File Photo
ਪਿੰਡ ਜੋੜ ਸਿੰਘ ਵਾਲਾ ਦਾ ਵਸਨੀਕ ਗੁਰਸੇਵਕ ਸਿੰਘ ਪੁੱਤਰ ਪਿਰਥਾ ਸਿੰਘ ਜੋ 6 ਮਹੀਨੇ ਪਹਿਲਾਂ ਨਾਈਜੀਰੀਆ ’ਚ ਰੋਜ਼ੀ/ਰੋਟੀ ਕਮਾਉਣ ਖਾਤਰ ਗਿਆ ਸੀ, ਅੱਜ ਅਚਾਨਕ ਉਸ
ਪੱਟੀ, 13 ਮਈ (ਅਜੀਤ ਘਰਿਆਲਾ, ਪ੍ਰਦੀਪ): ਪਿੰਡ ਜੋੜ ਸਿੰਘ ਵਾਲਾ ਦਾ ਵਸਨੀਕ ਗੁਰਸੇਵਕ ਸਿੰਘ ਪੁੱਤਰ ਪਿਰਥਾ ਸਿੰਘ ਜੋ 6 ਮਹੀਨੇ ਪਹਿਲਾਂ ਨਾਈਜੀਰੀਆ ’ਚ ਰੋਜ਼ੀ/ਰੋਟੀ ਕਮਾਉਣ ਖਾਤਰ ਗਿਆ ਸੀ, ਅੱਜ ਅਚਾਨਕ ਉਸ ਦੀ ਮੌਤ ਹੋ ਗਈ। ਪਿੰਡ ’ਚ ਜਦੋਂ ਉਸ ਦੀ ਖ਼ਬਰ ਪੁੱਜੀ ਤਾਂ ਪਰਵਾਰ ਦਾ ਰੋ-ਰੋ ਬੁਰਾ ਹਾਲ ਸੀ। ਮ੍ਰਿਤਕ ਗੁਰਸੇਵਕ ਸਿੰਘ ਦੀ ਪਤਨੀ ਜਸਬੀਰ ਕੌਰ ਨੇ ਦਸਿਆ ਕਿ ਘਰ ਦੇ ਹਾਲਾਤ ਨੂੰ ਦੇਖਦਿਆਂ ਕੰਮਕਾਰ ਕਰਨ ਲਈ ਉਹ ਬਾਹਰ ਗਏ ਸਨ। ਕੁਝ ਦਿਨ ਪਹਿਲਾਂ ਉਹ ਕੰਮ ਕਰਦੇ ਡਿੱਗੇ, ਉਨ੍ਹਾਂ ਦੇ ਪੈਰ ’ਤੇ ਸੱਟ ਲੱਗ ਗਈ। ਫ਼ੋਨ ’ਤੇ ਵੀ ਗੱਲਬਾਤ ਹੁੰਦੀ ਸੀ। ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਸੀ ਪਰ ਅੱਜ ਉਨ੍ਹਾਂ ਦੀ ਮੌਤ ਦੀ ਖ਼ਬਰ ਆ ਗਈ। ਉਹ ਅਪਣੇ ਪਿੱਛੇ ਪਤਨੀ ਅਤੇ ਤਿੰਨ ਬੱਚੇ ਛੱਡ ਗਿਆ। ਗੁਰਸੇਵਕ ਸਿੰਘ ਦੀ ਪਤਨੀ ਜਸਬੀਰ ਕੌਰ ਨੇ ਸਰਕਾਰ ਅਤੇ ਸਮਾਜ ਸੇਵੀ ਸੰਸਥਾਵਾਂ ਕੋਲੋਂ ਮੰਗ ਕੀਤੀ ਕਿ ਉਸ ਦੇ ਪਤੀ ਦੀ ਮ੍ਰਿਤਕ ਦੇਹ ਲਿਆਉਣ ਲਈ ਉਨ੍ਹਾਂ ਦੀ ਮਦਦ ਕੀਤੀ ਜਾਵੇ।
