ਮਾਮਲਾ ਜ਼ਿਲ੍ਹਾ ਗੁਰਦਾਸਪੁਰ ਦੇ ਹਲਕਾ ਘਲਾਨੌਰ ਤੇ ਨੇੜਲੇ...
ਗੁਰਦਾਸਪੁਰ: ਮਾਤਾ-ਪਿਤਾ ਹੀ ਪੂਰੀ ਦੁਨੀਆ ਵਿਚ ਅਜਿਹੇ ਸ਼ਖ਼ਸ ਹੁੰਦੇ ਹਨ ਜੋ ਕਿ ਅਪਣੇ ਬੱਚਿਆਂ ਨੂੰ ਬਿਨਾਂ ਸੁਆਰਥ ਦੇ ਪਿਆਰ ਕਰਦੇ ਹਨ। ਕਿਹਾ ਵੀ ਜਾਂਦਾ ਹੈ ਕਿ ਪੁੱਤ-ਕਪੁੱਤ ਹੋ ਸਕਦੇ ਹਨ ਪਰ ਮਾਂ ਕਦੇ ਕੁਮਾਂ ਨਹੀਂ ਹੁੰਦੀ। ਅਜਿਹੀਆਂ ਤੁਕਾਂ ਨੂੰ ਇਸ ਕਲਯੁੱਗੀ ਮਾਂ ਨੇ ਗਲਤ ਸਾਬਿਤ ਕਰ ਅਪਣੀ ਦਰਿੰਦਗੀ ਨੂੰ ਦਰਸਾਇਆ ਹੈ।
Gurdaspur
ਮਾਮਲਾ ਜ਼ਿਲ੍ਹਾ ਗੁਰਦਾਸਪੁਰ ਦੇ ਹਲਕਾ ਘਲਾਨੌਰ ਤੇ ਨੇੜਲੇ ਪਿੰਡ ਰਾਊਡੀਆਨਾ ਦਾ ਹੈ ਜਿੱਥੇ ਮਾਂ ਦੁਆਰਾ ਅਪਣੀ ਦਰਿੰਦਗੀ ਦਿਖਾਉਂਦਿਆਂ ਤਿੰਨ ਕੁੜੀਆਂ ਤੇ ਇਕ ਢਾਈ ਸਾਲ ਦੇ ਮੁੰਡੇ ਨੂੰ ਛੱਡ ਕੇ ਅਪਣੇ ਭਰਾ ਦੇ ਨਾਲ ਪੇਕੇ ਜਾਣ ਦੀ ਗੱਲ ਸਾਹਮਣੇ ਆਈ ਹੈ। ਜਿਸ ਦੇ ਜਾਣ ਤੋਂ ਬਾਅਦ ਅੱਜ ਤਕ ਉਸ ਦੀ ਕੋਈ ਖ਼ਬਰ ਨਹੀਂ ਮਿਲੀ। ਬੱਚਿਆਂ ਦੇ ਮਾਮੇ ਤੋਂ ਪੁੱਛਗਿੱਛ ਕਰਨ ਤੇ ਉਸ ਦਾ ਇਕ ਹੀ ਜਵਾਬ ਹੁੰਦਾ ਹੈ ਕਿ ਉਸ ਨੇ ਅਪਣੀ ਭੈਣ ਨੂੰ ਪਿੰਡ ਦੀ ਬੱਸ ਦੇ ਵਿਚ ਬਿਠਾਇਆ ਸੀ।
Girl
ਉਸ ਤੋਂ ਉਸ ਨੂੰ ਕੋਈ ਜਾਣਕਾਰੀ ਨਹੀਂ ਹੈ। ਇਸ ਤੋਂ ਬਾਅਦ ਗਰੀਬ ਬੱਚਿਆਂ ਤੇ ਦੁੱਖਾਂ ਦਾ ਪਹਾੜ ਉਦੋਂ ਟੁੱਟਿਆ ਜਦ ਬੱਚਿਆਂ ਦੇ ਪਿਤਾ ਦੀ ਮੌਤ ਹੋ ਗਈ। ਹੁਣ ਇਹ ਸਾਰੇ ਬੱਚੇ ਅਪਣੇ ਤਾਏ ਸੁਰਜੀਤ ਸਿੰਘ ਦੇ ਕੋਲ ਰਹਿ ਰਹੇ ਹਨ। ਤਾਏ ਦੀਆਂ ਨਾਮਾਖਾਂ ਉਸ ਦੇ ਘਰ ਦੇ ਹਾਲਾਤਾਂ ਨੂੰ ਦਰਸਾ ਰਹੀਆਂ ਹਨ। ਬੱਚਿਆਂ ਦੇ ਤਾਏ ਨੇ ਦਸਿਆ ਕਿ ਇਕ ਦਿਨ ਗੁਰਪੁਰਬ ਵਾਲੇ ਦਿਨ ਬੱਚਿਆਂ ਦੀ ਮਾਂ ਨੇ ਬੱਚਿਆਂ ਨੂੰ ਕਿਹਾ ਕਿ ਉਹ ਗੁਰਦੁਆਰੇ ਪਰਸ਼ਾਦਾ ਛੱਕਣ ਚਲੇ ਜਾਣ।
Child
ਮਗਰੋਂ ਬੱਚਿਆਂ ਦਾ ਮਾਮਾ ਘਰ ਆਇਆ ਤੇ ਉਸ ਨੂੰ ਲੈ ਕੇ ਚਲਾ ਗਿਆ। ਫਿਰ ਉਸ ਤੋਂ ਬਾਅਦ ਉਹ ਹੁਣ ਤਕ ਘਰ ਨਹੀਂ ਆਈ। ਇਸੇ ਸਦਮੇ ਵਿਚ ਹੀ ਉਸ ਦੇ ਪਤੀ ਦੀ ਵੀ ਮੌਤ ਹੋ ਗਈ। ਉੱਥੇ ਹੀ ਜਦ ਬੱਚਿਆਂ ਦੀ ਭੂਆ ਨਾਲ ਗੱਲਬਾਤ ਹੋਈ ਤਾਂ ਉਸ ਦੇ ਭਰਾ ਦੀ ਮੌਤ ਦਾ ਕਾਰਨ ਅਪਣੀ ਭਾਬੀ ਨੂੰ ਦਸਿਆ ਜੋ ਇਕ ਸਾਲ ਪਹਿਲਾਂ ਘਰੋਂ ਚਲੀ ਗਈ ਸੀ। ਬੱਚਿਆਂ ਦੀ ਭੂਆ ਨੇ ਦਸਿਆ ਕਿ ਬੱਚਿਆਂ ਦੇ ਹਲਾਤਾਂ ਵੱਲ ਦੇਖ ਕੇ ਉਸ ਦੀ ਅੱਖਾਂ ਭਰ ਆਉਂਦੀਆਂ ਹਨ।
Gurdaspur
ਅੱਜ ਤਕ ਨਾ ਸਰਕਾਰ ਵੱਲੋਂ, ਨਾ ਸੰਸਥਾ ਵੱਲੋਂ ਉਹਨਾਂ ਦੀ ਸਹਾਇਤਾ ਕੀਤੀ ਗਈ ਹੈ। ਉਹਨਾਂ ਅੱਗੇ ਕਿਹਾ ਕਿ ਉਸ ਦਾ ਭਰਾ ਪਹਿਲਾਂ ਗੱਡੀ ਚਲਾਉਂਦਾ ਸੀ ਪਰ ਬਾਅਦ ਵਿਚ ਪਤਨੀ ਦੇ ਜਾਣ ਤੋਂ ਬਾਅਦ ਉਹ ਵੀ ਸਦਮੇ ਵਿਚ ਚਲਾ ਗਿਆ।
Gurdaspur
ਦਸ ਦਈਏ ਕਿ ਇਸ ਗਰੀਬ ਪਰਿਵਾਰ ਦੀ ਮਦਦ ਲਈ ਅਜੇ ਤਕ ਕੋਈ ਅੱਗੇ ਨਹੀਂ ਆਇਆ। ਉਮੀਦ ਹੈ ਕਿ ਕੋਈ ਸਮਾਜ ਸੇਵੀ ਜਾਂ ਫਿਰ ਕੋਈ ਸਰਕਾਰ ਦਾ ਨੁਮਾਇੰਦਾ ਬੱਚਿਆਂ ਦੀ ਮਦਦ ਕਰ ਇਸ ਨਰਕ ਭਰੀ ਜ਼ਿੰਦਗੀ ਤੋਂ ਛੁਟਕਾਰਾ ਕਰਵਾ ਸਕੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
