ਇਹਨਾਂ ਬੱਚਿਆਂ ਨੂੰ ਚਾਹੇ ਇਤਿਹਾਸ ਜਾਂ ਮੌਜੂਦਾ ਸਮੇਂ ਦੇ...
ਚੰਡੀਗੜ੍ਹ: ਫਤਿਹਗੜ੍ਹ ਸਾਹਿਬ 'ਚ ਅਜਿਹੇ ਦੋ ਸਕੇ ਭੈਣ ਭਰਾ ਹਨ ਜਿਨ੍ਹਾਂ ਨੇ ਮਹਿਜ਼ ਸਿਰਫ ਅੱਠ ਤੇ ਛੇ ਸਾਲਾਂ 'ਚ ਵੱਡੇ ਕੀਰਤੀਮਾਨ ਸਥਾਪਤ ਕਰਦਿਆਂ ਇੰਡੀਆ ਬੁੱਕ ਆਫ਼ ਰਿਕਾਰਡ ਅਤੇ ਵਰਲਡ ਰਿਕਾਰਡ ਆਫ ਇੰਡੀਆ, ਏਸ਼ੀਆ ਵਰਲਡ ਰਿਕਾਰਡ ਦੇ ਵਿੱਚ ਆਪਣਾ ਨਾਂ ਦਰਜ ਕਰਵਾਇਆ ਹੈ।
Kamaldeep Singh and Mandeep Kaur
ਕਮਲਦੀਪ ਸਿੰਘ ਜੋ ਕਿ ਤੀਸਰੀ ਜਮਾਤ ਵਿੱਚ ਪੜ੍ਹਦਾ ਹੈ ਅਤੇ ਮਨਦੀਪ ਕੌਰ ਦੂਜੀ ਜਮਾਤ ਦੀ ਵਿਦਿਆਰਥਣ ਹੈ ਤੇ ਇਨ੍ਹਾਂ ਨੇ ਜਨਰਲ ਨਾਲਜ ਦੇ ਗਿਆਨ ਵਿਚ ਅਥਾਹ ਵਾਧਾ ਕਰ ਕੇ ਨਵੇਂ ਕੀਰਤੀਮਾਨ ਸਥਾਪਤ ਕੀਤੇ ਹਨ। ਇਹਨਾਂ ਬੱਚਿਆਂ ਦੀ ਸਪੋਕਸਮੈਨ ਟੀਮ ਨੇ ਇੰਟਰਵਿਊ ਕੀਤੀ ਜਿਸ ਵਿਚ ਉਹਨਾਂ ਦੀ ਪੜ੍ਹਾਈ ਬਾਰੇ ਤੇ ਉਹਨਾਂ ਦੇ ਗਿਆਨ ਦੀ ਗੱਲਬਾਤ ਕੀਤੀ ਗਈ।
Kamaldeep Singh and Mandeep Kaur
ਇਹਨਾਂ ਬੱਚਿਆਂ ਨੂੰ ਚਾਹੇ ਇਤਿਹਾਸ ਜਾਂ ਮੌਜੂਦਾ ਸਮੇਂ ਦੇ ਗਿਆਨ ਬਾਰੇ ਪੁੱਛ ਲਓ, ਹਰ ਪ੍ਰਸ਼ਨ ਦਾ ਸਹੀ ਜਵਾਬ ਦੇਣਗੇ। ਇਹਨਾਂ ਬੱਚਿਆਂ ਨੇ ਰਾਜਧਾਨੀਆਂ ਤੋਂ ਲੈ ਕੇ, ਡੀਸੀ, ਮੋਬਾਇਲ ਕੰਪਨੀਆਂ, ਸ਼ਹਿਰ, ਪ੍ਰਧਾਨ ਮੰਤਰੀਆਂ ਦੇ ਨਾਮ ਸਭ ਦੇ ਜਵਾਬ ਬਹੁਤ ਹੀ ਬਾਖੂਬੀ ਦਿੱਤੇ ਹਨ। ਬੱਚਿਆਂ ਦੇ ਪਿਤਾ ਪੈਂਟਰ ਹਨ ਤੇ ਉਹਨਾਂ ਨੇ 10ਵੀਂ ਤਕ ਪੜ੍ਹਾਈ ਕੀਤੀ ਹੋਈ ਹੈ।
Mobile
ਪਰ ਇਹਨਾਂ ਬੱਚਿਆਂ ਦੀ ਕਾਮਯਾਬੀ ਪਿੱਛੇ ਇਹਨਾਂ ਦੇ ਪਿਤਾ ਦਾ ਬਹੁਤ ਵੱਡਾ ਹੱਥ ਰਿਹਾ ਹੈ। ਉਹ ਬੱਚਿਆਂ ਨੂੰ ਹਰ ਖੇਤਰ ਦੀ ਪੜ੍ਹਾਈ ਕਰਵਾਉਂਦੇ ਹਨ। ਸਭ ਤੋਂ ਵੱਡੀ ਤਰਾਸਦੀ ਇਹ ਹੈ ਕਿ ਇਹ ਪਰਿਵਾਰ ਇਕ ਕਿਰਾਏ ਦੇ ਮਕਾਨ ਵਿਚ ਰਹਿ ਰਿਹਾ ਹੈ।
Kamaldeep Singh and Mandeep Kaur
ਇਨ੍ਹਾਂ ਹੋਣਹਾਰ ਬੱਚਿਆਂ ਦੀ ਮਦਦ ਲਈ ਸਮਾਜ ਸੇਵੀ ਜਥੇਬੰਦੀਆਂ ਅਤੇ ਸਰਕਾਰਾਂ ਨੂੰ ਵੀ ਅੱਗੇ ਆਉਣ ਦੀ ਲੋੜ ਹੈ। ਤਾਂ ਜੋ ਇਹ ਬੱਚੇ ਅਪਣਾ ਤੇ ਅਪਣੇ ਮਾਪਿਆਂ ਦਾ ਨਾਮ ਰੌਸ਼ਨ ਕਰ ਸਕਣ ਤੇ ਹੋਰਨਾਂ ਬੱਚਿਆਂ ਲਈ ਮਿਸਾਲ ਬਣ ਸਕਣ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
