ਓਥੇ ਹੀ ਇਸ ਪਿੱਛੇ ਅਕਾਲੀ ਦਲ ਨੂੰ ਵੀ ਨਿਸ਼ਾਨੇ ਤੇ ਲੈਂਦਿਆਂ...
ਨਾਭਾ: ਪਿਛਲੇ ਦਿਨੀਂ ਘੱਲੂਘਾਰਾ ਬਰਸੀ ਮੌਕੇ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਵੱਲੋਂ ਦਿੱਤੇ ਖਾਲਿਸਤਾਨੀ ਪੱਖੀ ਬਿਆਨ ਤੋਂ ਬਾਅਦ ਸੂਬੇਭਰ ਦੀ ਸਿਆਸਤ ਗਰਮਾਈ ਹੋਈ ਹੈ। ਇਸੇ ਦੇ ਮੱਦੇਨਜ਼ਰ ਹੁਣ ਕੋਟਕਪੁਰਾ ਦੇ ਵਿਧਾਇਕ ਕੁਲਤਾਰ ਸਿੰਘ ਸੰਧਵਾ ਨੇ ਜਿੱਥੇ ਜਥੇਦਾਰ ਸਾਬ੍ਹ ਨੂੰ ਨਸੀਹਤ ਦਿੱਤੀ ਹੈ।
ਓਥੇ ਹੀ ਇਸ ਪਿੱਛੇ ਅਕਾਲੀ ਦਲ ਨੂੰ ਵੀ ਨਿਸ਼ਾਨੇ ਤੇ ਲੈਂਦਿਆਂ ਬੇਅਦਬੀਆਂ ਪਿੱਛੇ ਬਾਦਲ ਪਰਿਵਾਰ ਦਾ ਹੱਥ ਹੋਣ ਦੀ ਗੱਲ ਆਖੀ। ਪੰਜਾਬ ਨੂੰ ਰੰਗਲਾ ਪੰਜਾਬ ਬਣਾਉਣਾ ਸੀ ਪਰ ਇਹਨਾਂ ਲੋਕਾਂ ਨੇ ਪੰਜਾਬ ਨੂੰ ਲੁੱਟ ਲਿਆ ਹੈ। ਸ਼ਰਾਬ ਮਾਫੀਆ, ਬਿਜਲੀ ਮਹਿੰਗੀ, ਇਲਾਜ ਕਰਵਾਉਣ ਵਿਚ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਉਹਨਾਂ ਦਾ ਸਹੀ ਢੰਗ ਨਾਲ ਇਲਾਜ ਨਹੀਂ ਕੀਤਾ ਜਾਂਦਾ।
ਇਲਾਜ ਕਰਵਾਉਣ ਲਈ ਘਰ ਵੇਚਣੇ ਪੈਂਦੇ ਹਨ। ਉਸ ਨੂੰ ਬਚਾਉਣ ਲਈ ਆਮ ਆਦਮੀ ਪਾਰਟੀ ਨੇ ਤਿਆਰ ਖਿਚ ਲਈ ਹੈ ਤੇ ਲੋਕਾਂ ਨੇ ਵੀ ਸਾਥ ਦੇਣਾ ਸ਼ੁਰੂ ਕਰ ਦਿੱਤਾ ਹੈ। ਉਹਨਾਂ ਅੱਗੇ ਕਿ ਨਕੋਦਰ ਕਾਂਡ ਦਾ ਇਨਸਾਫ਼ ਦਿਵਾਇਆ ਜਾਵੇ ਉਹ ਤਾਂ ਉਹਨਾਂ ਦੇ ਅਧਿਕਾਰ ਵਿਚ ਹੈ। ਉਹਨਂ ਨੇ ਬਾਦਲ ਪਰਿਵਾਰ ਨੂੰ ਬੇਨਤੀ ਕੀਤੀ ਕਿ ਉਹ ਬਰਗਾੜੀ ਕਾਂਡ ਦਾ ਬਾਦਲ ਪਰਿਵਾਰ ਇਨਸਾਫ ਦਵਾ ਦੇਵੇ।
ਬਾਦਲ ਪਰਿਵਾਰ ਨੇ ਲੋਕਾਂ ਦਾ ਅਸਲ ਮੁੱਦਿਆਂ ਤੋਂ ਧਿਆਨ ਭਟਕਾਉਣ ਲਈ ਅਜਿਹੇ ਕਾਰੇ ਕੀਤੇ ਹਨ। ਉਹਨਾਂ ਨੇ ਕੇਂਦਰ ਸਰਕਾਰ ਤੇ ਨਿਸ਼ਾਨਾ ਲਗਾਉਂਦਿਆਂ ਆਖਿਆ ਕਿ ਕੇਂਦਰ ਸਰਕਾਰ ਨੇ ਵੱਡੀਆਂ ਕੰਪਨੀਆਂ ਨਾਲ ਠੇਕਾ ਕੀਤਾ ਹੋਇਆ ਹੈ ਤੇ ਉਹ ਉਹਨਾਂ ਨੂੰ ਭਾਰਤ ਦੀਆਂ ਸਾਰੀਆਂ ਕੰਪਨੀਆਂ ਵੇਚਣੀਆਂ ਚਾਹੁੰਦੇ ਹਨ। ਤੇ ਹੁਣ ਵਾਰੀ ਕਿਸਾਨ ਦੀ ਹੈ। ਕਿਸਾਨ ਲੋਕਾਂ ਦੀਆਂ ਪੈਲੀਆਂ ਵਕਾਉਣ ਨੂੰ ਫਿਰਦੀ ਹੈ ਕੇਂਦਰ ਸਰਕਾਰ। ਲੋਕਾਂ ਦਾ ਐਮਐਸਟੀ ਖਤਮ ਹੋ ਜਾਣਾ ਹੈ।
ਜਿੱਥੇ ਇਹ ਕਾਨੂੰਨ ਹੈ ਨਹੀਂ ਹੈ ਉਹ ਹੈ ਬਿਹਾਰ, ਬਿਹਾਰ ਦੀ ਆਮਦਨ ਹੈ ਪ੍ਰਤੀ ਪਰਿਵਾਰ 7 ਹਜ਼ਾਰ ਰੁਪਏ। ਪਰ ਪੰਜਾਬ ਦੇ ਕਿਸਾਨਾਂ ਦੀ ਪ੍ਰਤੀ ਮਹੀਨਾ ਆਮਦਨ 23 ਹਜ਼ਾਰ ਹੈ। ਕੇਂਦਰ ਸਰਕਾਰ ਬਿਹਾਰ ਦਾ ਸਿਸਟਮ ਪੰਜਾਬ ਵਿਚ ਚਲਾਉਣਾ ਚਾਹੁੰਦੀ ਹੈ। ਇਹ ਸਰਾਸਰ ਪੰਜਾਬੀਆਂ ਨਾਲ ਧੱਕਾ ਹੋ ਰਿਹਾ ਹੈ।
ਕੁਲਤਾਰ ਸਿੰਘ ਸੰਧਵਾ ਨੇ ਅੱਗੇ ਦਸਿਆ ਕਿ ਬਾਦਲ ਪਰਿਵਾਰ ਨੇ ਕੁਰਸੀ ਖਾਤਰ ਪੰਜਾਬ ਨੂੰ ਵੇਚਿਆ ਹੈ ਤੇ ਇਹਨਾਂ ਨੇ ਪੰਜਾਬ ਦੇ ਲੋਕਾਂ ਨਾਲ ਧੋਖਾ ਕੀਤਾ ਹੈ। ਇਹਨਾਂ ਨੇ ਕਿਸਾਨਾਂ ਨੂੰ ਵੇਚਿਆ ਹੈ, ਮਜ਼ਦੂਰਾਂ ਨੂੰ ਵੇਚਿਆ ਹੈ। ਦੱਸ ਦੇਈਏ ਕਿ ਸੰਧਵਾ ਨਾਭਾ 'ਚ ਆਮ ਆਦਮੀ ਪਾਰਟੀ ਦੀ ਵਲੰਟੀਅਰ ਮੀਟਿੰਗ ਵਿਚ ਪਹੁੰਚੇ ਹੋਏ ਸਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।