image
ਬ੍ਰਿਟੇਨ ਦੀ ਮਹਾਰਾਣੀ ਪਹਿਲੀ ਵਾਰ ਮਾਸਕ ਪਾਈ ਆਈ ਨਜ਼ਰ
ਲੰਡਨ, 8 ਨਵੰਬਰ : ਬ੍ਰਿਟੇਨ ਦੀ ਮਹਾਰਾਣੀ ਐਲੀਜ਼ਾਬੇਥ ਦੂਜੀ ਪਿਛਲੇ ਹਫ਼ਤੇ ਵੈਸਟਮਿੰਸਟਰ ਏਬੇ ਵਿਚ ਇਕ ਅਣਪਛਾਤੇ ਯੋਧਾ ਦੀ ਯਾਦ ਵਿਚ ਆਯੋਜਿਤ ਸ਼ਰਧਾਂਜਲੀ ਸਮਾਰੋਹ ਵਿਚ ਪਹਿਲੀ ਵਾਰ ਮਾਸਕ ਪਹਿਨੇ ਨਜ਼ਰ ਆਈ। ਐਲੀਜ਼ਾਬੇਥ (94) ਬੀਤੇ ਕੁਝ ਮਹੀਨਿਆਂ ਵਿਚ ਕਈ ਮੌਕਿਆਂ 'ਤੇ ਜਨਤਕ ਤੌਰ 'ਤੇ ਦਿਖਾਈ ਦਿਤੀ। ਇਸ ਤੋਂ ਪਹਿਲਾਂ ਉਹਨਾਂ ਨੂੰ ਮਾਸਕ ਪਹਿਨੇ ਨਹੀਂ ਦੇਖਿਆ ਗਿਆ।ਉਹਨਾਂ ਨੇ ਮਾਰਚ ਦੇ ਬਾਅਦ ਲੰਡਨ ਵਿਚ ਪਹਿਲੀ ਵਾਰ ਜਨਤਕ ਪ੍ਰੋਗਰਾਮ ਵਿਚ ਸ਼ਿਰਕਤ ਦੇ ਦੌਰਾਨ ਕਾਲੇ ਰੰਗ ਦਾ ਮਾਸਕ ਪਹਿਨਿਆ ਹੋਇਆ ਸੀ, ਜਿਸ ਦੀਆਂ ਕਿਨਾਰੀਆਂ 'ਤੇ ਸਫੇਦ ਰੰਗ ਦੀ ਪੱਟੀ ਲੱਗੀ ਹੋਈ ਸੀ। ਪ੍ਰੋਗਰਾਮ ਦੀਆਂ ਤਸਵੀਰਾਂ ਅਧਿਕਾਰਤ ਤੌਰ 'ਤੇ ਸਨਿਚਰਵਾਰ ਦੇਰ ਰਾਤ ਜਾਰੀ ਕੀਤੀਆਂ ਗਈਆਂ।
