ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਪਤੀ ਚੋਣ ਨੂੰ ਧਿਆਨ ਵਿਚ ਰੱਖਦੇ ਹੋਏ ਅੰਤਰਾਜੀਏ ਸ਼ਰਾਬ ਤਸਕਰੀ ਦਾ ਧੰਦਾ ਕਰਣ
ਮੋਗਾ : ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਪਤੀ ਚੋਣ ਨੂੰ ਧਿਆਨ ਵਿਚ ਰੱਖਦੇ ਹੋਏ ਅੰਤਰਾਜੀਏ ਸ਼ਰਾਬ ਤਸਕਰੀ ਦਾ ਧੰਦਾ ਕਰਣ ਵਾਲੇ ਤਸਕਰ ਪਿਛਲੇ ਕਾਫ਼ੀ ਸਮੇਂ ਤੋਂ ਸਰਗਰਮ ਹਨ, ਅਤੇ ਮੋਗਾ ਪੁਲਿਸ ਅਤੇ ਐਕਸਾਇਜ ਵਿਭਾਗ ਦੁਆਰਾ ਸੈਂਕੜੇ ਪੇਟੀਆਂ ਸ਼ਰਾਬ ਜੋ ਚੰਡੀਗੜ , ਹਰਿਆਣਾ , ਉਤਰਾਖੰਡ ਪ੍ਰਦੇਸ਼ ਅਤੇ ਹੋਰ ਕਈ ਰਾਜਾਂ ਤੋਂ ਲਿਆਈ ਗਈ ਸੀ, ਉਸ ਨੂੰ ਫੜਨ ਵਿਚ ਸਫਲਤਾ ਹਾਸਲ ਕੀਤੀ।
ਇਸੇ ਤਰ੍ਹਾਂ ਐਕਸਾਇਜ ਵਿਭਾਗ ਦੀ ਵਿਸ਼ੇਸ਼ ਟੀਮ ਨੇ ਚੰਡੀਗੜ ਤੋਂ ਲਿਆਈ ਗਈ 410 ਪੇਟੀਆਂ ਸ਼ਰਾਬ ਸਹਿਤ 2 ਤਸਕਰਾਂ ਸਹਿਤ 4 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ। ਇਸ ਮਾਮਲੇ ਸਬੰਧੀ ਐਕਸਾਇਜ ਪੁਲਿਸ ਇੰਚਾਰਜ ਇੰਸਪੈਕਟਰ ਜੇ . ਜੇ . ਅਟਵਾਲ , ਸਹਾਇਕ ਥਾਣੇਦਾਰ ਤਾਰਾ ਸਿੰਘ ਅਤੇ ਬਾਜ ਸਿੰਘ ਨੇ ਦੱਸਿਆ ਕਿ ਸ਼ਰਾਬ ਤਸਕਰੀ ਦੇ ਖਿਲਾਫ਼ ਚੋਣ ਨੂੰ ਧਿਆਨ ਵਿਚ ਰੱਖਦੇ ਹੋਏ ਵਿਸ਼ੇਸ਼ ਮੁਹਿੰਮ ਚਲਾਈ ਜਾ ਰਹੀ ਹੈ।
ਉਕਤ ਮੁਹਿੰਮ ਦੇ ਤਹਿਤ ਜਦੋਂ ਉਹ ਥਾਨਾ ਸਦਰ ਦੇ ਮੁਤਾਬਕ ਪੈਂਦੇ ਇਲਾਕੇ ਵਿਚ ਗਸ਼ਤ ਕਰ ਰਹੇ ਸਨ ਤਾਂ ਉਨ੍ਹਾਂ ਨੂੰ ਗੁਪਤ ਸੂਤਰਾਂ ਵਲੋਂ ਜਾਣਕਾਰੀ ਮਿਲੀ ਸੀ ਕਿ ਬਲਰਾਜ ਸਿੰਘ ਨਿਵਾਸੀ ਬੁੱਕਣਵਾਲਾ ਹਾਲ ਆਬਾਦ ਪਰਵਾਨਾ ਨਗਰ ਮੋਗਾ ਅਤੇ ਸ਼ਿਵ ਕੁਮਾਰ ਸ਼ਿਵਾ ਭਾਰੀ ਮਾਤਰਾ ਵਿਚ ਇੱਕ ਕੈਂਟਰ ਵਿਚ ਸ਼ਰਾਬ ਭਰ ਕੇ ਲਿਆ ਰਹੇਸਨ , ਜੋ ਚੰਡੀਗੜ ਤੋਂ ਆ ਰਹੀ ਸੀ। ਜਿਸ ਉਤੇ ਅਸੀਂ ਐਕਸਾਇਜ ਪੁਲਿਸ ਟੀਮ ਸਹਿਤ ਘਲਕਲਾਂ - ਬੁੱਕਣਵਾਲਾ ਰੋਡ ਉੱਤੇ ਨਾਕਾਬੰਦੀ ਕੀਤੀ ਤਾਂ ਇੱਕ 407 ਟਾਟਾ ਕੈਂਟਰ ਨੂੰ ਰੋਕ ਕੇ ਉਕਤ ਦੋਨਾਂ ਤਸਕਰਾਂ ਬਲਰਾਜ ਸਿੰਘ ਅਤੇ ਸ਼ਿਵ ਕੁਮਾਰ ਦੇ ਇਲਾਵਾ ਉਨ੍ਹਾਂ ਦੇ ਨਾਲ ਕੰਮ ਕਰਦੇ ਜਗਜੀਤ ਸਿੰਘ ਅਤੇ ਸਿਮਰਨਦੀਪ ਸਿੰਘ ਨੂੰਗ੍ਰਿਫ਼ਤਾਰ ਕਰ ਲਿਆ।
ਕੈਂਟਰ ਦੀ ਤਲਾਸ਼ੀ ਲੈਣ `ਤੇ ਉਸ ਵਿਚ 410 ਪੇਟੀਆਂ ਸ਼ਰਾਬ ਬਰਾਮਦ ਹੋਈ। ਦਸਿਆ ਜਾ ਰਿਹਾ ਹੈ ਕਿ ਪੁਲਿਸ ਨੇ ਕੈਂਟਰ ਨੂੰ ਆਪਣੇ ਕਬਜ਼ੇ `ਚ ਲੈ ਲਿਆ। ਅਤੇ ਸਾਰੇ ਆਰੋਪੀਆਂ ਨੂੰ ਪੁਲਿਸ ਥਾਣੇ ਲੈ ਗਈ। ਨਾਲ ਹੀ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪਿਛਲੇ ਕੁਝ ਸਮੇਂ ਤੋਂ ਅਸੀਂ ਨਸ਼ਾ ਤਸਕਰੀ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਹੀ ਜ਼ਿਲ੍ਹੇ `ਚ ਨਾਕਾਬੰਦੀ ਕਰਦੇ ਆ ਰਹੇ ਹਾਂ। ਨਾਲ ਹੀ ਉਹਨਾਂ ਨੇ ਇਹ ਵੀ ਕਿਹਾ ਹੈ ਕਿ ਇਸ ਲੜੀ ਦੇ ਤਹਿਤ ਅਸੀਂ ਅੱਗੇ ਵੀ ਨਸ਼ਾ ਤਸਕਰਾਂ `ਤੇ ਇਸੇ ਤਰਾਂ ਨਕੇਲ ਕਸਦੇ ਰਹਾਂਗੇ।