ਲੁਧਿਆਣਾ ਦੇ ਜੋਧੇਵਾਲ ਚੌਂਕ ਨੇੜੇ ਇੱਕ ਦਿਲ ਨੂੰ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ......
ਲੁਧਿਆਣਾ : ਲੁਧਿਆਣਾ ਦੇ ਜੋਧੇਵਾਲ ਚੌਂਕ ਨੇੜੇ ਇੱਕ ਦਿਲ ਨੂੰ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ।ਜਿੱਥੇ ਟਰੱਕ ਦੀ ਲਪੇਟ 'ਚ ਆਉਣ ਨਾਲ ਐਕਟਿਵਾ ਸਵਾਰ 60 ਸਾਲਾ ਬਜ਼ੁਰਗ ਮਹਿਲਾ ਦੀ ਦਰਦਨਾਕ ਮੌਤ ਹੋ ਗਈ ਜਦਕਿ ਉਸ ਦੀ ਨੁੰਹ ਨੂੰ ਹਾਦਸੇ 'ਚ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਮ੍ਰਿਤਕਾਂ ਦੀ ਪਛਾਣ ਚੰਦਰ ਨਗਰ ਨਿਵਾਸੀ ਸਰਲਾ ਭਾਟੀਆ ਵਜੋਂ ਹੋਈ ਹੈ। ਦਰੇਸੀ ਪੁਲਿਸ ਨੇ ਟਰੱਕ ਨੂੰ ਜਬਤ ਕਰ ਕੇ ਉਸ ਦੇ ਚਾਲਕ ਨੂੰ ਹਿਰਾਸਤ 'ਚ ਲੈ ਲਿਆ ਹੈ।
Accident
ਸਮਾਚਾਰ ਲਿਖੇ ਜਾਣ ਤੱਕ ਕੇਸ ਦਰਜ ਕਰਨ ਦੀ ਪ੍ਰਕਿਰਿਆ ਜਾਰੀ ਸੀ। ਪਿਛਲੇ 5 ਦਿਨਾਂ 'ਚ ਸੜਕ ਹਾਦਸਿਆਂ 'ਚ ਇਹ ਚੌਥੀ ਮੌਤ ਹੈ। ਇਸ ਤੋਂ ਪਹਿਲਾ ਲੁਧਿਆਣਾ-ਜਲੰਧਰ ਨੈਸ਼ਨਲ ਹਾਈਵੇ 'ਤੇ ਮੈਟਰੋ ਦੇ ਕੋਲ ਹੋਈ ਦੁਰਘਟਨਾ ਵਿਚ ਕਾਰ ਸਵਾਰ ਮਾਂ-ਬੇਟੀ ਦੀ ਮੌਤ ਹੋ ਗਈ ਹੈ। ਉਹ ਆਪਣੇ ਪਰਿਵਾਰ ਦੇ ਨਾਲ ਮਾਤਾ ਚਿੰਤਪੁਰਨੀ ਤੋਂ ਮੱਥਾ ਟੇਕ ਕੇ ਘਰ ਮੁੜ ਰਹੀ ਸੀ ਜਦਕਿ ਮੰਗਲਵਾਰ ਨੂੰ ਕਾਦੀਆਂ ਦੇ ਨੇੜੇ ਇਕ ਤੇਜ਼ ਰਫਤਾਰ ਟੈਂਪੂ ਟਕਰਾ ਜਾਣ ਨਾਲ ਕਾਰ ਸਵਾਰ ਨੌਜਵਾਨ ਦੀ ਮੌਤ ਹੋ ਗਈ ਸੀ। ਇਹ ਦੋਵੇਂ ਹਾਦਸੇ ਵੀ ਲੋਕਾਂ ਦੇ ਜਹਿਨ ਵਿਚ ਤਾਜ਼ਾ ਹੀ ਸਨ ਕਿ ਇਹ ਹਾਦਸਾ ਹੋ ਗਿਆ।
Accident
ਘਟਨਾ ਬੁੱਧਵਾਰ ਲਗਭਗ 3.30 ਵਜੇ ਦੀ ਹੈ। ਸਰਲਾ ਆਪਣੀ ਨੁੰਹ ਸ਼ੰਮ੍ਹਾ ਨਾਲ ਉਸ ਦੀ ਐਕਟਿਵਾ 'ਤੇ ਜੇਲ ਸਾਈਡ ਤੋਂ ਸਮਰਾਲਾ ਚੌਕ ਵੱਲ ਜਾ ਰਹੀ ਸੀ। ਐਕਟਿਵਾ ਸ਼ੰਮ੍ਹਾ ਚਲਾ ਰਹੀ ਸੀ, ਜਦ ਉਹ ਚੌਕ ਦੇ ਨੇੜੇ ਪੁੱਜੀ ਤਾਂ ਪਿਛਿਓਂ ਆ ਰਹੇ ਇਕ ਟਰੱਕ ਨੇ ਉਨ੍ਹਾਂ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ। ਸਰਲਾ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਦੇਖਣ ਵਾਲਿਆਂ ਦਾ ਕਹਿਣਾ ਹੈ ਕਿ ਹਾਈਵੇ ਨਿਰਮਾਣ ਕਾਰਜ ਕਾਰਨ ਸੜਕ ਬੇਹਦ ਖਰਾਬ ਸੀ। ਟਾਇਰ ਟੋਭੇ ਵਿਚ ਪੈਣ ਦੇ ਕਾਰਨ ਐਕਟਿਵਾ ਸਵਾਰ ਲੜਕੀ ਬੇਲੈਂਸ ਖੋਹ ਬੈਠੀ।
Accident
ਪਿਛੇ ਬੈਠੀ ਮਹਿਲਾ ਨਾਲ ਜਾ ਰਹੇ ਟਰੱਕ ਵੱਲ ਜਾ ਡਿੱਗੀ। ਟਰੱਕ ਦਾ ਪਿਛਲਾ ਟਾਇਰ ਉਸ ਦੇ ਸਿਰ ਨੂੰ ਕੁਚਲ ਗਿਆ। ਜਿਸ ਕਾਰਨ ਉਸ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ। ਸ਼ੰਮ੍ਹਾ ਦਾ ਕਹਿਣਾ ਹੈ ਕਿ ਹਾਦਸਾ ਟਰੱਕ ਚਾਲਕ ਦੀ ਲਾਪਰਵਾਹੀ ਦੇ ਕਾਰਨ ਹੋਇਆ ਹੈ। ਟਰੱਕ ਨੇ ਐਕਟਿਵਾ ਨੂੰ ਪਿਛੇ ਹਿਟ ਕੀਤਾ। ਉਧਰ ਘਟਨਾ ਦੀ ਸੂਚਨਾ ਮਿਲਣ 'ਤੇ ਦਰੇਸੀ ਪੁਲਸ ਘਟਨਾ ਸਥਾਨ 'ਤੇ ਪੁੱਜੀ। ਲਾਸ਼ ਨੂੰ ਕਬਜ਼ੇ ਵਿਚ ਲੈ ਕੇ ਪੋਸਟਮਾਟਰਮ ਦੇ ਲਈ ਭੇਜਿਆ ਗਿਆ ਹੈ। ਟਰੱਕ ਨੂੰ ਜਬਤ ਕਰਕੇ ਉਸ ਦੇ ਚਾਲਕ ਨੂੰ ਮੌਕੇ 'ਤੇ ਹੀ ਫੜ ਲਿਆ ਗਿਆ।
