'ਮਾਮਲਾ 20 ਹਜ਼ਾਰ ਕਰੋੜ ਰੁਪਏ ਦੀ ਜਾਇਦਾਦ ਦਾ'
ਕੋਟਕਪੂਰਾ: ਮਹਾਰਾਜਾ ਫ਼ਰੀਦਕੋਟ ਦੀ 20 ਹਜ਼ਾਰ ਕਰੋੜ ਰੁਪਏ ਦੀ ਜਾਇਦਾਦ ਦੇ ਮਾਮਲੇ 'ਚ ਮਹਿਜ਼ 3 ਦਿਨ ਪਹਿਲਾਂ ਰਾਜ ਕੁਮਾਰੀ ਅੰਮ੍ਰਿਤ ਕੌਰ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਫ਼ਰੀਦਕੋਟ ਦੀਆਂ 23 ਨਾਮਵਰ ਹਸਤੀਆਂ ਵਿਰੁਧ ਧੋਖਾਧੜੀ ਦਾ ਮਾਮਲਾ ਦਰਜ ਹੋਇਆ,
Police
ਇਕ ਦਿਨ ਪਹਿਲਾਂ ਉਸ ਦੀ ਜਾਂਚ ਲਈ ਐਸਆਈਟੀ ਦਾ ਗਠਨ ਕੀਤਾ ਗਿਆ ਤੇ ਅੱਜ ਸ਼ਾਮ ਕਰੀਬ 3 ਵਜੇ ਕੁਝ ਲੋਕਾਂ ਨੇ ਮਹਾਰਾਜਾ ਫ਼ਰੀਦਕੋਟ ਦੇ ਰਾਜ ਮਹੱਲ 'ਤੇ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਕੀਤੀ।
File
ਪੁਲਿਸ ਨੇ ਕਬਜ਼ਾ ਕਰਨ ਆਏ ਲੋਕਾਂ ਨੂੰ ਥਾਣੇ ਲਿਜਾ ਕੇ ਰਾਜ ਮਹੱਲ ਦੇ ਗੇਟ ਮੂਹਰੇ ਪੁਲਿਸ ਮੁਲਾਜ਼ਮਾਂ ਦੀ ਤੈਨਾਤੀ ਕਰ ਦਿਤੀ। ਜ਼ਿਕਰਯੋਗ ਹੈ ਕਿ ਮਹਾਰਾਜਾ ਫ਼ਰੀਦਕੋਟ ਦੀ ਜਾਇਦਾਦ ਅਰਥਾਤ ਫ਼ਰੀਦਕੋਟ ਰਿਆਸਤ ਦੀ ਦੇਖਭਾਲ ਮਹਾਰਾਵਲ ਖੇਵਾ ਜੀ ਟਰੱਸਟ ਵਲੋਂ ਕੀਤੀ ਜਾ ਰਹੀ ਹੈ।
File
ਉਕਤ ਟਰੱਸਟ ਦਾ ਗਠਨ ਫ਼ਰੀਦਕੋਟ ਰਿਆਸਤ ਦੇ ਅਖੀਰਲੇ ਰਾਜੇ ਹਰਿੰਦਰ ਸਿੰਘ ਬਰਾੜ ਦੀ ਵਸੀਅਤ ਦੇ ਆਧਾਰ 'ਤੇ ਕੀਤਾ ਗਿਆ ਸੀ। ਟਰੱਸਟ 'ਤੇ ਮਹਾਰਾਜੇ ਦੀ ਦੂਜੀ ਬੇਟੀ ਰਾਜ ਕੁਮਾਰੀ ਦੀਪਇੰਦਰ ਕੌਰ ਤੋਂ ਬਾਅਦ ਉਸ ਦੇ ਬੇਟੇ ਜੈ ਚੰਦ ਮਹਿਤਾਬ ਦਾ ਕਬਜ਼ਾ ਹੈ।
Maharaja Faridkot
ਰਾਜ ਮਹੱਲ 'ਤੇ ਕਬਜ਼ੇ ਦੀ ਸੂਚਨਾ ਮਿਲਣ ਉਪਰੰਤ ਕਿਲ੍ਹੇ 'ਚ ਸਥਿਤ ਅਪਣੇ ਦਫ਼ਤਰ 'ਚ ਕੰਮ ਕਰ ਰਹੇ ਟਰੱਸਟ ਦੇ ਵਰਤਮਾਨ ਸੀਈਓ ਜਗੀਰ ਸਿੰਘ ਸੇਵਾਮੁਕਤ ਡੀਆਈਜੀ ਨੇ ਮੌਕੇ 'ਤੇ ਪਹੁੰਚ ਕੇ ਡੀਐਸਪੀ ਸਤਵਿੰਦਰ ਸਿੰਘ ਵਿਰਕ ਨੂੰ ਦਸਿਆ ਕਿ ਭਾਵੇਂ ਅਦਾਲਤ ਨੇ ਉਕਤ ਮਾਮਲੇ 'ਚ ਅਪਣਾ ਫ਼ੈਸਲਾ ਸੁਣਾ ਦਿਤਾ ਹੈ ਪਰ ਅਜੇ ਵੀ ਰਿਆਸਤ ਦੀ ਜਾਇਦਾਦ 'ਤੇ ਟਰੱਸਟ ਦਾ ਕਬਜ਼ਾ ਹੈ।
Police
ਪੁਲਿਸ ਨੇ ਜਗੀਰ ਸਿੰਘ ਨੂੰ ਵੀ ਥਾਣੇ 'ਚ ਅਪਣੇ ਬਿਆਨ ਦਰਜ ਕਰਾਉਣ ਬਾਰੇ ਆਖਿਆ। ਦੋਵੇਂ ਧਿਰਾਂ ਸਿਟੀ ਥਾਣਾ ਫ਼ਰੀਦਕੋਟ ਵਿਖੇ ਬੈਠੀਆਂ ਹੋਈਆਂ ਹਨ। 'ਆਪ' ਆਗੂ ਗੁਰਦਿੱਤ ਸਿੰਘ ਸੇਖੋਂ ਨੇ ਰਿਆਸਤ 'ਤੇ ਕਬਜ਼ਾ ਕਰਨ ਦੀ ਘਟਨਾ ਨੂੰ ਸ਼ਰਮਨਾਕ ਦਸ ਕੇ ਵਿਰੋਧ ਕਰਦਿਆਂ ਆਖਿਆ ਕਿ ਗੈਂਗਸਟਰਾਂ ਦੀ ਉਕਤ ਕਾਰਵਾਈ ਨੂੰ ਕਦਾਚਿਤ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
