਉਮੀਦ ਕਰਦਾ ਹਾਂ ਕਿ ਅਜਿਹਾ ਨਾ ਹੋਵੇ, ਪਰ ਉਹ (ਚੀਨ) ਯਕੀਨੀ ਤੌਰ 'ਤੇ ਇਹ ਕਰਨ ਜਾ ਰਿਹਾ ਹੈ। ਜ਼ਿਆਦਾਤ
imageਰ ਲੋਕ ਜਿੰਨਾ ਸਮਝ ਰਹੇ ਹਨ, ਉਹ ਉਸ ਤੋਂ ਕਿਤੇ ਜ਼ਿਆਦਾ ਮਜ਼ਬੂਤੀ ਨਾਲ ਇਹ ਕਰਨ ਜਾ ਰਿਹਾ ਹੈ।'' (ਪੀਟੀਆਈ)
