ਸਰਹੱਦ ਪਾਰ ਖੇਤਾਂ 'ਚ ਕਿਸਾਨ ਲਗਾ ਸਕਣਗੇ ਝੋਨਾ
Fazilka Pak Border Gates Open news in punjabi: ਝੋਨੇ ਦੀ ਲਵਾਈ ਦੇ ਸੀਜ਼ਨ ਦੀ ਸ਼ੁਰੂਆਤ ਸਬੰਧੀ ਅੱਜ ਬੀ.ਐੱਸ.ਐੱਫ ਦੀ 55 ਬਟਾਲੀਅਨ ਵੱਲੋਂ ਫਾਜ਼ਿਲਕਾ ਦੀ ਭਾਰਤ-ਪਾਕਿ ਸਰਹੱਦ 'ਤੇ ਸਾਦਕੀ ਚੌਕੀ 'ਤੇ ਕਿਸਾਨਾਂ ਨਾਲ ਵਿਸ਼ੇਸ਼ ਮੀਟਿੰਗ ਕੀਤੀ ਗਈ, ਜਿਸ 'ਚ ਕਿਸਾਨਾਂ ਦੀਆਂ ਸਮੱਸਿਆਵਾਂ ਸੁਣੀਆਂ ਗਈਆਂ ਅਤੇ ਉਨ੍ਹਾਂ ਦਾ ਹੱਲ ਕੀਤਾ ਗਿਆ। ਭਾਰਤ-ਪਾਕਿਸਤਾਨ ਸਰਹੱਦ ਦੇ ਵਿਚਕਾਰ ਲੱਗੇ ਕੰਡਿਆਲੀ ਫਾਟਕ ਨੂੰ ਸਵੇਰੇ 8 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਖੋਲ੍ਹਣ ਦੇ ਆਦੇਸ਼ ਦਿਤੇ ਗਏ ਤਾਂ ਜੋ ਕਿਸਾਨਾਂ ਨੂੰ ਸਰਹੱਦ ਪਾਰ ਖੇਤਾਂ ਵਿੱਚ ਫਸਲ ਬੀਜਣ ਸਮੇਂ ਕਿਸੇ ਕਿਸਮ ਦੀ ਦਿੱਕਤ ਦਾ ਸਾਹਮਣਾ ਨਾ ਕਰਨਾ ਪਵੇ।
ਇਹ ਵੀ ਪੜ੍ਹੋ: Faridkot News: ਪੁੱਤ ਨੇ ਪਿਓ ਦੀਆਂ ਦਿਹਾੜੀਆਂ ਦਾ ਮੋੜਿਆ ਮੁੱਲ, ਹੋਇਆ ਫੌਜ ਵਿਚ ਭਰਤੀ, ਘਰ ਆ ਕੇ ਮਾਂ ਨੂੰ ਮਾਰਿਆ ਸਲੂਟ
ਭਾਰਤ-ਪਾਕਿ ਸਰਹੱਦ ਦੀ ਸਾਦਕੀ ਚੌਕੀ ’ਤੇ ਪੁੱਜੇ ਬੀਐਸਐਫ ਦੀ 55 ਬਟਾਲੀਅਨ ਦੇ ਕਮਾਂਡੈਂਟ ਕੇ.ਐਨ.ਤ੍ਰਿਪਾਠੀ ਨੇ ਦੱਸਿਆ ਕਿ ਕਿਸਾਨਾਂ ਨਾਲ ਮੀਟਿੰਗ ਦੌਰਾਨ ਸਰਹੱਦੀ ਖੇਤਰ ਦੇ ਕਰੀਬ ਦੋ ਦਰਜਨ ਪਿੰਡਾਂ ਦੇ ਕਿਸਾਨਾਂ ਨੂੰ ਪੇਸ਼ ਆ ਰਹੀਆਂ ਕਈ ਸਮੱਸਿਆਵਾਂ ’ਤੇ ਚਰਚਾ ਕੀਤੀ ਗਈ ਜਿਸ ਵਿਚ ਭਾਰਤ ਵਿਸ਼ੇਸ਼ ਮੁੱਦੇ, ਪਾਕਿ ਕੰਡਿਆਲੀ ਤਾਰ ਦਾ ਸਮਾਂ ਵਧਾਉਣ, ਫਸਲਾਂ ਦੀ ਬਿਜਾਈ ਅਤੇ ਬਿਜਾਈ ਲਈ ਜਾ ਰਹੇ ਮਜ਼ਦੂਰਾਂ ਦੀ ਪੜਤਾਲ, ਫਸਲ ਦੀ ਉਚਾਈ ਵਿਸ਼ੇਸ਼ ਮੁੱਦੇ ਰਹੇ।
ਇਹ ਵੀ ਪੜ੍ਹੋ: Delhi Water Crisis: 'ਜੱਜ ਸਾਬ੍ਹ, ਟੈਂਕਰ ਮਾਫੀਆ ਹਰਿਆਣਾ ਤੋਂ ਆਉਂਦੇ'... ਦਿੱਲੀ ਜਲ ਸੰਕਟ 'ਤੇ SC 'ਚ ਕੇਜਰੀਵਾਲ ਸਰਕਾਰ ਦਾ ਜਵਾ
ਜਿਸ 'ਤੇ ਬੀ.ਐੱਸ.ਐੱਫ ਨੇ ਭਾਰਤ-ਪਾਕਿ ਕੰਡਿਆਲੀ ਤਾਰ ਵਾਲੇ ਗੇਟ ਦਾ ਸਮਾਂ ਵਧਾ ਦਿੱਤਾ ਅਤੇ ਸਵੇਰੇ 8 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਕੰਡਿਆਲੀ ਤਾਰ ਖੋਲ੍ਹਣ ਦੇ ਹੁਕਮ ਦਿੱਤੇ ਹਨ, ਇਸ ਦੇ ਨਾਲ ਹੀ ਬਿਜਾਈ ਲਈ ਆਉਣ ਵਾਲੇ ਮਜ਼ਦੂਰਾਂ ਨੂੰ ਹਦਾਇਤ ਕੀਤੀ ਗਈ ਹੈ ਕਿ ਮਜ਼ਦੂਰਾਂ ਦੀ ਪੜਤਾਲ ਸਰਪੰਚ ਤੋਂ ਕਰਵਾਈ ਜਾਵੇ। ਭਾਰਤ-ਪਾਕਿ ਕੰਡਿਆਲੀ ਤਾਰ ਦੇ ਫਾਟਕ ਨੂੰ ਪਾਰ ਕਰਨ ਦੀ ਇਜਾਜ਼ਤ ਦੇਸ਼ ਦੀ ਸੁਰੱਖਿਆ ਦੌਰਾਨ ਸੀਮਾ ਸੁਰੱਖਿਆ ਬਲ ਬਰਦਾਸ਼ਤ ਨਹੀਂ ਕਰੇਗੀ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
(For more Punjabi news apart from Fazilka Pak Border Gates Open news in punjabi , stay tuned to Rozana Spokesman)
