ਜਿੱਥੇ ਇਕ ਪਾਸੇ ਕੋਰੋਨਾ ਵਾਇਰਸ ਮਹਾਂਮਾਰੀ ਨੇ ਸਾਰਾ ਕੁੱਝ ਦਾ ਸਤਿਆਨਾਸ ਕਰ ਕੇ ਰੱਖ ਦਿਤਾ ਹੋਇਆ ਹੈ,
ਸ੍ਰੀ ਅਨੰਦਪੁਰ ਸਾਹਿਬ (ਸੇਵਾ ਸਿੰਘ): ਜਿੱਥੇ ਇਕ ਪਾਸੇ ਕੋਰੋਨਾ ਵਾਇਰਸ ਮਹਾਂਮਾਰੀ ਨੇ ਸਾਰਾ ਕੁੱਝ ਦਾ ਸਤਿਆਨਾਸ ਕਰ ਕੇ ਰੱਖ ਦਿਤਾ ਹੋਇਆ ਹੈ, ਉੱਥੇ ਹੀ ਦੂਜੇ ਪਾਸੇ ਦਿਨੋਂ ਦਿਨ ਵੱਧ ਰਹੀ ਮਹਿੰਗਾਈ ਨੇ ਲੋਕਾਂ ਦਾ ਲੱਕ ਤੋੜ ਕੇ ਰੱਖ ਦਿਤਾ ਹੈ। ਬਾਜ਼ਾਰ ਵਿਚ ਹਰੇ ਮਟਰ 200 ਰੁਪਏ, ਸ਼ਿਮਲਾ ਮਿਰਚ 80, ਹੋਰ ਤਾਂ ਹੋਰ ਟਮਾਟਰਾਂ ਦੇ 80 ਰੁਪਏ ਭਾਅ ਨੇ ਪਿਆਜ਼ ਨੂੰ ਕਿਤੇ ਪਿੱਛੇ ਛੱਡ ਦਿਤਾ ਹੈ।
vegetables
ਸਥਾਨਕ ਵਾਸੀਆਂ ਦਾ ਕਹਿਣਾ ਹੈ ਕਿ ਕੋਰੋਨਾ ਕਾਰਨ ਜਿਥੇ ਰੁਜ਼ਗਾਰ, ਕੰਮਕਾਰ ਠੱਪ ਹੋ ਗਏ ਹਨ, ਉੱਥੇ ਹੀ ਸਬਜ਼ੀਆਂ ਦੇ ਵਧੇ ਰੇਟਾਂ ਨੇ ਉਨ੍ਹਾਂ ਦਾ ਕਚੂਮਰ ਕੱਢ ਕੇ ਰੱਖ ਦਿਤਾ ਹੈ। ਸਥਾਨਕ ਸਬਜ਼ੀ ਵਿਕਰੇਤਾ ਰਾਜੂ ਨੂੰ ਜਦੋਂ ਇਨ੍ਹਾਂ ਵਧੇ ਰੇਟਾਂ ਬਾਰੇ ਪੁਛਿਆ ਤਾਂ ਉਸ ਨੇ ਕਿਹਾ ਕਿ ਅਸੀ ਕੀ ਕਰੀਏ, ਮੰਡੀ ਦੇ ਰੇਟ ਹੀ ਅਸਮਾਨੀ ਚੜ੍ਹੇ ਹੋਏ ਹਨ।
Vegetables
ਸ੍ਰੀ ਅਨੰਦਪੁਰ ਸਾਹਿਬ ਦੇ ਅਕੈਡਮੀ ਰੋਡ ਦੇ ਵਾਸੀ ਰਾਜ, ਤਰਲੋਚਨ, ਹਰਜਿੰਦਰ ਕੁਮਾਰ, ਉਪਿੰਦਰ, ਅਮਰਜੀਤ ਸਿੰਘ ਆਦਿ ਨੇ ਦੱਸਿਆ ਕਿ ਸਬਜ਼ੀਆਂ ਏਨੀਆਂ ਮਹਿੰਗੀਆਂ ਹੋ ਗਈਆਂ ਹਨ ਕਿ ਉਹ ਆਲੂਆਂ ਦੀ ਤਰੀ ਨਾਲ ਹੀ ਪਿਛਲੇ ਤਿੰਨ ਦਿਨਾਂ ਤੋਂ ਲਗਾਤਾਰ ਗੁਜ਼ਾਰਾ ਕਰ ਰਹੇ ਹਨ। ਇਨ੍ਹਾਂ ਦਸਿਆ ਕਿ ਤੜਕੇ ਵਿਚ ਤਾਂ ਟਮਾਟਰ ਪਾਉਣਾ ਹੀ ਛੱਡ ਦਿਤਾ ਹੈ। ਕੋਰੋਨਾ ਮਹਾਂਮਾਰੀ ਦੇ ਚਲਦਿਆਂ ਕੰਮ ਲੋਕਾਂ ਨੂੰ ਮਿਲ ਨਹੀਂ ਰਹੇ। ਆਮ ਆਦਮੀ ਅੰਦਰੋ-ਅੰਦਰੀ ਪਿੱਸ ਰਿਹਾ ਹੈ।
Vegetables
ਸਬਜ਼ੀਆਂ ਦੇ ਨਾਲ ਫੱਲ-ਫ਼ਰੂਟ ਵੀ ਆਮ ਆਦਮੀ ਦੀ ਪਹੁੰਚ ਤੋਂ ਪਰੇ ਹੋ ਗਿਆ ਹੈ। ਇਨ੍ਹਾਂ ਸਾਰਿਆਂ ਨੇ ਪ੍ਰੈੱਸ ਦਾ ਸਹਾਰਾ ਲੈਂਦਿਆਂ ਸਰਕਾਰ ਨੂੰ ਗੁਹਾਰ ਲਗਾਈ ਕਿ ਗ਼ਰੀਬ ਲੋਕਾਂ ਬਾਰੇ ਵੀ ਸਰਕਾਰ ਨੂੰ ਕੁੱਝ ਕਰਨਾ ਚਾਹੀਦਾ ਹੈ। ਮੁਢਲੀਆਂ ਜ਼ਰੂਰਤਾਂ ਖਾਸ ਤੌਰ ਉਤੇ ਸਬਜ਼ੀਆਂ ਵਗ਼ੈਰਾ ਦੇ ਭਾਅ ਉਤੇ ਸਰਕਾਰ ਨੂੰ ਧਿਆਨ ਦੇਣਾ ਚਾਹੀਦਾ ਹੈ ਤਾਂ ਕਿ ਲੋਕਾਂ ਨੂੰ ਵਾਜਬ ਕੀਮਤ ਉਤੇ ਸਬਜ਼ੀਆਂ ਵਗ਼ੈਰਾ ਮੁਹਈਆ ਹੋ ਸਕਣ
