ਉਹਨਾਂ ਨੇ ਲੰਗਰ ਸ਼ਕਾਇਆ ਤੇ ਫਿਰ ਪੈਸੇ ਲੈਣ ਤੋਂ ਮਨ੍ਹਾ...
ਬਿਆਸ: ਬਿਆਸ ਦੇ ਨੇੜੇ ਇਕ ਢਾਬੇ ਵਾਲਿਆਂ ਨੇ ਗੁਰੂ ਨਾਨਕ ਮੋਦੀਖਾਨਾ ਲਈ ਅਪਣੀ ਗੋਲਕ ਵਿਚੋਂ ਸੇਵਾ ਭੇਟ ਕੀਤੀ ਹੈ। ਦਰਅਸਲ ਜਦੋਂ ਬਲਵਿੰਦਰ ਸਿੰਘ ਅਤੇ ਉਹਨਾਂ ਦੀ ਟੀਮ ਹਰਿਮੰਦਰ ਸਾਹਿਬ ਤੋਂ ਮੱਥਾ ਟੇਕ ਕੇ ਵਾਪਸ ਆ ਰਹੇ ਸਨ ਤਾਂ ਉਹਨਾਂ ਨੂੰ ਭੁੱਖ ਲੱਗੀ। ਇਸ ਤੋਂ ਬਾਅਦ ਉਹ ਰੋਟੀ ਖਾਣ ਲਈ ਇਕ ਢਾਬੇ ਤੇ ਰੁਕੇ। ਇਹ ਢਾਬੇ ਵਾਲੇ ਉਹਨਾਂ ਨੂੰ ਦੇਖ ਕੇ ਬਹੁਤ ਖੁਸ਼ ਹੋਏ।
Balwinder Singh Jindu
ਉਹਨਾਂ ਨੇ ਲੰਗਰ ਸ਼ਕਾਇਆ ਤੇ ਫਿਰ ਪੈਸੇ ਲੈਣ ਤੋਂ ਮਨ੍ਹਾ ਕਰ ਦਿੱਤਾ। ਪਰ ਜ਼ਿਆਦਾ ਜ਼ੋਰ ਪਾਉਣ ਤੇ ਉਹਨਾਂ ਨੇ ਜਿੰਨੇ ਪੈਸੇ ਦਿੱਤੇ ਉਹ ਮਨਜ਼ੂਰ ਕਰ ਲਏ। ਜਦੋਂ ਉਹ ਪਰਸ਼ਾਦਾ ਸ਼ਕ ਰਹੇ ਸੀ ਤਾਂ ਉਸ ਸਮੇਂ ਢਾਬੇ ਵਾਲਿਆਂ ਨੇ ਅਪਣੀ ਗੋਲਕ ਵਿਚੋਂ ਪੈਸੇ ਲਿਆਂਦੇ ਤੇ ਉਹਨਾਂ ਨੇ ਦਸਿਆ ਕਿ ਉਹ ਇਹ ਪੈਸੇ ਮੋਦੀਖਾਨੇ ਦੇ ਲੇਖੇ ਲਾਉਣਾ ਚਾਹੁੰਦੇ ਹਨ।
Balwinder Singh Jindu
ਇਸ ਤੋਂ ਬਾਅਦ ਬਲਵਿੰਦਰ ਸਿੰਘ ਨੇ ਦਸਿਆ ਕਿ ਉਹਨਾਂ ਨੇ ਇਹ ਦਸਵੰਦ ਲੋਕਾਂ ਦੀ ਸੇਵਾ ਲਈ ਰੱਖਿਆ ਸੀ ਪਰ ਇਸ ਵਾਰ ਉਹ ਮੋਦੀਖਾਨੇ ਦੀ ਸੇਵਾ ਨੂੰ ਸਮਰਪਿਤ ਕਰ ਰਹੇ ਹਨ। ਬਲਵਿੰਦਰ ਸਿੰਘ ਨੇ ਉਹਨਾਂ ਵੱਲੋਂ ਭੇਟ ਕੀਤੀ ਗਈ ਸੇਵਾ ਅਪਣੀ ਝੋਲੀ ਵਿਚ ਪਵਾਈ ਕਿਉਂ ਕਿ ਇਹ ਉਹਨਾਂ ਦੀ ਮਿਹਨਤ ਦੀ ਕਮਾਈ ਸੀ। ਉਹਨਾਂ ਨੇ ਸੰਗਤਾਂ ਨੂੰ ਅਪੀਲ ਕੀਤੀ ਕਿ ਉਹ ਜਦੋਂ ਕਦੇ ਵੀ ਹਰਿਮੰਦਰ ਸਾਹਿਬ ਨਤਮਸਤਕ ਹੋਣ ਜਾਣਗੇ ਤਾਂ ਉਹ ਇਸ ਢਾਬੇ ਤੋਂ ਲੰਗਰ ਜ਼ਰੂਰ ਸ਼ਕ ਕੇ ਜਾਣ।
Balwinder Singh Jindu
ਇਸ ਦੇ ਨਾਲ ਬਲਵਿੰਦਰ ਸਿੰਘ ਜਿੰਦੂ ਨੇ ਉਹਨਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹਨਾਂ ਨੂੰ ਬਹੁਤ ਖੁਸ਼ੀ ਹੁੰਦੀ ਹੈ ਜਦੋਂ ਸੰਗਤ ਵੱਲੋਂ ਇੰਨੀ ਸ਼ਰਧਾ ਨਾਲ ਸੇਵਾ ਕੀਤੀ ਜਾਂਦੀ ਹੈ ਤੇ ਉਹਨਾਂ ਨੂੰ ਪਿਆਰ ਤੇ ਮਾਣ ਦਿੱਤਾ ਜਾਂਦਾ ਹੈ। ਦਸ ਦਈਏ ਕਿ ਗੁਰੂ ਨਾਨਕ ਮੋਦੀਖਾਨੇ ਦੀ ਸ਼ੁਰੂਆਤ ਲੁਧਿਆਣਾ ਵਿਚ ਹੋਈ ਸੀ ਤੇ ਹੁਣ ਇਹ ਅੰਮ੍ਰਿਤਸਰ ਮਹਿਤਾ ਰੋਡ ਤੇ ਖੁਲਣ ਜਾ ਰਿਹਾ ਹੈ।
R K Dhaba
ਅੰਮ੍ਰਿਤਸਰ ਤੋਂ ਤਸਵੀਰਾਂ ਦਿਖਾਈਆਂ ਗਈਆਂ ਹਨ ਜਿਸ ਵਿਚ ਨਿਹੰਗਾਂ ਵੱਲੋਂ ਮੋਦੀਖਾਨੇ ਲਈ ਜ਼ਮੀਨ ਦਿੱਤੀ ਗਈ ਹੈ। ਕੁੱਝ ਹੀ ਦਿਨਾਂ ਵਿਚ ਗੁਰੂ ਨਾਨਕ ਮੋਦੀਖਾਨਾ ਤਿਆਰ ਕਰਨ ਦੀ ਸ਼ੁਰੂਆਤ ਕੀਤੀ ਜਾਵੇਗੀ। ਅੰਮ੍ਰਿਤਸਰ ਨਿਵਾਸੀ ਇਸ ਮੋਦੀਖਾਨੇ ਤੋਂ ਸਸਤੇ ਰੇਟਾਂ ਤੇ ਦਵਾਈ ਲੈ ਸਕਣਗੇ। ਹੁਣ ਮੋਦੀਖਾਨੇ ਦੀ ਸ਼ੁਰੂਆਤ ਜਲੰਧਰ ਵਿਚ ਵੀ ਹੋ ਰਹੀ ਹੈ। ਇਹ ਮੋਦੀਖਾਨਾ ਮਨਸਿਮਰਨ ਸਿੰਘ ਵੱਲੋਂ ਖੋਲ੍ਹਿਆ ਜਾ ਰਿਹਾ ਹੈ।
R K Dhaba
ਮਨਸਿਮਰਨ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਲੁਧਿਆਣਾ ਮੋਦੀਖਾਨੇ ਤੋਂ ਸੇਧ ਲੈਂਦੇ ਹੋਏ ਜਲੰਧਰ ਵਿਚ ਵੀ ਮੋਦੀਖਾਨਾ ਖੋਲ੍ਹਣ ਦਾ ਮਨ ਬਣਾਇਆ ਹੈ। ਜੋ ਗਰੀਬ ਤਬਕਾ ਅਤੇ ਅਨਪੜ੍ਹ ਲੋਕ ਹਨ ਉਹਨਾਂ ਨਾਲ ਦਵਾਈਆਂ ਦੇ ਨਾਂ ਤੇ ਬਹੁਤ ਸਾਰੀਆਂ ਠੱਗੀਆਂ ਹੁੰਦੀਆਂ ਹਨ, ਇਕੋ ਜਿਹੀ ਦਵਾਈ 6-6 ਰੇਟਾਂ ਤੇ ਬਜ਼ਾਰ ਵਿਚ ਮੌਜੂਦ ਹੈ, ਵਿਅਕਤੀ ਅਨੁਸਾਰ ਦਵਾਈਆਂ ਦੇ ਰੇਟ ਲਗਾਏ ਜਾ ਰਹੇ ਹਨ। ਕਿਸੇ ਗਰੀਬ ਦਾ ਸ਼ੋਸ਼ਣ ਨਾ ਹੋਵੇ ਇਸ ਲਈ ਜਲੰਧਰ ਵਿਚ ਵੀ ਮੋਦੀਖਾਨਾ ਖੋਲ੍ਹਿਆ ਜਾ ਰਿਹਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
