ਦੇਵਾਂਸ਼ ਜੱਗਾ ਨੇ ਦਿੱਲੀ ਦੇ ਰਾਮ ਨਾਰਾਇਣ ਮੌਰਿਆ ਦਾ ਰਿਕਾਰਡ ਤੋੜਿਆ
ਗੁਹਾਟੀ - ਪੰਜਾਬ ਦੇ ਦੇਵਾਂਸ਼ ਜੱਗਾ ਨੇ ਸ਼ੁੱਕਰਵਾਰ ਨੂੰ ਇੱਥੇ 37ਵੀਂ ਏ.ਐਫ਼.ਆਈ. ਨੈਸ਼ਨਲ ਜੂਨੀਅਰ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਲੜਕਿਆਂ ਦੇ ਅੰਡਰ-16 ਡਿਸਕਸ ਥਰੋਅ ਮੁਕਾਬਲੇ ਵਿੱਚ ਨਵਾਂ ਰਾਸ਼ਟਰੀ ਰਿਕਾਰਡ ਬਣਾਇਆ।
ਸਰਹੱਦੀ ਕਸਬਾ ਫਾਜ਼ਿਲਕਾ ਦੇ ਰਹਿਣ ਵਾਲੇ 10ਵੀਂ ਜਮਾਤ ਦੇ ਵਿਦਿਆਰਥੀ ਦੇਵਾਂਸ਼ ਨੇ ਚਾਰ ਵਾਰ ਮੀਟ ਅਤੇ ਨੈਸ਼ਨਲ ਰਿਕਾਰਡ ਤੋੜਿਆ। ਦੇਵਾਂਸ਼ ਨੇ 55.02 ਮੀਟਰ ਥਰੋਅ ਨਾਲ ਸ਼ੁਰੂਆਤ ਕੀਤੀ ਅਤੇ ਫਿਰ ਤੀਜੀ ਕੋਸ਼ਿਸ਼ ਵਿੱਚ 55.03 ਮੀਟਰ, ਪੰਜਵੀਂ ਕੋਸ਼ਿਸ਼ ਵਿੱਚ 55.98 ਮੀਟਰ ਅਤੇ ਅੰਤਿਮ ਕੋਸ਼ਿਸ਼ ਵਿੱਚ 57.01 ਮੀਟਰ ਥਰੋਅ ਕਰਕੇ ਰਿਕਾਰਡ ਵਿੱਚ ਲਗਾਤਾਰ ਸੁਧਾਰ ਕੀਤਾ।
ਉਸ ਨੇ ਦਿੱਲੀ ਦੇ ਰਾਮ ਨਾਰਾਇਣ ਮੌਰਿਆ ਦਾ ਰਿਕਾਰਡ ਤੋੜਿਆ, ਜਿਸ ਨੇ ਪਿਛਲੇ ਸਾਲ 53.17 ਮੀਟਰ ਦਾ ਰਿਕਾਰਡ ਬਣਾਇਆ ਸੀ। ਲੰਬੀ ਛਾਲ ਦੀ ਅਥਲੀਟ ਸ਼ੈਲੀ ਸਿੰਘ ਅਤੇ ਉੱਤਰ ਪ੍ਰਦੇਸ਼ ਦੀ ਨਿਧੀ ਨੇ ਕ੍ਰਮਵਾਰ ਮਹਿਲਾ ਅੰਡਰ-20 ਅਤੇ ਅੰਡਰ-18 ਵਿੱਚ ਨਵੇਂ ਮੀਟ ਰਿਕਾਰਡਾਂ ਨਾਲ ਖ਼ਿਤਾਬ ਜਿੱਤੇ।