ਸੌਦਾ ਸਾਧ ਦੇ ਗੀਤ ਲਵ ਚਾਰਜਰ ਗੀਤ ਦਾ ਹੈ ਮਾਮਲਾ
ਚੰਡੀਗੜ੍ਹ - ਸੌਧਾ ਸਦਾ ਦੇ ਵਕੀਲ ਵੱਲੋਂ ਅੱਜ ਟਾਂਡਾ ਫ਼ਿਲਮ ਨਾਰਵੇਅ ਨੂੰ ਇਕ ਨੋਟਿਸ ਜਾਰੀ ਕੀਤਾ ਗਿਆ ਹੈ ਜਿਸ ਵਿਚ ਉਸ ਨੇ ਕਿਹਾ ਹੈ ਕਿ ਸੌਦਾ ਸਾਧ ਦੁਆਰਾ ਗਾਏ ਗਏ ਗੀਤ "ਲਵ ਚਾਰਜਰ (ਗੀਤ) ਦੇ ਕਾਪੀ ਰਾਈਟਸ ਉਸ ਦੇ ਕਲਾਈਂਟ ਸੌਦਾ ਸਾਧ ਦੇ ਨਾਮ 'ਤੇ ਰਜਿਸਟਰਡ ਹਨ। ਸੌਦਾ ਸਾਧ ਦਾ ਇਹ ਗੀਤ ਸਾਲ 2014 ਵਿਚ ਪ੍ਰਕਾਸ਼ਿਤ ਹੋਇਆ ਸੀ।
ਨੋਟਿਸ ਵਿਚ ਕਿਹਾ ਗਿਆ ਕਿ ਇਹ ਟਾਂਡਾ ਫਿਲਮ ਨਾਰਵੇਅ ਦੇ ਨਾਲ ਆਮ ਲੋਕਾਂ ਦੇ ਧਿਆਨ ਵਿਚ ਵੀ ਲਿਆਂਦਾ ਜਾਂਦਾ ਹੈ ਕਿ ਉਹਨਾਂ ਦੇ ਕਲਾਈਂਟ ਦੇ ਲਾਇਸੈਂਸ ਤੋਂ ਬਿਨ੍ਹਾਂ ਕੋਈ ਵੀ ਵਿਅਕਤੀ 'ਲਵ ਚਾਰਜਰ' ਗੀਤ ਨਾਲ ਕੁੱਝ ਨਹੀਂ ਕਰ ਸਕਦਾ, ਜੋ ਕਿ ਸਿਰਫ਼ ਉਹਨਾਂ ਦੇ ਕਲਾਈਂਟ ਦਾ ਹੀ ਹੱਕ ਹੈ। ਸੌਦਾ ਸਾਧ ਦੇ ਵਕੀਲ ਨੇ ਕਿਹਾ ਕਿ ਟਾਂਡਾ ਫ਼ਿਲਮ ਨਾਰਵੇਅ ਅਪਣੇ ਆਪ ਨੂੰ ਇੱਕ ਸਿਨੇਮੈਟੋਗ੍ਰਾਫ਼ ਫਿਲਮ 'ਤਬਾਹੀ ਰੀਲੋਡਡ' ਦੇ ਨਿਰਦੇਸ਼ਕ ਅਤੇ ਨਿਰਮਾਤਾ ਹੋਣ ਦਾ ਦਾਅਵਾ ਕਰਦੇ ਹਨ, ਭਵਿੱਖ ਵਿਚ ਆਪਣੀ ਫਿਲਮ ਨੂੰ ਸਿਨੇਮਾਘਰ ਵਿਚ ਪ੍ਰਦਰਸ਼ਿਤ/ਰਿਲੀਜ਼ ਕਰਨ ਕਰਨਾ ਚਾਹੁੰਦੇ ਹੋ ਪਰ ਇਸ ਨਾਲ ਮੇਰੇ ਕਲਾਈਂਟ ਨੂੰ ਕੋਈ ਚਿੰਤਾ ਨਹੀਂ ਹੈ।
ਉਹਨਾਂ ਕਿਹਾ ਕਿ ਟਾਂਡਾ ਫਿਲਮ ਵਾਲੇ ਆਪਣੀ ਫਿਲਮ ਤਬਾਹੀ ਰੀਲੋਡਡ ਨੂੰ 1952 ਐਕਟ ਦੇ ਅਧੀਨ ਕੇਂਦਰੀ ਫ਼ਿਲਮ ਬੋਰਡ ਦੁਆਰਾ ਦਿੱਤੇ ਲਾਇਸੈਂਸ ਤੋਂ ਬਾਹਰ ਪ੍ਰਦਰਸ਼ਿਤ ਕਰ ਰਹੇ ਹਨ। ਸੌਦਾ ਸਾਧ ਦੇ ਵਕੀਲ ਨੇ ਕਿਹਾ ਕਿ ਟਾਂਡਾ ਫਿਲਮ ਵਾਲਿਆਂ ਨੇ ਮੇਰੇ ਮੁਵੱਕਿਲ ਡੇਰਾ ਸੱਚਾ ਸੌਦਾ ਦੀ ਸਾਖ ਨੂੰ ਠੇਸ ਪਹੁੰਚਾਉਣ ਲਈ ਗਲਤ ਇਰਾਦੇ ਅਤੇ ਸਮਾਜ ਦੇ ਇੱਕ ਹਿੱਸੇ ਦਾ ਧਿਆਨ ਆਪਣੇ ਵੱਲ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਹੈ।
ਸੌਦਾ ਸਾਧ ਦੇ ਵਕੀਲ ਨੇ ਕਿਹਾ ਕਿ ਉਹਨਾਂ ਨੇ ਗੀਤ 'ਲਵ ਚਾਰਜਰ' ਦੇ ਕਾਪੀਰਾਈਟ ਦੀ ਉਲੰਘਣਾ ਕੀਤੀ ਅਤੇ ਗੀਤ ਦੇ ਬੈਕ ਗਰਾਊਂਡ ਮਿਊਜ਼ਿਕ ਨਾਲ ਜਾਅਲੀ ਟ੍ਰੇਲਰ ਤਿਆਰ ਕੀਤਾ ਹੈ। ਸੌਦਾ ਸਾਧ ਦੇ ਵਕੀਲ ਨੇ ਕਿਹਾ ਕਿ ਮੇਰੇ ਮੁਵੱਕਿਲ ਨੂੰ ਟਾਂਡਾ ਫਿਲਮ ਵਿਰੁੱਧ ਕਾਨੂੰਨੀ ਕਾਰਵਾਈ ਕਰਨ ਦਾ ਪੂਰਾ ਅਧਿਕਾਰ ਹੈ, ਜਿਸ ਨੇ ਇਹ ਅਪਰਾਧ ਕੀਤਾ ਹੈ। ਉਹਨਾਂ ਕਿਹਾ ਕਿ ਵਾਰ-ਵਾਰ ਸੋਸ਼ਲ ਮੀਡੀਆ 'ਤੇ ਟ੍ਰੇਲਰ ਸਾਂਝਾ ਕਰ ਕੇ ਨਿਯਮਾਂ ਦੀ ਉਲੰਘਣਆ ਕੀਤੀ ਜਾ ਰਹੀ ਹੈ।
