ਕਿਸੇ ਵੀ ਥਾ ‘ਤੇ ਰਹਿਣ ਲਈ ਲੋੜੀਂਦੀਆਂ ਸਹੂਲਤਾਂ ਦਾ ਹੋਣਾ ਬਹੁਤ ਜਰੂਰੀ ਹੈ। ਤਾਂ ਉਥੇ ਹੀ ਜਿਊਂਦੇ ਰਹਿਣ ਲਈ ਸਭ ਤੋਂ ਜਰੂਰੀ....
ਲੁਧਿਆਣਾ (ਪੀਟੀਆਈ) : ਕਿਸੇ ਵੀ ਥਾ ‘ਤੇ ਰਹਿਣ ਲਈ ਲੋੜੀਂਦੀਆਂ ਸਹੂਲਤਾਂ ਦਾ ਹੋਣਾ ਬਹੁਤ ਜਰੂਰੀ ਹੈ। ਤਾਂ ਉਥੇ ਹੀ ਜਿਊਂਦੇ ਰਹਿਣ ਲਈ ਸਭ ਤੋਂ ਜਰੂਰੀ ਹੈ ਪੀਣ ਵਾਲਾ ਪਾਣੀ। ਪਰ ਜੇ ਗੱਲ ਕਰੀਏ ਪੰਜਾਬ ਦੀ ਜਿਸ ਨੂੰ ਪੰਜ ਦਰਿਆਵਾਂ ਦੀ ਧਰਤੀ ਵੀ ਕਿਹਾ ਜਾਂਦਾ ਹੈ, ਜੇ ਉਥੇ ਹੀ ਪਾਣੀ ਦੀ ਥੁੜ੍ਹ ਪੈਣ ਲੱਗ ਜਾਵੇ ਤਾਂ ਬਹੁਤ ਹੈਰਾਨੀ ਦੀ ਗੱਲ ਹੈ। ਅਸੀਂ ਇਕ ਅਜਿਹੀ ਪਿੰਡ ਦੀ ਗੱਲ ਕਰ ਰਹੇ ਹਾਂ ਜਿਥੇ ਪਹਿਲਾਂ ਪਾਣੀ ਖਰੀਦ ਕੀ ਲਿਆਂਦਾ ਜਾਂਦਾ ਸੀ। ਉਸ ਤੋਂ ਬਾਅਦ ਘਰਾਂ ‘ਚ ਚੁਲ੍ਹੇ ਜਲਦੇ ਸੀ। ਜਿਲ੍ਹਾ ਲੁਧਿਆਣਾ ਦੇ ਹਮੜਾ ਰੋਡ ‘ਤੇ ਸਥਿਤ ਪਿੰਡ ‘ਤਲਵਾੜਾ’ ਪਹੁੰਚੀ।
Water
ਜਿਥੇ ਸੂਬੇ ਵਿਚ ਵਿਕਾਸ ਦੀ ਸੱਚੀ ਸਤਵੀਰ ਦਿਖਾਈ ਦਿੰਦੀ ਹੈ। ਪਿੰਡ ਦੇ ਲੋਕਾਂ ਨੂੰ ਰੋਜ਼ਾਨਾ ਅਪਣਾ ਗੁਜ਼ਾਰਾ ਕਰਨ ਲਈ 190 ਰੁਪਏ ਕੀਮਤ ਦੇ ਕੇ 20 ਲੀਟਰ ਪਾਣੀ ਖਰੀਦਣਾ ਪੈ ਰਿਹਾ ਹੈ। ਕਿਉਂਕਿ ਪਿੰਡ ‘ਚ ਸਰਕਾਰ ਦੁਆਰਾ ਪਾਣੀ ਦੀਆਂ ਟੁੱਟੀਆਂ ਲਗਾਈਆਂ ਗਈਆਂ ਹਨ। ਪਰ ਇਨ੍ਹਾਂ ਟੁੱਟੀਆਂ ‘ਚ ਪਾਣੀ ਅਪਣੀ ਮੰਰਜੀ ਦੇ ਹਿਸਾਬ ਨਾਲ ਆਉਂਦਾ ਜਾਂਦਾ ਹੈ। ਪਾਣੀ ਦੇ ਪਾਇਪਾਂ ਦਾ ਥਾਂ-ਥਾਂ ਤੋਂ ਟੁੱਟੇ ਹੋਣ ਦੇ ਕਾਰਨ ਟੁੱਟੀਆਂ ਵਿਚ ਪਾਣੀ ਵੀ ਗੰਦਾ ਆਉਂਦਾ ਹੈ। ਜਿਸ ਦੇ ਕਾਰਨ ਲੋਕਾਂ ਨੂੰ ਕਾਫ਼ੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਿਉਂਕਿ ਬਿਨ੍ਹਾ ਪਾਣੀ ਮਿਲਣ ਤੇ ਲੋਕਾਂ ਨੂੰ ਹਰ ਮਹੀਨੇ ਬਿਲ ਭਰਨਾ ਪੈਂਦਾ ਹੈ।
School
ਉਥੇ ਪਾਣੀ ਦੀ ਸਮੱਸਿਆ ਤੋਂ ਪ੍ਰੇਸ਼ਾਨ ਲੋਕਾਂ ਨੂੰ ਪਿੰਡ ਵਿਚ ਹੀ ਬਣੀ ਇਕ ਸਰਕਾਰੀ ਟੈਂਕੀ ਤੋਂ ਖਰੀਦ ਕੇ ਗੁਜਾਰਾ ਕਰਨਾ ਪੈਂਦਾ ਹੈ। ਉਥੇ ਪਿੰਡ ਦੀ ਦੂਜੀ ਸਭ ਤੋਂ ਵੱਡੀ ਸਮੱਸਿਆ ਹੈ ਵੱਡਾ ਨਾਂਲਾ, ਕਿਉਂਕਿ ਲੁਧਿਆਣਾ ਦੀ ਇੰਡਸਟ੍ਰੀ ਦਾ ਬੋਝ ਢੋਣ ਵਾਲਾ ਵੱਡਾ ਨਾਂਲਾ ਪਿੰਡ ਨੂੰ ਅੱਗੇ ਵੱਧਣ ਨਹੀਂ ਦਿੰਦਾ। ਨਾਂਲੇ ਦੇ ਨਜ਼ਦੀਕ ਬਾਉਂਡਰੀ ਨ ਹੋਣ ਦੇ ਕਾਰਨ ਪਿੰਡ ਦੇ ਦੋ ਮਾਸੂਮ ਬੱਚਿਆਂ ਦੀ ਡੁੱਬਣ ਨਾਲ ਮੌਤ ਵੀ ਹੋ ਗਈ ਸੀ। ਇਸ ਤੋਂ ਇਲਾਵਾ ਪਿੰਡ ਵਿਚ ਸਫਾਈ ਦੀ ਵੀ ਬਹੁਤ ਸਮੱਸਿਆ ਹੈ। ਗੰਦੇ ਪਾਣੀ ਦੀ ਨਿਕਾਸੀ ਲਈ ਸੀਵਰੇਜ ਦਾ ਕੰਮ ਸ਼ੁਰੂ ਤਾਂ ਕੀਤਾ ਗਿਆ ਪਰ ਇਹ ਕੰਮ ਵਿਚ ਹੀ ਠੱਪ ਹੋ ਗਿਆ ਅਤੇ ਅੰਧੂਰਾ ਛੱਡ ਗਿਆ।
Village Ladies
ਜਿਸ ਦੇ ਚਲਦੇ ਪਿੰਡ ਦੀਆਂ ਗਲੀਆਂ ਦੀ ਹਾਲਤ ਵੀ ਖ਼ਸਤਾ ਹੋ ਚੁੱਕੀ ਹੈ। ਇਨ੍ਹਾ ਹੀ ਨਹੀਂ ਬਾਰਿਸ਼ ਦੇ ਦਿਨਾਂ ਵਿਚ ਪਿੰਡ ਦੇ ਲੋਕਾਂ ਦੀ ਚੈਨ ਦੀ ਨੀਂਦ ਉਡ ਜਾਂਦੀ ਹੈ। ਕਿਉਂਕਿ ਬਾਰਿਸ਼ ਦਾ ਪਾਣੀ ਲੋਕਾਂ ਦੇ ਘਰਾਂ ਵਿਚ ਵੜ੍ਹ ਜਾਂਦਾ ਹੈ। ਪਿੰਡ ਵਿਚ ਸਿਹਤ ਸੁਵਿਧਾਵਾਂ ਤਾਂ ਦੂਰ ਦੀ ਗੱਲ ਹੈ ਇਥੇ ਬੱਚਿਆਂ ਦਾ ਭਵਿਖ ਉਜਾਗਰ ਕਰਨ ਵਾਲੇ ਸਕੂਲ ਦੀ ਵਿਵਸਥਾ ਹੀ ਪੂਰੀ ਤਰ੍ਹਾਂ ਨਾਲ ਠੱਪ ਹੋ ਗਈ ਹੈ। ਪਿੰਡ ਵਿਚ ਮੌਜੂਦਾ ਇਕੱਲਾ ਪ੍ਰਾਇਮਰੀ ਸਕੂਲ ਵਿਚ ਬੱਚਿਆਂ ਨੂੰ ਸਿੱਖਿਆ ਦੇਣ ਲਈ ਬੁਨਿਆਦੀ ਚੀਜਾਂ ਵੀ ਮੌਜੂਦ ਨਹੀਂ ਹਨ। ਉਥੇ ਪੰਜਵੀਂ ਤੋਂ ਬਾਅਦ ਪਿੰਡ ਦੇ ਬੱਚਿਆਂ ਨੂੰ ਅਗੇ ਦੀ ਪੜ੍ਹਾਈ ਲਈ ਦੂਜੇ ਪਿੰਡ ਜਾਣਾ ਪੈਂਦਾ ਹੈ।
Water
ਅਜਿਹੇ ਪਿੰਡ ਦੀ ਸਫਾਈ ਤੋਂ ਲੈ ਕੇ ਸਿਹਤ ਵਿਵਸਥਾ ਲੋਕਾਂ ਨੂੰ ਇਕ ਨਰਕ ਵਰਗਾ ਜਿਵਨ ਜਿਊਣ ਲਈ ਮਜਬੂਰ ਕਰਦਾ ਹੈ। ਅਤੇ ਸਰਕਾਰ ਤੋਂ ਸਵਾਲ ਵੀ ਕਰ ਰਿਹਾ ਹੈ ਕਿ ਵਿਕਾਸ ਦੀ ਨੀਤੀ ਕਦੋਂ ਤਕ ਪੰਜਾਬ ਦੇ ਇਹਨਾਂ ਪਿੰਡਾਂ ਦੀ ਹਾਲਤ ਨੂੰ ਸੁਧਾਰੇਗੀ।
