ਅੰਮਿ੍ਤਸਰ ਵਿਚ ਗੁੰਡਾਗਰਦੀ ਦਾ ਹੋਇਆ
ਇਲਾਕੇ ਗੁਰੂ ਨਾਨਕਪੁਰਾ ਵਿਚ ਚੱਲੀਆਂ ਤਾਬੜ ਤੋੜ ਗੋਲੀਆਂ
ਅੰਮਿ੍ਤਸਰ, 9 ਫ਼ਰਵਰੀ (ਅਮਨਦੀਪ ਸਿੰਘ ਕੱਕੜ): ਪੁਲਿਸ ਥਾਣਾ ਕੋਟ ਖਾਲਸਾ ਅਧੀਨ ਆਉਂਦੇ ਇਲਾਕਾ ਗੁਰੂ ਨਾਨਕਪੁਰਾ ਵਿਚ ਤਬੜ ਤੋੜ ਗੋਲੀਆਂ ਚਲਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਮਿਲੀ ਜਾਣਕਾਰੀ ਅਨੁਸਾਰ ਅਵਤਾਰ ਸਿੰਘ ਨੇ ਦਸਿਆ ਕਿ ਬੀਤੇ ਦਿਨੀਂ ਉਸ ਦੇ ਦੋਸਤ ਦੀਪੂ ਨਾਲ ਰਾਜੂ ਜੱਟੀ ਦੀ ਬਹਿਸਬਾਜ਼ੀ ਹੋਈ ਸੀ ਜਿਸ ਦਾ ਅਸੀ ਸਮਝੌਤਾ ਕਰਵਾ ਦਿਤਾ ਸੀ ਪਰ ਦਿਲ ਵਿਚ ਰੰਜਿਸ਼ ਰਖਦਿਆਂ ਦੇਰ ਸ਼ਾਮ 6.45 ਵਜੇ ਰਾਜੂ ਜੱਟੀ ਅਤੇ ਦਾਨਿਸ਼ ਨੇ 15, 20 ਅਣਪਛਾਤੇ ਵਿਅਕਤੀਆਂ ਨਾਲ ਮਾਰੂ ਹਥਿਆਰਾਂ ਨਾਲ ਲੈਸ ਹੋ ਕੇ ਸਾਡੇ ਉਤੇ ਹਮਲਾ ਕਰ ਦਿਤਾ |
ਅਸੀ ਬੜੀ ਮੁਸ਼ਕਲ ਨਾਲ ਸ਼ਟਰ ਬੰਦ ਕਰ ਕੇ ਅਪਣੀ ਜਾਨ ਬਚਾਈ | ਉਨ੍ਹਾਂ ਦਸਿਆ ਕਿ ਹਮਲਾਵਰਾਂ ਵਲੋਂ ਸ਼ਟਰ ਉਤੇ ਦਾਤਰ ਆਦਿ ਨਾਲ ਵਾਰ ਕੀਤੇ ਅਤੇ ਗੋਲੀਆਂ ਚਲਾਉਂਦੇ ਰਹੇ | ਇਸ ਦੌਰਾਨ ਸੌਰਭ ਦੇ ਸਿਰ ਉਤੇ ਸੱਟ ਲੱਗ ਗਈ | ਉਨ੍ਹਾਂ ਦਸਿਆ ਕਿ ਉਕਤ ਹਮਲਾਵਰਾਂ ਵਲੋਂ ਗੁੰਡਾਗਰਦੀ ਦਾ ਨੰਗਾ ਨਾਚ ਕਰਦਿਆਂ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੰਦੇ ਹੋਏ ਮੌਕੇ ਤੋਂ ਫ਼ਰਾਰ ਹੋ ਗਏ |
ਗੋਲੀ ਚੱਲਣ ਦੀ ਖਬਰ ਦਾ ਪਤਾ ਲਗਦਿਆਂ ਹੀ ਏ.ਡੀ ਸੀ.ਪੀ. ਹਰਜੀਤ ਸਿੰਘ ਧਾਲੀਵਾਲ, ਡੀ.ਐਸ.ਪੀ ਲਾਇਸੈਂਸਿੰਗ ਐਂਡ ਸਕਿਉਰਟੀ ਸੰਜੀਵ ਕੁਮਾਰ ਅਤੇ ਪੁਲਿਸ ਥਾਣਾ ਕੋਟ ਖ਼ਾਲਸਾ ਦੇ ਇੰਚਾਰਜ ਮਨ
imageਜੀਤ ਸਿੰਘ ਸਮੇਤ ਪੁਲਿਸ ਬਲ ਘਟਨਾ ਸਥਾਨ ਉਤੇ ਪੁੱਜੇ ਅਤੇ ਸਾਰੀ ਸਥਿਤੀ ਦਾ ਜਾਇਜ਼ਾ ਲਿਆ ਅਤੇ ਆਸ ਪਾਸ ਦੇ ਸੀਸੀਟੀਵੀ ਕੈਮਰਿਆਂ ਨੂੰ ਖੰਗਾਲਿਆ |
ਕੋਟ ਖਾਲਸਾ ਦੇ ਥਾਣਾਂ ਇੰਚਾਰਜ ਮਨਜੀਤ ਸਿੰਘ ਨੇ ਦਸਿਆ ਕਿ ਅਵਤਾਰ ਸਿੰਘ ਦੇ ਬਿਆਨਾਂ ਦੇ ਆਧਾਰ ਉਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਅਤੇ ਜਲਦ ਹੀ ਉਕਤ ਮੁਲਜ਼ਮ ਪੁਲਿਸ ਦੀ ਗਿ੍ਫ਼ਤ ਵਿਚ ਹੋਣਗੇ |
ਫ਼ੋਟੋ ਕੈਪਸ਼ਨ- ਮੌਕੇ ਉਤੇ ਪਹੁੰਚੇ ਪੁਲਿਸ ਅਧਿਕਾਰੀ ਘਟਨਾ ਦੀ ਜਾਣਕਾਰੀ ਲੈਂਦੇ ਹੋਏ, ਸੀ.ਸੀ.ਟੀ.ਵੀ. ਵਿਚ ਕੈਦ ਹੋਏ ਹਮਲਾਵਰ |
1mandeep Singh Kakkar-05doc
image
