ਬਾਈਡਨ ਨੇ ਵਨੀਤਾ ਗੁਪਤਾ ਨੂੰ ਐਸੋਸੀਏਟ ਅਟਾਰਨੀ ਜਨਰਲ ਲਈ ਕੀਤਾ ਨਾਮਜ਼ਦ
ਵਾਸ਼ਿੰਗਟਨ, 8 ਜਨਵਰੀ : ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਈਡਨ ਨੇ ਭਾਰਤੀ ਮੂਲ ਦੀ ਅਮਰੀਕੀ ਮਹਿਲਾ ਵਨੀਤਾ ਗੁਪਤਾ ਨੂੰ ਐਸੋਸੀਏਟ ਅਟਾਰਨੀ ਜਨਰਲ ਅਹੁਦੇ ਲਈ ਨਾਮਜ਼ਦ ਕੀਤਾ ਹੈ। ਜੇ ਉਸ ਦੀ ਨਿਯੁਕਤੀ ਨੂੰ ਸੀਨੇਟ ਦੀ ਮਨਜ਼ੂਰੀ ਮਿਲ ਜਾਂਦੀ ਹੈ ਤਾਂ ਉਹ ਇਸ ਅਹੁਦੇ ’ਤੇ ਪਹੁੰਚਣ ਵਾਲੀ ਪਹਿਲੀ ਗ਼ੈਰ ਅਮਰੀਕੀ ਮਹਿਲਾ ਹੋਵੇਗੀ। ਬਾਈਡਨ ਨੇ ਕਿਹਾ ਕਿ ਵਨੀਤਾ ਨਾਗਰਿਕ ਅਧਿਕਾਰਾਂ ਲਈ ਕੰਮ ਕਰਨ ਵਾਲੀ ਅਮਰੀਕਾ ਦੀ ਸੱਭ ਤੋਂ ਸਨਮਾਨਤ ਵਕੀਲਾਂ ’ਚੋ ਹੈ ਤੇ ਉਨ੍ਹਾਂ ਨੇ ਲੋਕਾਂ ਨੂੰ ਨਿਆਂ ਦਿਵਾਉਣ ਲਈ ਸੰਘਰਸ਼ ਕੀਤਾ ਹੈ।
ਵਨੀਤਾ ਨੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਦੇ ਪ੍ਰਸ਼ਾਸਨ ’ਚ ਨਿਆਂ ਵਿਭਾਗ ’ਚ ਪ੍ਰਮੁੱਖ ਉਪ ਸਹਾਇਕ ਅਟਾਰਨੀ ਜਨਰਲ ਤੇ ਨਾਗਰਿਕ ਅਧਿਕਾਰ ਪ੍ਰਭਾਗ ਦੇ ਮੁੱਖ ਰੂਪ ’ਚ ਕੰਮ ਕੀਤਾ ਸੀ, ਤਦ ਬਾਈਡਨ ਉਪਰਾਸ਼ਟਰਪਤੀ ਸੀ। ਅਪਣੇ ਗ੍ਰਹਿ ਸੂਬੇ ਡੇਲਾਵੇਅਰ ਦੇ ਵਿਲਮਿੰਗਟਨ ’ਚ ਮੀਡੀਆ ਨੂੰ ਸੰਬੋਧਿਤ ਕਰਦੇ ਹੋਏ ਬਾਈਡਨ ਨੇ ਕਿਹਾ, ‘ਐਸੋਸੀਏਟ ਅਟਾਰਨੀ ਜਨਰਲ ਨਿਆਂ ਵਿਭਾਗ ’ਚ ਤੀਜਾ ਸੱਭ ਤੋਂ ਮੁੱਖ ਅਹੁਦਾ ਹੈ ਤੇ ਮੈਂ ਇਸ ਨੂੰ ਵਨੀਤਾ ਗੁਪਤਾ ਦੇ ਨਾਂ ਦਿੰਦਾ ਹਾਂ। ਵਨੀਤਾ ਨੇ ਐੱਨਏਐੱਸੀਪੀ ਲੀਗਲ ਡਿਫੈਂਸ ਫ਼ੰਡ ਨਾਲ ਅਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਐੱਨਏਐੱਸੀਪੀ ’ਚ ਕੰਮ ਕਰਨ ਦੌਰਾਨ ਵਨੀਤਾ ਖ਼ਬਰਾਂ ’ਚ ਆਈ, ਜਦ ਉਨ੍ਹਾਂ ਨੇ ਲਾਅ ਸਕੂਲ ਨਾਲ ਸਿੱਧੇ 38 ਲੋਕਾਂ ਦੀ ਰਿਹਾਈ ’ਚ ਜਿੱਤ ਹਾਸਲ ਕੀਤੀ ਸੀ।
(ਪੀਟੀਆਈ)
