ਵੀਡੀਉਗ੍ਰਾਫ਼ੀ ਮੌਕੇ ਉਮਰਾਨੰਗਲ ਦਾ ਵਕੀਲ ਅਤੇ ‘ਸਿੱਟ’ ਦੇ ਮੈਂਬਰ ਹੋਣਗੇ ਮੌਜੂਦ
ਫ਼ਰੀਦਕੋਟ (ਗੁਰਿੰਦਰ ਸਿੰਘ) : ਸਥਾਨਕ ਜੁਡੀਸ਼ੀਅਲ ਮੈਜਿਸਟ੍ਰੇਟ ਅਜੇਪਾਲ ਸਿੰਘ ਦੀ ਅਦਾਲਤ ਨੇ ਕੋਟਕਪੂਰਾ ਗੋਲੀਕਾਂਡ ਵਿਚ ਐਸ.ਆਈ.ਟੀ. ਵਲੋਂ ਤਿੰਨ ਪੁਲਿਸ ਅਧਿਕਾਰੀਆਂ ਸਾਬਕਾ ਡੀਜੀਪੀ ਸੁਮੇਧ ਸੈਣੀ, ਮੁਅੱਤਲ ਆਈ.ਜੀ. ਪਰਮਰਾਜ ਸਿੰਘ ਉਮਰਾਨੰਗਲ ਅਤੇ ਸਾਬਕਾ ਪੁਲਿਸ ਮੁਖੀ ਚਰਨਜੀਤ ਸ਼ਰਮਾ ਦੇ ਨਾਰਕੋ ਟੈਸਟ ਕਰਵਾਉਣ ਵਾਲੀ ਅਰਜ਼ੀ ’ਤੇ ਦੋਵਾਂ ਵਕੀਲਾਂ ਦੀ ਬਹਿਸ ਸੁਣਨ ਉਪਰੰਤ ਫ਼ੈਸਲਾ ਕਰਦਿਆਂ ਮੁਅੱਤਲ ਚਲ ਰਹੇ ਆਈ.ਜੀ. ਉਮਰਾਨੰਗਲ ਵਾਲੀ ਅਰਜ਼ੀ ਮਨਜ਼ੂਰ ਕਰ ਲਈ ਹੈ, ਜਦਕਿ ਸਾਬਕਾ ਡੀਜੀਪੀ ਸੁਮੇਧ ਸੈਣੀ ਅਤੇ ਸਾਬਕਾ ਪੁਲਿਸ ਮੁਖੀ ਚਰਨਜੀਤ ਸ਼ਰਮਾ ਵਿਰੁਧ ਖ਼ਾਰਜ ਕਰਨ ਦਾ ਹੁਕਮ ਕੀਤਾ ਹੈ।
ਹੋਰ ਪੜ੍ਹੋ - ਗਰਮੀ ਨਾਲ ਜੂਝ ਰਿਹਾ ਅਮਰੀਕਾ, ਕੈਲੀਫੋਰਨੀਆ ਦੇ ਜੰਗਲਾਂ ਵਿਚ ਲੱਗੀ ਭਿਆਨਕ ਅੱਗ
ਇਹ ਵੀ ਪੜ੍ਹੋ - ਬੁਲੰਦ ਹੌਂਸਲੇ: Covid-19 ਤੋਂ ਠੀਕ ਹੋਣ ਦੇ 7 ਹਫ਼ਤਿਆਂ ਅੰਦਰ ਫਤਿਹ ਕੀਤਾ Mount Everest
ਪ੍ਰਾਪਤ ਜਾਣਕਾਰੀ ਅਨੁਸਾਰ ਐਸਆਈਟੀ ਵਲੋਂ ਸੁਮੇਧ ਸੈਣੀ, ਪਰਮਰਾਜ ਸਿੰਘ ਉਮਰਾਨੰਗਲ ਅਤੇ ਚਰਨਜੀਤ ਸ਼ਰਮਾ ਦੇ ਨਾਰਕੋ ਟੈਸਟ ਕਰਵਾਉਣ ਲਈ ਅਦਾਲਤ ਵਿਚ ਅਰਜ਼ੀ ਦਿਤੀ ਸੀ ਜਿਸ ’ਤੇ ਉਮਰਾਨੰਗਲ ਨੇ ਅਪਣਾ ਨਾਰਕੋ ਟੈਸਟ ਕਰਵਾਉਣ ਦੀ ਲਿਖਤੀ ਸਹਿਮਤੀ ਦਿਤੀ ਸੀ ਜਦੋਂ ਕਿ ਸੁਮੇਧ ਸੈਣੀ ਅਤੇ ਚਰਨਜੀਤ ਸ਼ਰਮਾ ਨੇ ਇਸ ’ਤੇ ਸਹਿਮਤੀ ਨਹੀਂ ਦਿਤੀ ਸੀ ਜਿਸ ’ਤੇ ਅਦਾਲਤ ਨੇ ਅਪਣੇ ਪੰਜ ਸਫ਼ੇ ਦੇ ਹੁਕਮ ਰਾਹੀਂ ਕਿਹਾ ਕਿ ਉਮਰਾਨੰਗਲ ਦਾ ਨਾਰਕੋ ਟੈਸਟ ਪੰਜਾਬ ਅਤੇ ਚੰਡੀਗੜ੍ਹ ਦੀ ਹੱਦ ਤੋਂ ਬਾਹਰ ਕੀਤਾ ਜਾਵੇਗਾ
ਜਿਸ ਦਾ ਸਮਾਂ, ਤਾਰੀਖ਼ ਅਤੇ ਜਗਾ ‘ਸਿੱਟ’ ਵਲੋਂ ਨਿਰਧਾਰਤ ਕਰ ਕੇ ਉਮਰਾਨੰਗਲ ਨੂੰ ਦਸੀ ਜਾਵੇਗੀ ਤਾਂ ਜੋ ਉਸ ਨੂੰ ਜਾਣਕਾਰੀ ਮਿਲ ਸਕੇ ਅਤੇ ‘ਸਿੱਟ’ ਦੇ ਸਾਰੇ ਮੈਂਬਰ ਅਤੇ ਉਮਰਾਨੰਗਲ ਦਾ ਵਕੀਲ ਖ਼ੁਦ ਉਮਰਾਨੰਗਲ ਦਾ ਟੈਸਟ ਕਰਵਾਉਣ ਸਮੇਂ ਮੌਜੂਦ ਹੋਣਗੇ, ਟੈਸਟ ਕਰਵਾਉਣ ਸਮੇਂ ਸਰਕਾਰੀ ਹਦਾਇਤਾਂ ਮੁਤਾਬਕ ਸਾਰੇ ਮੈਂਬਰਾਂ ਸਮੇਤ ਵੀਡੀਉ ਬਣਾਈ ਜਾਵੇਗੀ ਜੋ ਵੀ ਨਾਰਕੋ ਟੈਸਟ ਉਮਰਾਨੰਗਲ ਦਾ ਕਰਵਾਇਆ ਜਾਵੇਗਾ, ਉਹ ਸਰਕਾਰੀ ਮੈਡੀਕਲ ਏਜੰਸੀ ਰਾਹੀਂ ਕਰਵਾਇਆ ਜਾਵੇਗਾ।