ਰਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਅਪਣੇ ਜਾਪਾਨੀ ਹਮਰੁਤਬਾ ਯਾਸੁਕਾਜੂ ਹਮਾਦਾ ਨਾਲ ਕੀਤੀ ਮੁਲਾਕਾਤ
ਟੋਕੀਓ, 8 ਸਤੰਬਰ : ਰਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਵੀਰਵਾਰ ਨੂੰ ਅਪਣੇ ਜਾਪਾਨੀ ਹਮਰੁਤਬਾ ਯਾਸੁਕਾਜੂ ਹਮਾਦਾ ਨਾਲ ਮੁਲਾਕਾਤ ਕੀਤੀ | ਸਿੰਘ ਨੇ ਕਿਹਾ ਕਿ ਦੋਵਾਂ ਦੇਸ਼ਾਂ ਦਰਮਿਆਨ ਵਿਸ਼ੇਸ਼ ਦੁਵਲੀ ਰਣਨੀਤਕ ਅਤੇ ਗਲੋਬਲ ਸਾਂਝੇਦਾਰੀ ਇਕ ਆਜ਼ਾਦ, ਖੁਲ੍ਹੇ ਅਤੇ ਕਾਨੂੰਨ ਅਧਾਰਤ ਇੰਡੋ-ਪੈਸੀਫਿਕ ਖੇਤਰ ਨੂੰ ਯਕੀਨੀ ਬਣਾਉਣ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ | ਰਾਜਨਾਥ ਸਿੰਘ ਮੰਗੋਲੀਆ ਅਤੇ ਜਾਪਾਨ ਦੇ ਅਪਣੇ ਪੰਜ ਦਿਨਾਂ ਦੌਰੇ ਦੇ ਆਖ਼ਰੀ ਪੜਾਅ 'ਤੇ ਟੋਕੀਓ ਪਹੁੰਚੇ ਹਨ |
ਸਿੰਘ ਨੇ ਹਮਦਾ ਨਾਲ ਮੁਲਾਕਾਤ ਤੋਂ ਬਾਅਦ ਟਵੀਟ ਕੀਤਾ, 'ਜਾਪਾਨ ਦੇ ਰਖਿਆ ਮੰਤਰੀ ਯਾਸੁਕਾਜੂ ਹਮਦਾ ਨਾਲ ਦੁਵਲੀ ਗੱਲਬਾਤ ਵਿਚ ਰਖਿਆ ਸਹਿਯੋਗ ਅਤੇ ਖੇਤਰੀ ਮਾਮਲਿਆਂ ਦੇ ਵੱਖ-ਵੱਖ ਪਹਿਲੂਆਂ ਦੀ ਸਮੀਖਿਆ ਕੀਤੀ | ਇਸ ਸਾਲ ਦੋਵੇਂ ਦੇਸ਼ ਅਪਣੇ ਕੂਟਨੀਤਕ ਸਬੰਧਾਂ ਦੀ 70ਵੀਂ ਵਰ੍ਹੇਗੰਢ ਦਾ ਜਸ਼ਨ ਮਨਾ ਰਹੇ ਹਨ |'
ਉਨ੍ਹਾਂ ਕਿਹਾ, 'ਭਾਰਤ ਅਤੇ ਜਾਪਾਨ ਵਿਸ਼ੇਸ਼ ਰਣਨੀਤਕ ਅਤੇ ਗਲੋਬਲ ਸਾਂਝੇਦਾਰੀ ਨੂੰ ਅੱਗੇ ਵਧਾ ਰਹੇ ਹਨ | ਜਾਪਾਨ ਦੇ ਨਾਲ ਭਾਰਤ ਦੀ ਰਖਿਆ ਭਾਈਵਾਲੀ ਇਕ ਮੁਕਤ, ਖੁਲ੍ਹੇ ਅਤੇ ਕਾਨੂੰਨ ਆਧਾਰਿਤ ਇੰਡੋ-ਪੈਸੀਫਿਕ ਖੇਤਰ ਨੂੰ ਯਕੀਨੀ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਏਗੀ |' (ਏਜੰਸੀ)
