ਕੈਪਟਨ ਸੰਧੂ ’ਤੇ ਬਾਸੀਆਂ ਬੇਟ ਵਾਸੀਆਂ ਨੇ ਕੀਤੀ ਫੁੱਲਾਂ ਦੀ ਵਰਖਾ
ਮੁੱਲਾਂਪੁਰ ਦਾਖਾ: ਪੰਜਾਬ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਹਲਕਾ ਦਾਖਾ ਤੋਂ ਕਾਂਗਰਸ ਦੇ ਉਮੀਦਵਾਰ ਕੈਪਟਨ ਸੰਧੂ ਨੇ ਅੱਜ ਪਿੰਡ ਬਾਸੀਆਂ ਬੇਟ ਵਿਚ ਡਾਇਰੈਕਟਰ ਪ੍ਰੇਮ ਸਿੰਘ ਸੇਖੋਂ ਦੀ ਅਗਵਾਈ ਹੇਠ ਚੋਣ ਜਲਸਾ ਕੀਤਾ। ਇਸ ਮੌਕੇ ਉਹਨਾਂ ਨੇ ਸਥਾਨਕ ਲੋਕਾਂ ਨੂੰ ਕਾਂਗਰਸ ਨੂੰ ਵੋਟ ਦੇਣ ਦੀ ਅਪੀਲ ਕੀਤੀ। ਉਹਨਾਂ ਕਿਹਾ ਕਿ ਵੋਟ ਲੋਕਾਂ ਦੀ ਤਕਦੀਰ ਬਦਲ ਦਿੰਦੀ ਹੈ।
Capt.Sandeep Sandhu
ਕੈਪਟਨ ਸੰਧੂ ਨੇ ਕਿਹਾ, “20 ਫਰਵਰੀ ਨੂੰ ਮੈਨੂੰ ਵੋਟਾਂ ਪਾਓ ਤਾਂ ਜੋ ਸੂਬੇ ਵਿਚ ਫਿਰ ਤੋਂ ਕਾਂਗਰਸ ਦੀ ਸਰਕਾਰ ਬਣੇ। ਉਹਨਾਂ ਕਿਹਾ ਸੰਗਤ ਵਿਚ ਰੱਬ ਵਸਦਾ ਹੈ, ਇਸ ਕਰਕੇ ਸਮੁੱਚਾ ਪਿੰਡ 20 ਫਰਵਰੀ ਨੂੰ ਮੈਨੂੰ ਵੋਟ ਪਾਵੇ”। ਉਹਨਾਂ ਦੱਸਿਆ ਕਿ ਮੁੱਖ ਮੰਤਰੀ ਚੰਨੀ ਪੰਜਾਬ ਦੇ ਸਭ ਤੋਂ ਜ਼ਿਆਦਾ ਪੜ੍ਹੇ-ਲਿਖੇ ਮੁੱਖ ਮੰਤਰੀ ਹਨ। ਉਹਨਾਂ ਦੀ 111 ਦਿਨਾਂ ਦੀ ਕਾਰਗੁਜ਼ਾਰੀ ਬਾਰੇ ਬੋਲਦਿਆਂ ਕੈਪਟਨ ਸੰਧੂ ਨੇ ਕਿਹਾ ਕਿ ਚੰਨੀ ਸਾਬ੍ਹ ਨੇ ਅਪਣੇ ਕਾਰਜਕਾਲ ਦੌਰਾਨ ਪੈਟਰੋਲ-ਡੀਜ਼ਲ ਸਸਤਾ ਕੀਤਾ, ਬਿਜਲੀ ਦੇ ਬਿੱਲ ਮੁਆਫ ਕੀਤੇ। ਉਹਨਾਂ ਕਿਹਾ ਕਿ ਚੰਨੀ ਆਮ ਘਰ ’ਚੋ ਉੱਠ ਕੇ ਮੁੱਖ ਮੰਤਰੀ ਅਹੁਦੇ ਤੱਕ ਗਏ ਅਤੇ ਉਹਨਾਂ ਨੇ ਲੋਕਾਂ ਦੇ ਹਿੱਤ ਵਿਚ ਫੈਸਲੇ ਲਏ।
Captain Sandeep Sandhu
ਇਸ ਮੌਕੇ ਪਿੰਡ ਵਾਸੀਆਂ ਨੇ ਕੈਪਟਨ ਸੰਧੂ ਨੂੰ ਫੁੱਲਾਂ ਦੀ ਵਰਖਾ ਨਾਲ ਜੀ ਆਇਆਂ ਆਖਿਆ। ਇਸ ਮੌਕੇ ਪ੍ਰਧਾਨ ਲਖਵੀਰ ਸਿੰਘ ਬੱਲ,ਸਰਪੰਚ ਹਰਭਜਨ ਸਿੰਘ ਸੇਖੋਂ, ਡਾਇਰੇਕਟਰ ਪ੍ਰੇਮ ਸਿੰਘ ਬਾਸੀਆਂ ਬੇਟ, ਪ੍ਰਧਾਨ ਸਹਿਕਾਰੀ ਸਭਾ ਪ੍ਰੀਤਮ ਸਿੰਘ ਬੱਲ ਬਾਸੀਆਂ,ਸਾਬਕਾ ਸਰਪੰਚ ਚੂਹੜ ਸਿੰਘ, ਪਰਵਿੰਦਰ ਸਿੰਘ ਮੱਲੀ,ਜਗਤਾਰ ਸਿੰਘ ਪੰਚ,ਅਮਨਦੀਪ ਸਿੰਘ ਬਲਿਹਾਰ,ਸਤਵਿੰਦਰ ਕੌਰ ਬੰਗੜ ਬਲਾਕ ਸੰਮਤੀ ਮੈਂਬਰ ,ਸਕੰਦਰ ਸਿੰਘ,ਪੰਚ ਸਵਰਨ ਕੌਰ,ਗੁਰਜੀਤ ਸਿੰਘ ਮੰਤਰੀ, ਬੇਅੰਤ ਸਿੰਘ ਬਾਸੀਆਂ ਬੇਟ,ਪੰਚ ਕਮਲਜੀਤ ਕੌਰ ਅਤੇ ਪਵਨਦੀਪ ਸਿੰਘ ਬੱਲ ਆਦਿ ਹਾਜ਼ਰ ਸਨ।
