ਪਠਾਨਕੋਟ ਪੁੱਜੇ ਸੰਨੀ ਦਿਉਲ ਦਾ ਨੌਜਵਾਨਾਂ ਵਲੋਂ ਵਿਰੋਧ

ਪਠਾਨਕੋਟਸ 5 ਸਤੰਬਰ (ਤੇਜਿੰਦਰ ਸਿੰਘ): ਕੋਰੋਨਾ ਮਹਾਂਮਾਰੀ ਦੀ ਆਗ਼ਤ ਦਰਮਿਆਨ ਲਗਭਗ ਪੱਜ ਮਹੀਨੇ ਬਾਅਦ ਪਠਾਨਕੋਟ ਪਹੁੰਚੇ ਗੁਰਦਾਸਪੁਰ ਤੋਂ ਸੰਸਦ ਮੈਂਬਰ ਸੰਨੀ ਦਿਉਲ ਇਕ ਵਾਰ ਲੋਕਾਂ ਦੇ ਰੋਹ ਦਾ ਸਾਹਮਣਾ ਕਰਨਾ ਪਿਆ ਹੈ। ਦਸਣਯੋਗ ਹੈ ਕਿ ਪਠਾਨਕੋਟ ਪਹੁੰਚੇ ਸੰਨੀ ਦਿਉਲ ਜਦੋਂ ਕੁੱਝ ਲੋਕਾਂ ਨੇ ਮਿਲਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਨ੍ਹਾਂ ਮਿਲਣ ਤੋਂ ਇਨਕਾਰ ਕਰ ਦਿਤਾ, ਜਿਸ ਦੇ ਚਲਦੇ ਬੇਰੁਜ਼ਗਾਰ ਨੌਜਵਾਨਾਂ ਵਲੋਂ ਉਨ੍ਹਾਂ ਦੀ ਕੋਠੀ ਦਾ ਘਿਰਾਉ ਕਰਦੇ ਹੋਏ ਪ੍ਰਦਰਸ਼ਨ ਕੀਤਾ ਗਿਆ।
ਇਸ ਮੌਕੇ ਲੋਕਾਂ ਦਾ ਕਹਿਣਾ ਸੀ ਕਿ ਜਦੋਂ ਚੋਣਾਂ ਸੀ ਤਾਂ ਉਹ ਵੋਟ ਮੰਗਣ ਲਈ ਹਰ ਵਿਅਕਤੀ ਕੋਲ ਜਾ ਰਹੇ ਸਨ ਪਰ ਅੱਜ ਜਦੋਂ ੋਲਕਾਂ ਨੂੰ ਉਨ੍ਹਾਂ ਦੀ ਜ਼ਰੂਰਤ ਹੈ ਤਾਂ ਉਹ ਮਿਲਣ ਲਈ ਸਮਾਂ ਤਕ ਨਹੀਂ ਦੇ ਰਹੇ। ਨੌਜਵਾਨਾਂ ਨੇ ਮੰਗ ਕੀਤੀ ਕਿ ਕੋਰੋਨਾ ਕਾਲ ਦੌਰਾਨ ਉਨ੍ਹਾਂ ਕੋਲ ਕੋਈ ਰੁਜ਼ਗਾਰ ਨਹੀਂ ਸੀ ਪਰ ਸਾਂਸਦ ਨੇ ਉਨ੍ਹਾਂ ਦੀ ਸਾਰ ਤਕ ਨਹੀਂ ਲਈ ਜਿਸ ਦੇ ਚਲਦੇ ਅੱਜ ਉਹ ਅਪਣੇ ਸਾਂਸਦ ਕੋਲੋਂ ਰੁਜ਼ਗਾਰ ਮੰਗਣ ਆਏ ਸਨ ਪਰ ਉਨ੍ਹਾਂ ਮਿਲਣ ਲਈ ਸਮਾਂ ਹੀ ਨਹੀਂ ਦਿਤਾ ਗਿਆ। ਇਹ ਕੋਈ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ਸੰਨੀ ਦਿਉਲ ਦਾ ਵਿਰੋਧ ਹੋਇਆ ਹੋਵੇ। ਇਸ ਤੋਂ ਪਹਿਲਾਂ ਵੀ ਕਾਂਗਰਸੀਆਂ ਵਲੋਂ ਕਈ ਵਾਰ ਸੰਨੀ ਦਿਉਲ ਦਾ ਵਿਰੋਧ ਕਰਦੇ ਹੋਏ ਉਨ੍ਹਾਂ ਦੀ ਗੁੰਮਸ਼ੁਦਗੀ ਦੇ ਪੋਸਟਰ ਵੀ ਲਗਾਏ ਜਾ ਚੁੱਕੇ ਹਨ।image