ਬਰਗਾੜੀ ਦੀ ਧਰਤੀ 'ਤੇ ਭਾਈ ਧਿਆਨ ਸਿੰਘ ਮੰਡ ਕੌਮ ਦੇ ਸਹਿਯੋਗ ਨਾਲ ਸਿੱਖ ਕੌਮ ਦੇ ਤਿੰਨ ਵੱਡੇ ਕੌਮੀ ਮਸਲੇ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ..........
ਬਾਘਾਪੁਰਾਣਾ : ਬਰਗਾੜੀ ਦੀ ਧਰਤੀ 'ਤੇ ਭਾਈ ਧਿਆਨ ਸਿੰਘ ਮੰਡ ਕੌਮ ਦੇ ਸਹਿਯੋਗ ਨਾਲ ਸਿੱਖ ਕੌਮ ਦੇ ਤਿੰਨ ਵੱਡੇ ਕੌਮੀ ਮਸਲੇ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਦੇ ਦੋਸ਼ੀਆ ਨੂੰ ਸਜ਼ਾਵਾਂ, ਸਿੱਖ ਨੌਜਵਾਨਾਂ ਸ਼ਹੀਦ ਕਰਨ ਵਾਲੇ ਪੁਲਿਸ ਅਫ਼ਸਰਾਂ ਦੀ ਸ਼ਨਾਖਤ ਕਰਨ ਅਤੇ ਬੰਦੀ ਸਿੰਘਾਂ ਰਿਹਾਈ ਲਈ ਪਿਛਲੇ 36 ਦਿਨਾਂ ਤੋਂ ਮੋਰਚੇ 'ਤੇ ਬੈਠੇ ਹਨ। ਸੂਬਾ ਸਰਕਾਰ ਨੂੰ ਉਕਤ ਤਿੰਨੋ ਮੰਗਾਂ ਮੰਨ ਕੇ ਸਿੱਖਾਂ ਨੂੰ ਇਨਸਾਫ਼ ਦੇਣਾ ਚਾਹੀਦਾ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ (ਅ) ਦੇ ਕੌਮੀ ਪ੍ਰਧਾਨ ਸਿਮਰਨਜੀਤ ਸਿੰਘ ਮਾਨ ਨੇ ਬਰਗਾੜੀ ਮੋਰਚੇ ਲਈ ਜਾਣ ਮੌਕੇ ਅੱਜ ਬਾਘਾ ਪੁਰਾਣਾ ਵਿਖੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕੀਤਾ।
ਉਨ੍ਹਾਂ ਕਿਹਾ ਕਿ ਅਫ਼ਗਾਨਿਸਤਾਨ 'ਚ ਸਿੱਖਾਂ ਤੇ ਜੋ ਜਬਰ ਹੋਇਆ ਹੈ ਉਹ ਦੁਖਦਾਇਕ ਹੈ। ਆਈਏਐਸ ਨੇ 17 ਸਿੱਖਾਂ ਨੂੰ ਆਤਮਘਾਤੀ ਹਮਲੇ 'ਚ ਮਾਰ ਮੁਕਾਇਆ ਹੈ। ਮੋਦੀ ਦੀ ਅਮਰੀਕਾ ਨਾਲ ਗੂੜੀ ਸਾਂਝ ਹੈ, ਅਫ਼ਗਾਨਿਸਤਾਨ ਨੂੰ ਅਮਰੀਕਾ ਚਲਾ ਰਿਹਾ ਹੈ, 17 ਸਿੱਖਾਂ ਦੀ ਮੌਤ ਦੇ ਲਈ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸਿੱਧੀ ਜਵਾਬਦੇਹੀ ਬਣਦੀ ਹੈ।
