Moga News 2 ਸਾਲ ਪਹਿਲਾਂ ਹੋਇਆ ਸੀ ਵਿਆਹ
Husband arrested for getting wife into prostitution Moga News: ਪ੍ਰੇਮ ਵਿਆਹ ਦੇ 2 ਸਾਲ ਬਾਅਦ ਪਤੀ ਨੇ ਅਪਣੀ ਪਤਨੀ ਨੂੰ ਨਸ਼ੇ ਦਾ ਆਦੀ ਬਣਾ ਦਿਤਾ। ਇੰਨਾ ਹੀ ਨਹੀਂ, ਮੁਲਜ਼ਮ ਪਤੀ ਨੇ ਉਸ ਨੂੰ ਦੇਹ ਵਪਾਰ ਕਰਨ ਲਈ ਮਜਬੂਰ ਕਰਨਾ ਸ਼ੁਰੂ ਕਰ ਦਿਤਾ। ਪਤੀ ਪਹਿਲਾਂ ਉਸ ਨੂੰ ਨਸ਼ੀਲੇ ਪਦਾਰਥ ਲਈ ਮਜਬੂਰ ਕਰਦਾ ਸੀ। ਫਿਰ ਉਸਨੂੰ ਗਾਹਕਾਂ ਨਾਲ ਭੇਜਦਾ ਸੀ ਜਾਂ ਖੁਦ ਉਸਨੂੰ ਕਿਸੇ ਹੋਟਲ ਵਿਚ ਛੱਡ ਦਿੰਦਾ ਸੀ।
ਸ਼ਿਕਾਇਤ ’ਤੇ ਪੁਲਿਸ ਨੇ ਮੁਲਜ਼ਮ ਪਤੀ ਨੂੰ ਗ੍ਰਿਫ਼ਤਾਰ ਕਰ ਕੇ ਮਾਮਲਾ ਦਰਜ ਕਰ ਲਿਆ। ਇੰਨਾ ਹੀ ਨਹੀਂ, 10 ਦਿਨ ਪਹਿਲਾਂ ਵਿਆਹੁਤਾ ਔਰਤ ਸ਼ਹਿਰ ਵਿਚ ਨਸ਼ੇ ਦੀ ਸਥਿਤੀ ਵਿਚ ਪਈ ਮਿਲੀ ਸੀ। ਮਾਪੇ ਧੀ ਨੂੰ ਮਨੋਵਿਗਿਆਨੀ ਕੋਲ ਲੈ ਗਏ। ਲੜਕੇ ਦੇ ਪਰਵਾਰ ਨੇ ਲੜਕੀ ’ਤੇ ਦੋਸ਼ ਲਗਾਇਆ ਕਿ ਉਹ ਵਿਆਹ ਤੋਂ ਪਹਿਲਾਂ ਵੀ ਨਸ਼ੇ ਲੈਂਦੀ ਸੀ।
ਜਾਣਕਾਰੀ ਦਿੰਦੇ ਹੋਏ ਸਿਟੀ ਮੋਗਾ ਇੰਚਾਰਜ ਵਰੁਣ ਕੁਮਾਰ ਨੇ ਦੱਸਿਆ ਕਿ ਮੋਗਾ ਦੀ ਇੱਕ 25 ਸਾਲਾ ਔਰਤ ਨੇ ਆਪਣੇ ਬਿਆਨ ਵਿੱਚ ਕਿਹਾ ਹੈ ਕਿ ਉਸਦਾ ਵਿਆਹ ਗੌਰਵ ਨਾਲ ਹੋਇਆ ਸੀ। ਉਸ ਨੇ ਦੋਸ਼ ਲਗਾਇਆ ਕਿ ਲੜਕੇ ਨੇ ਉਸ ਨੂੰ ਨਸ਼ਾ ਦਿੱਤਾ ਸੀ ਅਤੇ ਉਸ ਨੂੰ ਅਸ਼ਲੀਲ ਹਰਕਤਾਂ ਲਈ ਮਜਬੂਰ ਕੀਤਾ ਸੀ। ਗੌਰਵ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਅਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਹੋਰ ਜਾਂਚ ਜਾਰੀ ਹੈ।
