ਕਿਸਾਨੀ ਘੋਲ ਦੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਦੇਣ ਲਈ ਮੋਮਬੱਤੀ ਮਾਰਚ ਕਢਿਆ

ਸੁਨਾਮ ਊਧਮ ਸਿੰਘ ਵਾਲਾ, 9 ਫਰਵਰੀ (ਦਰਸ਼ਨ ਸਿੰਘ ਚੌਹਾਨ) ਖੇਤੀ ਵਿਰੋਧੀ ਕਾਨੂੰਨਾਂ ਖਿਲਾਫ ਚੱਲ ਰਹੇ ਕਿਸਾਨੀ ਸੰਘਰਸ਼ ਵਿੱਚ ਆਪਣੀਆਂ ਜਾਨਾਂ ਦੇ ਕੇ ਸ਼ਹਾਦਤਾਂ ਪਾਉਣ ਵਾਲਿਆਂ ਨੂੰ ਸ਼ਰਧਾਂਜਲੀ ਦੇਣ ਲਈ ਸੁਨਾਮ ਸ਼ਹਿਰ ਦੇ ਲੋਕਾਂ ਅਤੇ ਹੋਰਨਾਂ ਸਮਾਜ ਸੇਵੀ ਸੰਸਥਾਵਾਂ ਵੱਲੋਂ ਮੋਮਬੱਤੀ ਮਾਰਚ ਕੱਢਿਆ ਗਿਆ। 
ਇੱਥੇ ਮੁਹੱਲਾ ਪੀਲਵਾਦ ਵਿਖੇ ਸਥਿਤ ਜੰਗ-ਏ-ਆਜ਼ਾਦੀ ਦੇ ਮਹਾਨ ਸਪੂਤ ਸ਼ਹੀਦ ਊਧਮ ਸਿੰਘ ਜੀ ਦੇ ਜੱਦੀ ਘਰ ਤੋਂ ਸ਼ੁਰੂ ਕਰਕੇ ਬਜ਼ਾਰ ਵਿੱਚ ਹੁੰਦੇ ਹੋਏ ਅਗਰਸ਼ੈਨ ਚੌਂਕ ਵਿੱਚ ਮੋਮਬੱਤੀਆਂ ਜਗਾਕੇ ਸਮਾਪਤ ਕੀਤਾ। 
ਇਸ ਮਾਰਚ ਵਿੱਚ ਸਮਾਜ ਸੇਵੀ ਐਡਵੋਕੇਟ ਮਨਪ੍ਰੀਤ ਸਿੰਘ ਨਮੋਲ ,ਜਸਪਾਲ ਸਿੰਘ ਪਾਲਾ , ਸਿਕੰਦਰ ਸਿੰਘ ਚੀਮਾਂ ਤੇ ਰੁਪਿੰਦਰ ਸਿੰਘ ਨੇ ਬੋਲਦਿਆਂ ਕਿਹਾ ਕਿ ਇਹ ਕੈਡਲ ਮਾਰਚ ਜਿੱਥੇ ਕਿਸਾਨੀ ਸੰਘਰਸ਼ ਵਿੱਚ ਸ਼ਹੀਦ ਹੋਏ ਕਿਸਾਨਾਂ ਤੇ ਪੁਲਿਸ ਦੀ ਗੋਲੀ ਨਾਲ ਹੋਈ ਨਵਨੀਤ ਸਿੰਘ ਡਿਬ ਡਿਬਾ ਦੀ ਮੌਤ ਨੂੰ ਸਮਰਪਿਤ ਹੈ ,ਉਥੇ ਹੀ 23 ਸਾਲਾਂ ਬੇਗੁਨਾਹ ਨੌਦੀਪ ਕੌਰ ਦੀ ਰਹਾਈ ਦੀ ਵੀ ਆਵਾਜ਼ ਬੁਲੰਦ ਕੀਤੀ। ਇਥੇ ਐਡਵੋਕੇਟ ਨਮੋਲ ਨੇ ਕੇਂਦਰ ਸਰਕਾਰ ਦੇ ਇਸ਼ਾਰੇ ਤੇ 26 ਜਨਵਰੀ ਨੂੰ ਦਿੱਲੀ ਪੁਲਿਸ ਪ੍ਰਸ਼ਾਸਨ ਵਲੋਂ ਕੀਤੀ ਠਿਲ ਅਤੇ ਜਾਣ ਬੁੱਝ ਕੇ ਰਾਸਤੇ ਖੋਲਣ ਕਾਰਨ ਹੋਏ ਲਾਲ ਕਿਲ੍ਹੇ ਦੀ ਘਟਨਾ ਦੀ ਵੀ ਅਲੋਚਨਾ ਕਰਦੇ ਹੋ ,ਨੌਜਵਾਨਾਂ ਉੱਪਰ ਰੱਖੇ ਇਨਾਮ ਰਾਸ਼ੀ ਨੂੰ ਵੀ ਸੰਘਰਸ਼ ਨੂੰ ਬਦਨਾਮ ਕਰਨਾ ਹੋਛੀ ਕੂੜ ਨੀਤੀ ਦੱਸਿਆ।  
ਇਸ ਮੌਕੇ ਸੁਨਾਮ ਦੇ ਮੋਹਤਬਰ ਲੋਕਾਂ ਤੋਂ ਇਲਾਵਾ ਰਮਨਦੀਪ ਸਿੰਘ,ਬਲਵਿੰਦਰ ਸਿੰਘ ਜਖੇਪਲ, ਲਖਵਿੰਦਰ ਸਿੰਘ ਜਖੇਪਲ, ਯਾਦਵਿੰਦਰ ਸਿੰਘ ਤੇ ਵੱਡੀ ਗਿਣਤੀ ਵਿੱਚ ਆਮ ਲੋਕ ਸ਼ਾਮਲ ਸਨ।
ਫੋਟੋ ਐਸਉਸੀ 09-11