ਜਨਤਾ ਨੇ ਸਾਨੂੰ ਜਿਤਾਇਆ, ਚੋਣ ਕਮਿਸ਼ਨ ਨੇ ਨਤੀਜਾ ਐਨਡੀਏ ਦੇ ਹੱਕ 'ਚ ਦਿਤਾ : ਤੇਜਸਵੀ
ਤੇਜਸਵੀ ਨੇ ਦੋਸ਼ ਲਾਇਆ ਕਿ ਨਿਤੀਸ਼ ਕੁਮਾਰ ਸੱਤਾ ਹਥਿਆਉਣਾ ਚਾਹੁੰਦੇ ਸਨ
ਪਟਨਾ, 12 ਨਵੰਬਰ: ਬਿਹਾਰ ਚੋਣਾਂ ਦੇ ਨਤੀਜਿਆਂ ਨੂੰ ਵੀਰਵਾਰ ਨੂੰ ਮਹਾਂ ਗਠਜੋੜ ਨੇ ਮੰਥਨ ਕੀਤਾ। ਪਟਨਾ ਵਿਚ ਸਾਬਕਾ ਮੁੱਖ ਮੰਤਰੀ ਰਾਬੜੀ ਦੇਵੀ ਦੀ ਰਿਹਾਇਸ਼ 'ਤੇ ਹੋਈ ਬੈਠਕ ਵਿਚ ਰਾਜਦ ਨੇਤਾ ਤੇਜਸਵੀ ਯਾਦਵ ਨੂੰ ਨੇਤਾ ਚੁਣਿਆ ਗਿਆ। ਇਸ ਤੋਂ ਬਾਅਦ ਤੇਜਸਵੀ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਅਸੀਂ ਹਾਰਨ ਵਾਲੇ ਨਹੀਂ, ਪਰ ਅਸੀਂ ਜਿੱਤੇ ਹਾਂ। ਲੋਕਾਂ ਦਾ ਫ਼ੈਸਲਾ ਮਹਾਂ ਗਠਜੋੜ ਦੇ ਹੱਕ ਵਿਚ ਆਇਆ ਹੈ। ਚੋਣ ਕਮਿਸ਼ਨ ਦਾ ਨਤੀਜਾ ਐਨਡੀਏ ਦੇ ਹੱਕ ਵਿਚ ਆਇਆ ਹੈ। ਇਹ ਲੋਕ ਧੋਖੇ ਨਾਲ ਸਰਕਾਰ ਬਣਾ ਰਹੇ ਹਨ।
ਤੇਜਸਵੀ ਯਾਦਵ ਨੇ ਕਿਹਾ ਕਿ 2015 ਵਿਚ ਵੀ ਫ਼ੈਸਲਾ ਸਾਡੇ ਹੱਕ ਵਿਚ ਆਇਆ ਸੀ, ਪਰ ਭਾਜਪਾ ਚੋਰ ਦਰਵਾਜ਼ੇ ਰਾਹੀਂ ਸਰਕਾਰ ਵਿਚ ਆਈ ਸੀ। ਇਸ ਚੋਣ ਵਿਚ ਅਸੀਂ ਗ਼ਰੀਬੀ, ਭੁੱਖਮਰੀ, ਰੁਜ਼ਗਾਰ, ਨੌਕਰੀਆਂ ਦਾ ਮੁੱਦਾ ਚੁੱਕਿਆ। ਉਨ੍ਹਾਂ ਦੋਸ਼ ਲਾਇਆ ਕਿ ਨਿਤੀਸ਼ ਕੁਮਾਰ ਸੱਤਾ ਹਥਿਆਉਣਾ ਚਾਹੁੰਦੇ ਸਨ।
ਰਾਜਦ ਨੇਤਾ ਨੇ ਕਿਹਾ, ਮੇਰੀ ਸੀਟ 'ਤੇ 3 ਵਜੇ ਤਕ ਗਿਣਤੀ ਦੀ ਪ੍ਰਕਿਰਿਆ ਪੂਰੀ ਹੋ ਗਈ ਸੀ, ਪਰ ਨਤੀਜਾ ਸਰਟੀਫ਼ਿਕੇਟ ਅੱਧੀ ਰਾਤ ਨੂੰ ਦਿਤਾ ਗਿਆ ਸੀ। ਉਨ੍ਹਾਂ ਨੇ ਕਿਹਾ, ਗਿਣਤੀ ਤੋਂ ਇਕ ਰਾਤ ਪਹਿਲਾਂ ਇਕ ਕਾਰ ਬਾਹਰ ਆਈ। ਜਦੋਂ ਇਸ ਬੈਲਟ ਪੇਪਰ ਨੂੰ ਇਸ ਕਾਰ ਵਿਚ ਲਿਜਾਇਆ ਜਾ ਰਿਹਾ ਸੀ, ਚੋਣ ਕਮਿਸ਼ਨ ਦਾ ਨਿਯਮ ਹੈ ਕਿ ਪੋਸਟਲ ਬੈਲਟ ਨੂੰ ਪਹਿਲਾਂ ਗਿਣਿਆ ਜਾਂਦਾ ਹੈ, ਪਰ ਇਸ ਵਾਰ ਪੋਸਟਲ ਬੈਲਟ ਦੀ ਗਿਣਤੀ ਬਾਅਦ ਵਿਚ ਕੀਤੀ ਗਈ ਸੀ।
ਤੇਜਸ਼ਵੀ ਨੇ ਇਹ ਵੀ ਕਿਹਾ ਕਿ ਦੇਸ਼ ਦੇ ਨੌਜਵਾਨ, ਕਿਸਾਨ ਅਤੇ ਮਜ਼ਦੂਰ ਗੁੱਸੇ ਵਿਚ ਹਨ। ਇਸ ਚੋਣ ਵਿਚ ਇਕ ਪਾਸੇ ਸੀਨੀਅਰ ਨੇਤਾਵਾਂ ਦੀ ਟੀਮ ਸੀ, ਜਿਸ ਵਿਚ ਸੀਐਮ ਸਣੇ ਬਹੁਤ ਸਾਰੇ ਲੋਕ ਸਨ। ਪਰ ਇਹ ਲੋ ਕ ਮਿਲ ਕੇ 31 ਸਾਲਾਂ ਦੇ ਨੌਜਵਾਨ ਨੂੰ ਰੋਕਣ ਵਿਚ ਸਫ਼ਲ ਨਹੀਂ ਹੋ ਸਕੇ। ਆਰਜੇਡੀ ਨੂੰ ਸਭ ਤੋਂ ਵੱਡੀ ਪਾਰਟੀ ਬਣਨ ਤੋਂ ਕੋਈ ਰੋਕ ਨਹੀਂ ਸਕਿਆ। (ਏਜੰਸੀ)