ਸ਼੍ਰੋਮਣੀ ਕਮੇਟੀ ਕੋਲ ਟੀਵੀ ਚੈਨਲ ਤੇ ਰੇਡੀਓ ਅਪਣਾ ਹੋਣਾ ਚਾਹੀਦੈ
ਚੰਡੀਗੜ੍ਹ : ਪੰਜਾਬ ਵਿਧਾਨ ਸਭਾ ਦੇ ਸੈਸ਼ਨ ਮੌਕੇ ਜਿੱਥੇ ਪੰਜਾਬ ਨਾਲ ਜੁੜੇ ਮਸਲਿਆਂ 'ਤੇ ਚਰਚਾ ਨਾ ਹੋਣ ਕਰ ਕੇ ਵਿਰੋਧੀ ਧਿਰਾਂ ਹੰਗਾਮਾ ਕਰਦੀਆਂ ਨਜ਼ਰ ਆਈਆਂ, ਉਥੇ ਹੀ ਬੈਂਸ ਭਰਾਵਾਂ ਨੇ ਵੀ ਇਤਰਾਜ ਜਿਤਾਏ ਹਨ। ਲੋਕ ਇਨਸਾਫ਼ ਪਾਰਟੀ ਦੇ ਪ੍ਰਧਾਨ ਤੇ ਵਿਧਾਇਕ ਸਿਮਰਜੀਤ ਬੈਂਸ ਨੇ ਬੀਤੇ ਦਿਨੀਂ ਹੁਕਮਨਾਮੇ 'ਤੇ ਇਕ ਨਿੱਜੀ ਚੈਨਲ ਵਲੋਂ ਅਧਿਕਾਰ ਜਤਾਏ ਜਾਣ ਦੇ ਮੁੱਦੇ 'ਤੇ ਬੋਲਦਿਆਂ ਆਖਿਆ ਕਿ ਇਸ ਮੁੱਦੇ ਪਿੱਛੇ ਵੱਡਾ ਹੱਥ ਕੇਵਲ ਮਾਫੀਏ ਦਾ ਹੈ।
Photo
ਉਨ੍ਹਾਂ ਕਿਹਾ ਕਿ ਲੋਕ ਇਨਸਾਫ਼ ਪਾਰਟੀ ਕੇਵਲ ਮਾਫੀਆ ਖਿਲਾਫ਼ ਲੰਮੀ ਲੜਾਈ ਲੜ ਚੁੱਕੀ ਹੈ ਅਤੇ ਜੇਲ੍ਹ ਤਕ ਦਾ ਸਫ਼ਰ ਕਰਨਾ ਪਿਆ ਪਰ ਇਸ ਦੇ ਬਾਵਜੂਦ ਵੀ ਪੰਜਾਬ 'ਚ ਕੇਵਲ ਮਾਫੀਆ ਜਿਊ ਦਾ ਤਿਉਂ ਬਰਕਰਾਰ ਹੈ।
Photo
ਉਨ੍ਹਾਂ ਵੱਡਾ ਇਲਜ਼ਾਮ ਲਾਉਂਦਿਆਂ ਕਿਹਾ ਕਿ ਜੋ ਕੇਵਲ ਮਾਫੀਏ ਦਾ ਸਰਗਨਾ ਪਹਿਲਾਂ ਬਾਦਲਾਂ ਦੇ ਕਰੀਬ ਸੀ, ਉਹ ਅੱਜਕੱਲ੍ਹ ਕੈਪਟਨ ਅਮਰਿੰਦਰ ਸਿੰਘ ਦੀ ਮੁੱਛ ਦਾ ਵਾਲ ਬਣਿਆ ਬੈਠਾ ਹੈ।
Photo
ਇਸ ਮੌਕੇ ਉਨ੍ਹਾਂ ਸ਼੍ਰੋਮਣੀ ਕਮੇਟੀ ਦੇ ਬਜਟ ਦੀ ਗੱਲ ਕਰਦਿਆਂ ਕਿਹਾ ਕਿ ਸ਼੍ਰੋਮਣੀ ਕਮੇਟੀ ਕੋਲ ਅਪਣਾ ਟੀਵੀ ਚੈਨਲ ਅਤੇ ਰੇਡੀਓ ਹੋਣਾ ਚਾਹੀਦਾ ਹੈ, ਤਾਂ ਜੋ ਇਥੋਂ ਵੀ ਹਰ ਪਾਸੇ ਗੁਰਬਾਣੀ ਦਾ ਪ੍ਰਚਾਰ ਤੇ ਪ੍ਰਸਾਰ ਹੋ ਸਕੇ।
Photo
ਉਨ੍ਹਾਂ ਇਹ ਵੀ ਕਿਹਾ ਕਿ ਵਿਧਾਇਕ ਬਲਵਿੰਦਰ ਬੈਂਸ ਵਲੋਂ ਇਸ ਬਾਬਤ ਸ਼੍ਰ੍ਰੋਮਣੀ ਕਮੇਟੀ ਨੂੰ ਸੁਝਾਅ ਵੀ ਦਿਤਾ ਸੀ, ਪਰ ਉਸ 'ਤੇ ਅੱਜ ਤਕ ਕੋਈ ਅਮਲ ਨਹੀਂ ਕੀਤਾ ਗਿਆ। ਇਸੇ ਕਰ ਕੇ ਹੁਕਮਨਾਮੇ 'ਤੇ ਹੁਣ ਨਿੱਜੀ ਅਦਾਰੇ ਅਪਣਾ ਹੱਕ ਸਮਝਣ ਲੱਗ ਪਏ ਹਨ।
Photo
ਇਸ ਤੋਂ ਇਲਾਵਾ ਪੰਜਾਬ ਵਿਧਾਨ ਸਭਾ ਦੇ ਕਰੀਬ 20 ਮਿੰਟ ਚੱਲੇ ਸੈਸ਼ਨ 'ਤੇ ਬੋਲਦਿਆਂ ਬੈਂਸ ਨੇ ਕਿਹਾ ਕਿ ਇਹ ਪ੍ਰਥਾ ਕੁੱਝ ਸਮੇਂ ਤੋਂ ਚਲੀ ਆ ਰਹੀ ਹੈ, ਜਿਸ ਨੂੰ ਬਦਲਿਆ ਜਾਣਾ ਚਾਹੀਦਾ ਹੈ ਤਾਂ ਜੋ ਸੈਸ਼ਨ 'ਤੇ ਖ਼ਰਚੇ ਜਾਣ ਵਾਲੇ ਪੈਸੇ ਦਾ ਲੋਕ ਮੁੱਦਿਆਂ ਦੇ ਹੱਲ ਲਈ ਸਹੀ ਢੰਗ ਨਾਲ ਇਸਤੇਮਾਲ ਕੀਤਾ ਜਾ ਸਕੇ।
