ਵਿਸ਼ਵ ਕੱਪ ਤੋਂ ਪਹਿਲਾਂ ਨਿਊਜ਼ੀਲੈਂਡ ਨਾਲ ਖੇਡਣਾ

ਨਵੀਂ ਦਿੱਲੀ, 8 ਜਨਵਰੀ : ਭਾਰਤ ਦੀ ਤੇਜ ਗੇਂਦਬਾਜ਼ ਝੂਲਨ ਗੋਸਵਾਮੀ ਦਾ ਕਹਿਣਾ ਹੈ ਕਿ ਵਿਸ਼ਵ ਕੱਪ ਤੋਂ ਪਹਿਲਾਂ ਨਿਊਜ਼ੀਲੈਂਡ ’ਚ ਇਕ ਦਿਨਾ ਲੜੀ ਖੇਡਣ ਨਾਲ ਟੀਮ ਨੂੰ ਫ਼ਾਇਦਾ ਦੇਵੇਗਾ। 39 ਸਾਲਾ ਝੂਲਨ ਜੋ ਕਿ ਇਕ ਦਿਨਾ ਮੈਚਾਂ ’ਚ ਮੋਹਰਲੀ ਵਿਕਟ ਲੈਣ ਵਾਲੀ ਕਿ੍ਰਕਟਰ ਹੈ, ਵੀ ਆਪਣੇ ਆਖ਼ਰੀ ਆਈ. ਸੀ. ਸੀ. (ਕੌਮਾਂਤਰੀ ਕਿ੍ਰਕਟ ਪਰਿਸ਼ਦ) ਦੇ ਮੇਗਾ ਈਵੈਂਟ ’ਚ ਹਿੱਸਾ ਲਵੇਗੀ। ਇਸ ਤੋਂ ਪਹਿਲਾਂ ਨਿਊਜ਼ੀਲੈਂਡ ਵਿਰੁਧ ਇਕ ਦਿਨਾ ਲੜੀ 11 ਫ਼ਰਵਰੀ ਤੋਂ ਸ਼ੁਰੂ ਹੋਵੇਗੀ। ਝੂਲਨ ਨੇ ਕਿਹਾ ਕਿ ਸਾਨੂੰ ਵਿਸ਼ਵ ਕੱਪ ਤੋਂ ਪਹਿਲਾਂ ਨਿਊਜ਼ੀਲੈਂਡ ’ਚ ਖੇਡਣ ਨੂੰ ਮਿਲ ਰਿਹਾ ਹੈ ਜੋ ਇਕ ਚੰਗੀ ਤਿਆਰੀ ਹੈ। ਇਸ ਨਾਲ ਸਾਨੂੰ ਹਾਲਾਤ ਤੇ ਮੌਸਮ ਮੁਤਾਬਕ ਢਲਣ ’ਚ ਮਦਦ ਮਿਲੇਗੀ। ਝੂਲਨ ਨੇ ਕਿਹਾ ਕਿ ਉੱਥੇ ਬਹੁਤ ਹਵਾ ਚਲ ਰਹੀ ਹੈ ਤੇ ਕਿ੍ਰਕਟਰਾਂ ਦੇ ਤੌਰ ’ਤੇ ਸਾਨੂੰ ਹਾਲਾਤ ਨਾਲ ਤਾਲਮੇਲ ਬਿਠਾਉਣ ਲਈ ਕੁਝ ਸਮਾਂ ਚਾਹੀਦਾ ਹੈ।     (ਏਜੰਸੀ)
ਸਾਨੂੰ ਗੇਂਦਬਾਜ਼ਾਂ ਲਈ ਸ਼ੁਰੂਆਤ ’ਚ ਹਵਾ ਵਿਰੁਧ ਗੇਂਦਬਾਜੀ ਕਰਨਾ ਮੁਸ਼ਕਲ ਹੁੰਦਾ ਹੈ। ਇਹ ਪੰਜ ਮੈਚ ਸਾਨੂੰ ਹਾਲਾਤ ਤੇ ਮੌਸਮ ਤੋਂ ਜਾਣੂ ਕਰਵਾਉਣ ਦੀ ਇਜਾਜ਼ਤ ਦੇਣਗੇ। ਸਾਰੇ ਮੈਚ ਮਹੱਤਵਪੂਰਨ ਹੋਣ ਜਾ ਰਹੇ ਹਨ। ਝੂਲਨ ਨੇ ਕਿਹਾ ਕਿ ਕੋਵਿਡ ਕਾਰਨ ਅਸੀਂ ਬਹੁਤ ਜ਼ਿਆਦਾ ਕੌਮਾਂਤਰੀ ਕਿ੍ਰਕਟ ਨਹੀਂ ਖੇਡਿਆ ਹੈ। ਇਸ ਲਈ ਸਾਨੂੰ ਵੱਡੇ ਟੂਰਨਾਮੈਂਟ ਤੋਂ ਪਹਿਲਾਂ ਆਪਣੀਆਂ ਕਮੀਆਂ ਨੂੰ ਠੀਕ ਕਰਨ ਦਾ ਮੌਕਾ ਮਿਲੇਗਾ।     (ਏਜੰਸੀ)