ਦੀਵਾਲੀ ਤੋਂ ਪਹਿਲਾਂ ਨਵਾਂਸ਼ਹਿਰ ਪੁਲਿਸ ਹੱਥ ਲੱਗੇ ਪਟਾਕਿਆਂ ਦੇ ਵੱਡੇ ਭੰਡਾਰ

ਬਿਨਾਂ ਲਾਇਸੰਸ 104 ਕੁਇੰਟਲ ਪਟਾਕੇ ਬਰਾਮਦ

ਨਵਾਂਸ਼ਹਿਰ, 6 ਨਵੰਬਰ (ਅਮਰੀਕ ਸਿੰਘ ਢੀਂਡਸਾ): ਦੀਵਾਲੀ ਦਾ ਤਿਉਹਾਰ ਨੇੜੇ ਆ ਰਿਹਾ ਹੋਣ ਕਰ ਕੇ ਪੁਲਿਸ ਪ੍ਰਸ਼ਾਸਨ ਵਲੋਂ ਕਿਸੇ ਅਣ ਸੁਖਾਵੀ ਘਟਨਾ ਵਾਪਰਨ ਨੂੰ ਰੋਕਣ ਲਈ ਪੂਰੀ ਮੁਸ਼ਤੈਦੀ ਵਰਤਦਿਆਂ ਪਟਾਕਿਆਂ ਦੀ ਸਾਂਭ ਸੰਭਾਲ ਦੀ ਨਾਜ਼ੁਕਤਾ ਨੂੰ ਦੇਖਦੇ ਹੋਏ ਪਟਾਕੇ ਸਟੋਰ ਕਰਨ ਵਾਲਾ ਕੋਈ ਵੀ ਡੀਲਰ ਭੀੜ-ਭਾੜੇ ਜਾਂ ਰਿਹਾਇਸ਼ੀ ਇਲਾਕੇ ਵਿਚ ਪਟਾਕੇ ਸਟੋਰ ਨਾ ਕਰਨ ਅਤੇ ਨਾ ਹੀ ਬਿਨਾਂ ਪਰਮਿਟ ਜਾਂ ਲਾਇਸੰਸ ਪਟਾਕੇ ਖ਼ਰੀਦੇਗਾ ਜਾਂ ਵੇਚੇਗਾ ਦੇ ਜਾਰੀ ਕੀਤੇ ਹੁਕਮਾਂ ਦੀ ਤਾਮੀਲ ਕਰਵਾਉਣ ਲਈ ਨਵਾਂਸ਼ਹਿਰ ਵਿਖੇ ਵੱਖ-ਵੱਖ ਥਾਂਵਾਂ ਉਤੇ ਛਾਪੇ ਮਾਰੀ ਕੀਤੀ ਗਈ। ਪੁਲਿਸ ਵਲੋਂ ਸਪੈਸ਼ਲ ਮੁਹਿੰਮ ਚਲਾਉਂਦੇ ਹੋਏ ਏ.ਐਸ.ਆਈ ਬਿਕਰਮ ਸਿੰਘ ਇੰਚਾਰਜ ਚੌਕੀ ਜਾਡਲਾ ਵਲੋਂ ਅਰੁਣ ਕੁਮਾਰ ਵੁਰਧ ਮੁਕੱਦਮਾ ਦਰਜ ਕਰ ਕੇ ਅਰੁਣ ਕੁਮਾਰ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਅੰਦਾਜਨ 11 ਕੁਇੰਟਲ ਪਟਾਕੇ ਬ੍ਰਾਮਦ ਕੀਤੇ ਗਏ।
   ਇਸੇ ਲੜੀ ਤਹਿਤ ਨਵਾਂ ਸ਼ਹਿਰ ਪੁਲਿਸ ਵਲੋਂ ਨੀਰਜ ਕੁਮਾਰ ਕੋਲੋਂ ਅੰਦਾਜਨ 75 ਕੁਇੰਟਲ, ਪੰਕਜ ਗੌਤਮ ਕੋਲੋਂ 8 ਕੁਇੰਟਲ ਪਟਾਕੇ ਅਕਾਸ਼ ਗੌਤਮ ਕੋਲੋਂ 10 ਕੁਇੰਟਲ ਪਟਾਕੇ ਬ੍ਰਾਮਦ ਕੀਤੇ ਗਏ। ਇਨ੍ਹਾਂ ਸਾਰਿਆਂ ਮੁਲਜ਼ਮਾਂ ਵਿਰੁਧ ਪੁਲਿਸ ਨੇ ਮੁਕੱਦਮੇ ਦਰਜ ਕਰ ਕੇ ਉਨ੍ਹਾਂ ਨੂੰ ਮੌਕੇ ਉਤੇ ਹੀ ਗ੍ਰਿਫ਼ਾਤਰ ਕਰ ਲਿਆ ਹੈ। ਉਪਰੋਕਤ ਮੁਕੱਦਮਿਆਂ ਵਿਚ ਅੰਦਾਜਨ 104 ਕੁਇੰਟਲ ਪਟਾਕੇ ਜਿਨ੍ਹਾਂ ਦੀ ਅੰਦਾਜਨ ਕੀਮਤ 22 ਲੱਖ ਰੁਪਏ ਦੇ ਕਰੀਬ ਹੈ ਬ੍ਰਾਮਦ ਕੀਤੇ ਗਏ ਹਨ। ਪੁਲਿਸ ਦੀ ਇਸ ਕਾਰਵਾਈ ਨਾਲ ਪਟਾਕਿਆਂ ਦੇ ਨਾਜਾਇਜ਼ ਭੰਡਾਰ ਕਰਨ ਵਾਲਿਆਂ ਨੂੰ ਹੱਥਾਂ ਪੈਰਾਂ ਦੀ ਪੈ ਗਈ ਹੈ। ਪੁਲਿਸ ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਜੋ ਵੀ ਕੋਈ ਕਾਨੂੰਨ ਤੋਂ ਬਾਹਰ ਜਾ ਕੇ ਬਿਨਾਂ ਲਾਇਸੰਸ ਅਤੇ ਬਗ਼ੈਰ ਆਗਿਆ ਤੋਂ ਨਾਜਾਇਜ਼ ਤੌਰ ਉਤੇ ਪਟਾਕਿਆ ਦਾ ਭੰਡਰਾ ਕਰੇਗਾ, ਉਸ ਦਾ ਸਾਰਾ ਸਮਾਨ ਜਬਤ ਕਰ ਕੇ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।