ਮਨੁੱਖ ਦੀ ਉਤਪਤੀ ਹੈ ਕੋਰੋਨਾ ਵਾਇਰਸ

ਚੀਨੀ ਮਾਹਰ ਵਲੋਂ ਠੋਸ ਸਬੂਤ ਹੋਣ ਦਾ ਦਾਅਵਾ
 

ਨਵੀਂ ਦਿੱਲੀ, 12 ਸਤੰਬਰ : ਬੀਤੇ ਕਈ ਮਹੀਨਿਆਂ ਤੋਂ ਦੁਨੀਆਂ ਭਰ 'ਚ ਕੋਰੋਨਾ ਵਾਇਰਸ ਨੂੰ ਲੈ ਕੇ ਚੀਨ ਉਤੇ ਸਵਾਲ ਉਠਾਏ ਜਾ ਰਹੇ ਹਨ। ਕਿਹਾ ਜਾ ਰਿਹਾ ਹੈ ਕਿ ਕੋਰੋਨਾ ਵਾਇਰਸ ਦੀ ਲਾਗ ਲਈ ਚੀਨ ਜ਼ਿੰਮੇਵਾਰ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਹਮੇਸ਼ਾ ਚੀਨ ਦੇ ਇਸ ਰਵਈਏ 'ਤੇ ਇਤਰਾਜ਼ ਪ੍ਰਗਟਾਇਆ ਹੈ ਅਤੇ ਦੋਸ਼ ਲਾਇਆ ਕਿ ਚੀਨ ਨੇ ਦੁਨੀਆਂ ਨੂੰ ਵਿਸ਼ਾਣੂ ਬਾਰੇ ਨਹੀਂ ਦਸਿਆ, ਜਿਸ ਕਾਰਨ ਕੋਰੋਨਾ ਵਾਇਰਸ ਪੂਰੀ ਦੁਨੀਆਂ ਵਿਚ ਫੈਲ ਗਿਆ।
ਹੁਣ ਇਹ ਗੱਲ ਇਕ ਚੀਨ ਦੀ ਮਹਿਲਾ ਵਾਇਰਲੋਜਿਸਟ ਡਾ. ਲੀ-ਮੈਂਗ ਯਾਨ ਹੀ ਕਹਿ ਰਹੀ ਹੈ, ਕਿ ਕੋਰੋਨਾ ਵਾਇਰਸ ਮਨੁੱਖ (ਚੀਨ) ਦੁਆਰਾ ਬਣਾਇਆ ਵਾਇਰਸ ਹੈ। ਮੈਂ ਦਾਅਵੇ ਨਾਲ ਕਹਿ ਸਕਦੀ ਹਾਂ ਕਿ ਇਹ ਚੀਨ ਦੁਆਰਾ ਬਣਾਇਆ ਮਨੁੱਖੀ ਵਾਇਰਸ ਹੈ। ਮੇਰੇ ਕੋਲ ਇਸ ਦੇ ਸਬੂਤ ਹਨ ਅਤੇ ਮੈਂ ਇਸ ਨੂੰ ਸਾਬਤ ਕਰਾਂਗੀ।
ਚੀਨੀ ਸਰਕਾਰ ਦੀ ਧਮਕੀ ਤੋਂ ਬਾਅਦ ਲੀ ਨੇ ਅਪਣਾ ਪਾਸਪੋਰਟ ਅਤੇ ਪਰਸ ਅਪਣੇ ਕੋਲ ਰਖਿਆ ਅਤੇ ਅਪਣੇ ਅਜ਼ੀਜ਼ਾਂ ਨੂੰ ਛੱਡ ਕੇ 28 ਅਪ੍ਰੈਲ ਨੂੰ ਅਮਰੀਕਾ ਲਈ ਰਵਾਨਾ ਹੋ ਗਈ। ਉਹ ਉਦੋਂ ਤੋਂ ਹੀ ਅਮਰੀਕਾ ਵਿਚ ਰਹਿ ਰਹੀ ਹੈ। ਉਹ ਜਾਣਦੀ ਸੀ ਕਿ ਜੇ ਉਸ ਨੂੰ ਫੜ ਲਿਆ ਜਾਂਦਾ ਹੈ ਤਾਂ ਚੀਨੀ ਸਰਕਾਰ ਉਸ ਨੂੰ ਜੇਲ੍ਹ 'ਚ ਪਾ ਦੇਵੇਗੀ ਅਤੇ ਇਸ ਨਾਲੋਂ ਹੋਰ ਵੀ ਬਦਤਰ ਕਰ ਸਕਦੀ ਹੈ। ਚੀਨੀ ਸਰਕਾਰ ਵੀ ਉਸ ਨੂੰ ਅਲੋਪ ਕਰ ਸਕਦੀ ਸੀ। ਲੀ ਇਮਿਊਨੋਲੋਜੀ ਵਿਚ ਵੀ ਮਾਹਰ ਹੈ।
ਵਾਇਰਲੋਜਿਸਟ ਨੇ ਕਿਹਾ ਹੈ ਕਿ ਉਹ ਜਲਦੀ ਹੀ ਕੋਰੋਨਾ ਵਾਇਰਸ ਦੇ ਮਨੁੱਖ ਦੁਆਰਾ ਬਣੇ ਹੋਣ ਦੇ ਸਬੂਤ ਪੇਸ਼ ਕਰੇਗੀ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਕੋਲ ਕੋਰੋਨਾ ਵਿਸ਼ਾਣੂ ਦੇ ਮਨੁੱਖ ਦੁਆਰਾ ਬਣਾਏ ਜਾਣ ਦੇ ਠੋਸ ਸਬੂਤ ਹਨ। ਚੀਨੀ ਸਰਕਾਰ 'ਤੇ ਗੰਭੀਰ ਦੋਸ਼ ਲਗਾਉਂਦੇ ਹੋਏ ਲੀ ਮੈਂਗ ਯਾਨ ਨੇ ਕਿਹਾ ਕਿ ਚੀਨ ਦੁਨੀਆ ਤੋਂ ਕੋਰੋਨਾ ਵਾਇਰਸ ਸਬੰਧੀ ਜਾਣਕਾਰੀ ਲੁਕਾ ਰਿਹਾ ਹੈ। ਕੋਰੋਨਾ ਵਾਇਰਸ ਮੀਟ ਮਾਰਕੀਟ ਤੋਂ ਨਹੀਂ ਸੀ ਆਇਆ।
ਉਸੇ ਸਮੇਂ ਜਦੋਂ ਇਹ ਪੁਛਿਆ ਗਿਆ ਕਿ ਜੇ ਇਹ ਵਾਇਰਸ ਵੁਹਾਨ ਦੇ ਮੀਟ ਮਾਰਕੀਟ ਤੋਂ ਨਹੀਂ ਆਇਆ ਤਾਂ ਇਹ ਕਿਵੇਂ ਪੈਦਾ ਹੋਇਆ। ਫਿਰ ਇਸ ਦਾ ਜਵਾਬ ਦਿੰਦਿਆਂ ਲੀ ਮੈਂਗ ਨੇ ਕਿਹਾ ਕਿ ਇਹ ਖ਼ਤਰਨਾਕ ਵਾਇਰਸ ਵੁਹਾਨ ਦੀ ਲੈਬ ਤੋਂ ਆਇਆ ਹੈ
ਅਤੇ ਇਹ ਮਨੁੱਖ ਦੁਆਰਾ ਬਣਾਇਆ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਇਸ ਵਾਇਰਸ ਦਾ ਜੀਨੋਮ ਕ੍ਰਮ ਮਨੁੱਖੀ ਫ਼ਿੰਗਰ ਪ੍ਰਿੰਟ ਦੀ ਤਰ੍ਹਾਂ ਹੈ ਅਤੇ ਇਸ ਦੇ ਆਧਾਰ ਉਤੇ ਉਹ ਸਾਬਤ ਕਰਨਗੇ ਕਿ ਇਹ ਮਨੁੱਖ ਦੁਆਰਾ ਬਣਾਇਆ ਵਾਇਰਸ ਹੈ। ਉਸਨੇ ਕਿਹਾ ਕਿ ਕਿਸੇ ਵੀ ਵਾਇਰਸ ਵਿਚ ਮਨੁੱਖੀ ਫਿੰਗਰ ਪ੍ਰਿੰਟ ਦੀ ਮੌਜੂਦਗੀ ਇਹ ਦੱਸਣ ਲਈ ਕਾਫ਼ੀ ਹੈ ਕਿ ਇਹ ਮਨੁੱਖ ਦੁਆਰਾ ਉਤਪੰਨ ਕੀਤਾ ਗਿਆ ਹੈ।
ਲੀ-ਮੈਂਗ ਦਾ ਕਹਿਣਾ ਹੈ ਕਿ ਉਹ ਕੋਰੋਨਾ ਵਾਇਰਸ ਦਾ ਅਧਿਐਨ ਕਰਨ ਵਾਲੀ ਪਹਿਲੀ ਕੁੱਝ ਵਿਗਿਆਨੀ ਸੀ। ਦਸੰਬਰ 2019 ਦੇ ਅਖੀਰ ਵਿਚ, ਉਸਨੇ ਦਾਅਵਾ ਕੀਤਾ ਕਿ ਉਸ ਨੂੰ ਯੂਨੀਵਰਸਿਟੀ ਵਿਚ ਉਸਦੇ ਸੁਪਰਵਾਈਜ਼ਰ ਦੁਆਰਾ ਕਿਹਾ ਗਿਆ ਸੀ ਕਿ ਉਹ ਸਾਰੇ ਕੋਰੋਨਾ ਵਰਗੇ ਕੇਸਾਂ ਦੇ ਵਿਲੱਖਣ ਸਮੂਹਾਂ ਦੀ ਘੋਖ ਕਰਨ ਜੋ ਚੀਨ ਵਿਚ ਪੈਦਾ ਹੋਏ ਹਨ। (ਏਜੰਸੀ)

image ਮੇਰੇ ਕੋਲ ਸਬੂਤ ਹਨ 'ਤੇ ਮੈਂ ਇਸ ਨੂੰ ਸਾਬਤ ਕਰਾਂਗੀ : ਡਾ. ਲੀ-ਮੈਂਗ ਯਾਨ