ਪੰਜਾਬ ਸਰਕਾਰ ਵਲੋਂ ਕਣਕ ਖ਼ਰੀਦ ਦੇ ਸਾਰੇ ਪ੍ਰਬੰਧ ਮੁਕੰਮਲ : ਮਦਨ ਲਾਲ ਜਲਾਲਪੁਰ
ਪਟਿਆਲਾ, 6 ਅਪ੍ਰੈਲ (ਤੇਜਿੰਦਰ ਫ਼ਤਿਹਪੁਰ) : ਪੰਜਾਬ ਦੀ ਕੈਪਟਨ ਸਰਕਾਰ ਵਲੋਂ ਕਿਸਾਨ ਭਰਾਵਾਂ ਦੀ ਕਣਕ ਦੀ ਫਸਲ ਦਾ ਦਾਣਾ-ਦਾਣਾ ਖਰੀਦਿਆ ਜਾਵੇਗਾ ਤੇ ਕਿਸੇ ਵੀ ਕਿਸਾਨ ਨੂੰ ਆਪਣੀ ਫਸਲ ਵੇਚਣ ਸਮੇਂ ਪ੍ਰੇਸ਼ਾਨੀ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ।
ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਹਲਕਾ ਘਨੌਰ ਦੇ ਵਿਧਾਇਕ ਮਦਨ ਲਾਲ ਜਲਾਲਪੁਰ ਨੇ ਪਿੰਡ ਖੇੜੀ ਗੰਡਿਆਂ, ਜੈ ਨਗਰ ਤੇ ਅਲੀਪੁਰ ਵਿਖੇ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਵੰਡਣ ਉਪਰੰਤ ਗੱਲਬਾਤ ਕਰਦਿਆਂ ਕੀਤਾ। ਜਲਾਲਪੁਰ ਨੇ ਕਿਹਾ ਕਿ ਜਦ ਤੋਂ ਪੰਜਾਬ ਵਿਚ ਕਾਂਗਰਸ ਸਰਕਾਰ ਬਣੀ ਹੈ, ਕਿਸੇ ਵੀ ਕਿਸਾਨ ਨੂੰ ਆਪਣੀ ਫਸਲ ਵੇਚਣ ਲਈ ਖੱਜਲ-ਖੁਆਰੀ ਦਾ ਸਾਹਮਣਾ ਨਹੀਂ ਕਰਨਾ ਪਿਆ। ਇਸ ਵਾਰ ਵੀ 22 ਹਜ਼ਾਰ ਕਰੋੜ ਰੁਪਏ ਦੀ ਲਿਮਟ ਮਨਜ਼ੂਰ ਕਰਵਾ ਕੇ ਸਾਡੀ ਸਰਕਾਰ ਨੇ ਖਰੀਦ ਦੇ ਸਾਰੇ ਇੰਤਜਾਮ ਕਰ ਲਏ ਹਨ, ਇਸ ਲਈ ਕਿਸਾਨ ਭਰਾਵਾਂ ਨੂੰ ਆਪਣੀ ਫਸਲ ਦੇ ਮੰਡੀਕਰਨ ਨੂੰ ਲੈ ਕੇ ਚਿੰਤਾ ਕਰਨ ਦੀ ਜਰੂਰਤ ਨਹੀਂ।
DONATION
ਜਲਾਲਪੁਰ ਨੇ ਤਿੰਨ ਪਿੰਡਾਂ ਦੇ 500 ਤੋਂ ਵੱਧ ਲੋੜਵੰਦਾਂ ਨੂੰ ਵੰਡਿਆ ਰਾਸ਼ਨ
ਜਲਾਲਪੁਰ ਨੇ ਕਿਹਾ ਕਿ ਕਰੋਨਾ ਵਾਇਰਸ ਕਾਰਨ ਲੱਗੇ ਕਰਫਿਊ ਨੇ ਰੋਜ਼-ਮਰ੍ਹਾ ਦੀ ਆਮਦਨ 'ਤੇ ਨਿਰਭਰ ਪਰਵਾਰਾਂ ਨੂੰ ਸੱਭ ਤੋਂ ਵੱਧ ਪ੍ਰਭਾਵਿਤ ਕੀਤਾ ਹੈ, ਇਸ ਲਈ ਹਰ ਨਾਗਰਿਕ ਦਾ ਫਰਜ਼ ਦਾ ਬਣਦਾ ਹੈ ਕਿ ਉਹ ਅਪਣੇ ਇਲਾਕੇ, ਪਿੰਡ ਤੇ ਗੁਆਂਢ ਵਿਚ ਰਹਿ ਰਹੇ ਲੋੜਵੰਦ ਪਰਿਵਾਰ ਦੀ ਨਿਸਵਾਰਥ ਮਦਦ ਕਰੇ। ਅੱਜ ਵਿਧਾਇਕ ਜਲਾਲਪੁਰ ਵਲੋਂ ਪਿੰਡ ਜੈ ਨਗਰ, ਅਲੀਪੁਰ ਤੇ ਖੇੜੀ ਗੰਡਿਆਂ ਵਿਖੇ 500 ਤੋਂ ਵੱਧ ਲੋੜਵੰਦ ਪਰਿਵਾਰਾਂ ਰਾਸ਼ਨ ਵੰਡਿਆ ਗਿਆ।
ਇਸ ਮੌਕੇ ਅੱਛਰ ਸਿੰਘ ਭੇਡਵਾਲ, ਇੰਸਪੈਕਟਰ ਮਹਿਮਾ ਸਿੰਘ, ਰਾਜੀਵ ਕੁਮਾਰ ਗਾਂਧੀ, ਸਰਪੰਚ ਸਿੰਦਾ ਸਿੰਘ, ਜੀਵਨ ਕੁਮਾਰ, ਹਰਬਿਲਾਸ ਸਿੰਘ ਪੰਚ, ਗੁਰਦੀਪ ਸਿੰਘ, ਪਲਵਿੰਦਰ ਸਿੰਘ ਪੰਚ, ਹਰਵਿੰਦਰ ਸਿੰਘ ਬਾਬੂ, ਸੁਰਜੀਤ ਸਿੰਘ ਜੈ ਨਗਰ, ਸਾਬਕਾ ਸਰਪੰਚ ਨਿਰਮਲ ਸਿੰਘ, ਚਮਨ ਲਾਲ ਮੰਡਵਾਲ, ਬਖਸ਼ੀਸ਼ ਸਿੰਘ ਅਲੀਪੁਰ, ਬਿੱਟੂ ਸਮੇਤ ਹੋਰ ਵੀ ਹਾਜ਼ਰ ਸਨ।
