Mandi Gobindgarh Student Murder News
Mandi Gobindgarh Student Murder News: ਇਸ ਮਾਮਲੇ ਵਿਚ ਪੁਲਿਸ ਨੇ 5 ਨੌਜਵਾਨਾਂ ਨੂੰ ਹਿਰਾਸਤ ਵਿਚ ਲੈ ਲਿਆ ਹੈ।
Mandi Gobindgarh Student Murder News: ਮੰਡੀ ਗੋਬਿੰਦਗੜ੍ਹ ਦੀ ਸੰਘਣੀ ਅਬਾਦੀ ਵਾਲੇ ਇਕਬਾਲ ਨਗਰ ਵਿਚ ਬੀਤੀ ਰਾਤ ਦਸਵੀਂ ਵਿਚ ਪੜ੍ਹਦੇ 16 ਸਾਲਾ ਨੌਜਵਾਨ ਅਰੁਨ ਕੁਮਾਰ ਦਾ ਤੇਜ਼ਧਾਰ ਹਥਿਆਰਾਂ ਨਾਲ ਕਤਲ ਕਰ ਦਿਤਾ ਗਿਆ। ਇਸ ਮਾਮਲੇ ਵਿਚ ਪੁਲਿਸ ਨੇ 5 ਨੌਜਵਾਨਾਂ ਨੂੰ ਹਿਰਾਸਤ ਵਿਚ ਲੈ ਲਿਆ ਹੈ।
ਪੁਲਿਸ ਨੇ ਦਸਿਆ ਕਿ ਮ੍ਰਿਤਕ ਦੇ ਪਿਤਾ ਸਾਗਰ ਦੇ ਬਿਆਨਾਂ ਦੇ ਅਧਾਰ ’ਤੇ ਮੁਕਦਮਾ ਦਰਜ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ। ਜਾਣਕਾਰੀ ਮੁਤਾਬਕ ਐਤਵਾਰ ਦੇਰ ਸਾਮ ਇਕਬਾਲ ਨਗਰ ਵਿਚ ਖੜੇ ਨੌਜਵਾਨਾਂ ਨਾਲ ਮ੍ਰਿਤਕ ਦੀ ਕੁਝ ਬਹਿਸਬਾਜ਼ੀ ਹੋ ਗਈ ਜਿਸ ਨੇ ਬਾਅਦ ਵਿਚ ਲੜਾਈ ਦਾ ਰੂਪ ਲੈ ਲਿਆ ਅਤੇ ਨੌਜਵਾਨਾਂ ਨੇ ਅਰੁਨ ’ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਕੇ ਉਸ ਨੂੰ ਗੰਭੀਰ ਜ਼ਖ਼ਮੀ ਕਰ ਦਿਤਾ। ਸਿਵਲ ਹਸਪਤਾਲ ਮੰਡੀ ਗੋਬਿੰਦਗੜ੍ਹ ਲਿਜਾਂਦੇ ਸਮੇਂ ਰਸਤੇ ਵਿਚ ਉਸ ਦੀ ਮੌਤ ਹੋ ਗਈ। ਹਮਲਾਵਰਾਂ ਦੀ ਉਮਰ ਵੀ 16 ਤੋਂ 21 ਸਾਲ ਵਿਚਕਾਰ ਦਸੀ ਜਾ ਰਹੀ ਹੈ।
ਮੰਡੀ ਗੋਬਿੰਦਗੜ੍ਹ ਤੋਂ ਸਵਰਨਜੀਤ ਸਿੰਘ ਸੇਠੀ ਦੀ ਰਿਪੋਰਟ
