Mandi Gobindgarh News : ਪੁਲਿਸ ਨੇ ਵਿਅਕਤੀ ਨੂੰ ਅਦਾਲਤ ਪੇਸ਼ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ
Mandi Gobindgarh News : ਪੁਲਿਸ ਵੱਲੋਂ ਅੰਨੇ ਕਤਲ ਦੀ ਗੁੱਥ ਸੁਲਝਾ ਕੇ ਕੁਝ ਹੀ ਘੰਟਿਆਂ ਵਿੱਚ ਕਾਤਲ ਨੂੰ ਗ੍ਰਿਫਤਾਰ ਕਰਨ ਦਾ ਦਾਅਵਾ ਕੀਤਾ ਹੈ। ਇਸ ਸਬੰਧੀ ਡੀਐਸਪੀ ਹਰਤੇਸ਼ ਕੌਸ਼ਿਕ ਪੀਪੀਐਸ ਨੇ ਦੱਸਿਆ ਕਿ ਜ਼ਿਲ੍ਹਾ ਪੁਲਿਸ ਮੁਖੀ ਸ਼ੁਭਮ ਅਗਰਵਾਲ ਦੀ ਯੋਗ ਅਗਵਾਈ ਹੇਠ ਇੰਸਪੈਕਟਰ ਪਵਨ ਕੁਮਾਰ ਸਮੇਤ ਪੁਲਿਸ ਪਾਰਟੀ ਨੇ 24 ਘੰਟੇ ਵਿੱਚ ਕਾਤਲ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਉਨ੍ਹਾਂ ਦੱਸਿਆ ਕਿ ਗਗਨ ਕੁਮਾਰ ਬਾਂਸਲ ਪੁੱਤਰ ਸੁਰਿੰਦਰ ਕੁਮਾਰ ਬਾਂਸਲ ਵਾਸੀ ਮੰਡੀ ਗੋਬਿੰਦਗੜ੍ਹ ਜੇਐਮਕੇ ਇੰਡਸਟਰੀ ਦੇ ਮਾਲਕ ਦੇ ਬਿਆਨਾਂ ਦੇ ਆਧਰ ’ਤੇ 3 ਅਗਸਤ 2025 ਨੂੰ ਮਾਮਲਾ ਦਰਜ ਕੀਤਾ ਗਿਆ ਸੀ। ਉਹਨਾਂ ਦੱਸਿਆ ਕਿ ਵਜ਼ੀਰਾਬਾਦ ਫੈਕਟਰੀ ਦੇ ਪਿਛਲੇ ਪਾਸੇ ਗੁਦਾਮ ਵਿੱਚ ਉਹਨਾਂ ਵੱਲੋਂ ਮੱਝਾ ਗਾਵਾਂ ਰੱਖੀਆਂ ਹੋਈਆਂ ਹਨ, ਪਸ਼ੂਆਂ ਦੀ ਸਾਂਭ ਸੰਭਾਲ ਕਰਨ ਲਈ ਰਣਜੀਤ ਕੁਮਾਰ ਪੁੱਤਰ ਸ਼ਿਵ ਨੰਦਨ ਵਾਸੀ ਪਿੰਡ ਤਿੰਨ ਤੰਗਾ ਕਰਾਰੀ ਬਿਹਾਰ ਨੂੰ ਨੌਕਰ ਰੱਖਿਆ ਹੋਇਆ ਸੀ।
ਉਹਨਾਂ ਦੀ ਕੰਪਨੀ ਦਾ ਠੇਕੇਦਾਰ ਗੌਤਮ ਕੁਮਾਰ ਯਾਦਵ ਵਾਸੀ ਮਾਨਸੀ ਬਿਹਾਰ ਰੋਜ਼ਾਨਾ ਪਸ਼ੂਆਂ ਦੀ ਧਾਰ ਕਢਵਾਉਣ ਲਈ ਸਵੇਰੇ ਸ਼ਾਮ ਗੁਦਾਮ ਵਿੱਚ ਜਾਂਦਾ ਸੀ। ਉਹਨਾਂ ਦੱਸਿਆ ਕਿ 1 ਅਗਸਤ 2025 ਨੂੰ ਠੇਕੇਦਾਰ ਗੌਤਮ ਸਵੇਰ ਸਮੇਂ ਆਪਣੇ ਮੋਟਰਸਾਈਕਲ ’ਤੇ ਗੁਦਾਮ ਵਿੱਚ ਗਿਆ ਸੀ ਜਿਸ ਦਾ ਕਤਲ ਰਣਜੀਤ ਕੁਮਾਰ ਪੁੱਤਰ ਸ਼ਿਵ ਨੰਦਨ ਨੇ ਕੀਤਾ ਅਤੇ ਲਾਸ਼ ਨੂੰ ਦੋ ਹਿੱਸਿਆਂ ਵਿੱਚ ਕੱਟ ਕੇ ਇੱਕ ਡੂੰਘੇ ਖੂਹ ਵਿੱਚ ਸੁੱਟ ਦਿੱਤਾ ਸੀ।
ਉਹਨਾਂ ਦੱਸਿਆ ਸੀ ਕੀ ਠੇਕੇਦਾਰ ਤੇ ਰਣਜੀਤ ਸਿੰਘ ਦੇ ਵਿੱਚ ਕਿਸੇ ਗੱਲ ਨੂੰ ਲੈ ਕੇ ਝਗੜਾ ਹੋ ਗਿਆ ਸੀ ਜਿਸ ਤੋਂ ਬਾਅਦ ਇਹ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ ਉਹਨਾਂ ਦੱਸਿਆ ਕਿ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਉਕਤ ਵਿਅਕਤੀ ਨੂੰ ਅਦਾਲਤ ਪੇਸ਼ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ।
(For more news apart from Police solves blind murder case, arrests killers within hours News in Punjabi, stay tuned to Rozana Spokesman)
