ਪਟਿਆਲਾ ਦੇ SSP ਵਰੁਣ ਸ਼ਰਮਾ ਨੇ ਦਿੱਤੀ ਜਾਣਕਾਰੀ
ਪਟਿਆਲਾ: ਰਜਨੀ ਰਾਣੀ ਕਤਲ ਮਾਮਲੇ ਵਿੱਚ ਪੁਲਿਸ ਨੇ ਵੱਡੀ ਕਾਰਵਾਈ ਕੀਤੀ ਹੈ। ਪਟਿਆਲੇ ਦਾ ਆਈਪੀਐਸ ਵਰੁਣ ਸ਼ਰਮਾ ਨੇ ਪ੍ਰੈਸ ਵਾਰਤਾ ਕਰਕੇ ਦੱਸਿਆ ਹੈ ਕਿ ਮਿਤੀ 9/10-06-2025 ਦੀ ਦਰਮਿਆਨੀ ਰਾਤ ਨੂੰ ਰਜਨੀ ਰਾਣੀ (ਉਮਰ ਕਰੀਬ 35 ਸਾਲ) ਜੋ ਕਿ ਸੈਲੂਨ ਦਾ ਕੰਮ ਕਰਦੀ ਸੀ ਅਤੇ ਜਿਸ ਦੀ ਦੋਸਤੀ/ਸਬੰਧ ਪਿਛਲੇ ਕਰੀਬ 2 ਸਾਲ ਤੋ ਕੁਲਬੀਰ ਸਿੰਘ ਘੁੰਮਣ ਪੁੱਤਰ ਬਲਜਿੰਦਰ ਸਿੰਘ ਵਾਸੀ ਪਿੰਡ ਮਵੀ ਸੱਪਾ ਤਹਿ: ਜਾ ਜਿਲਾ ਪਟਿਆਲਾ ਹਾਲ ਵਾਸੀ ਮਕਾਨ ਨੰ:11 ਗਲੀ ਨੰ:05 ਗੁਰਮਿਤ ਇੰਨਕਲੇਵ ਪਟਿਆਲਾ ਨਾਲ ਸਨ।ਕੁਲਬੀਰ ਸਿੰਘ ਘੁੰਮਣ ਉਕਤ ਜੋ ਕਿ ਅਕਸਰ ਹੀ ਰਜਨੀ ਰਾਣੀ ਨੂੰ ਤੰਗ ਪ੍ਰਸ਼ਾਨ ਕਰਦਾ ਕਰਦਾ ਸੀ। ਮਿਤੀ 9.6.2025 ਨੂੰ ਵੀ ਵਕਤ ਕਰੀਬ 4/5 ਪੀ.ਐਮ ਦੇ ਦਰਮਿਆਨ ਕੁਲਬੀਰ ਸਿੰਘ ਉਕਤ ਵੱਲੋ ਰਜਨੀ ਰਾਣੀ ਨੂੰ ਆਪਣੀ ਰਿਹਾਇਸ਼ ਮਕਾਨ ਨੰ:11 ਗਲੀ ਨੰ: 05 ਗੁਰਮਿਤ ਇੰਨਕਲੇਵ ਪਟਿਆਲਾ ਵਿਖੇ ਜਬਰਦਸਤੀ ਇਹ ਕਹਿ ਕੇ ਬੁਲਾਇਆ ਸੀ, ਕਿ ਜੇ ਕਰ ਤੂੰ ਨਾ ਆਈ ਤਾਂ ਇਸ ਚੀਜ ਦਾ ਨਤੀਜਾ ਤੈਨੂੰ ਭੁਗਤਨਾ ਪਵੇਗਾ।ਜਦੋ ਰਜਨੀ ਰਾਣੀ, ਕੁਲਬੀਰ ਸਿੰਘ ਦੀ ਰਿਹਾਇਸ਼ ਮਕਾਨ ਨੰ: 11 ਗਲੀ ਨੰ: 05 ਗੁਰਮਿਤ ਇੰਨਕਲੇਵ ਪਟਿਆਲਾ ਵਿਖੇ ਗਈ ਤਾਂ ਪਹਿਲਾ ਕੁਲਬੀਰ ਸਿੰਘ ਨੇ ਰਜਨੀ ਰਾਣੀ ਦੀ ਕੁੱਟ ਮਾਰ ਕੀਤੀ ਫਿਰ ਕੁਲਵੀਰ ਸਿੰਘ ਵੱਲੋ ਕਿਸੇ ਤੇਜ ਹਥਿਆਰ ਨਾਲ ਰਜਨੀ ਰਾਣੀ ਦਾ ਕਤਲ ਕਰਕੇ ਮੌਕਾ ਤੋ ਫਰਾਰ ਹੋ ਗਿਆ ਸੀ।
ਜਿਸ ਸਬੰਧੀ ਰਜਨੀ ਰਾਣੀ ਦੀ ਬੇਟੀ ਰਚਨਾ ਰਾਣੀ ਪਤਨੀ ਅਰੁਣ ਕੁਮਾਰ ਵਾਸੀ ਮਕਾਨ ਨੰ: 26 ਅਮਰ ਦਰਸ਼ਨ ਕਲੋਨੀ ਬੁੱਢਾ ਦਲ ਕੰਪਲੈਕਸ, ਪਟਿਆਲਾ ਦੇ ਬਿਆਨ ਪਰ ਮੁਕੱਦਮਾ ਨੰਬਰ 78 ਮਿਤੀ 10.06.2025 ਅ/ਧ 103(1) BNS ਥਾਣਾ ਪਸਿਆਣਾ ਦਰਜ ਕਰਕੇ ਤਫਤੀਸ ਸ਼ੁਰੂ ਕੀਤੀ ਗਈ। ਦੋਰਾਨੇ ਤਫਤੀਸ ਸ਼੍ਰੀ ਵੈਭਵ ਚੌਧਰੀ, ਆਈ.ਪੀ.ਐਸ, ਕਪਤਾਨ ਪੁਲਿਸ ਸਥਾਨਕ ਪਟਿਆਲਾ ਜੀ ਦੀ ਸੁਪਰਵੀਜਨ ਹੇਠ, ਸ਼੍ਰੀ ਫਤਿਹ ਸਿੰਘ ਬਰਾੜ, ਡੀ.ਐਸ.ਪੀ ਸਮਾਣਾ ਦੀ ਅਗਵਾਈ ਵਿੱਚ ਇੰਸਪੈਕਟਰ ਅਜੈ ਕੁਮਾਰ ਮੁੱਖ ਅਫਸਰ ਥਾਣਾ ਪਸਿਆਣਾ ਅਤੇ ਇੰਸਪੈਕਟਰ ਅੰਕੁਰਦੀਪ ਸਿੰਘ ਇੰਚਾਰਜ ਸੀ.ਆਈ.ਏ ਸਮਾਣਾ ਦੀਆ ਵੱਖ-ਵੱਖ ਪੁਲਿਸ ਪਾਰਟੀਆ ਬਨਾ ਕੇ ਦੋਸ਼ੀ ਨੂੰ ਫੜਨ ਲਈ ਰੇਡਾ ਕੀਤੀਆ ਗਈਆ।ਖੂਫੀਆ ਸੋਰਸਾ ਰਾਹੀ ਪਤਾ ਲੱਗਾ ਸੀ ਕਿ ਦੋਸੀ ਕੁਲਬੀਰ ਸਿੰਘ ਉਕਤ ਜੋ ਰਜਨੀ ਰਾਣੀ ਦਾ ਕਤਲ ਕਰਕੇ ਮਹਾਂਰਾਸਟਰਾ ਵੱਲ ਭੱਜ ਗਿਆ ਸੀ ਪ੍ਰੰਤੂ ਕੁਲਬੀਰ ਸਿੰਘ ਪਾਸ ਪੈਸੇ ਘੱਟ ਹੋਣ ਕਰਕੇ ਮਹਾਰਾਸ਼ਟਰਾ ਤੋ ਜਦੋ ਕੱਲ ਮਿਤੀ 14.06.2025 ਨੂੰ ਉਹ ਪੰਜਾਬ ਦੇ ਰੇਲਵੇ ਸੇਟਸ਼ਨ ਰਾਜਪੁਰਾ ਪੰਹੁਚਿਆ ਤਾਂ ਪੁਲਿਸ ਪਾਰਟੀ ਵੱਲੋ ਦੋਸ਼ੀ ਕੁਲਬੀਰ ਸਿੰਘ ਉਕਤ ਨੂੰ ਮੁਕੱਦਮਾ ਉਕਤ ਵਿੱਚ ਰੇਲਵੇ ਸਟੇਸ਼ਨ ਰਾਜਪੁਰਾ ਤੋਂ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।ਅੱਜ ਮਿਤੀ 15.06.2025 ਨੂੰ ਦੋਸ਼ੀ ਕੁਲਬੀਰ ਸਿੰਘ ਉਕਤ ਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਪੁਲਿਸ ਰਿਮਾਂਡ ਹਾਸਲ ਕੀਤਾ ਜਾ ਰਿਹਾ ਹੈ। ਰਿਮਾਂਡ ਦੌਰਾਨ ਦੋਸ਼ੀ ਪਾਸੋ ਪੂਰੀ ਡੂੰਘਾਈ ਨਾਲ ਪੁੱਛ ਪੜਤਾਲ ਕਰਕੇ ਸਾਹਮਣੇ ਆਏ ਤੱਥਾ ਦੇ ਅਧਾਰ ਅਗਲੀ ਤਫਤੀਸ਼ ਅਮਲ ਵਿੱਚ ਲਿਆਂਦੀ ਜਾਵੇਗੀ।
