ਅਲ ਅਕਸਾ ਮਸਜਿਦ ਦੇ ਬਾਹਰ ਇਜ਼ਰਾਈਲੀ ਪੁਲਿਸ ਤੇ ਫ਼ਲਸਤੀਨੀਆਂ ਦੀ ਝੜਪ, 152 ਜ਼ਖ਼ਮੀ

ਯੇਰੂਸ਼ਲਮ, 15 ਅਪ੍ਰੈਲ : ਯੇਰੂਸ਼ਲਮ ਦੀ ਮਸ਼ਹੂਰ ਅਲ-ਅਕਸਾ ਮਸਜਿਦ 'ਚ ਰਮਜ਼ਾਨ ਦੇ ਮਹੀਨੇ 'ਚ ਸ਼ੁਕਰਵਾਰ ਦੀ ਨਮਾਜ਼ ਦੌਰਾਨ ਮੌਜੂਦ ਹਜ਼ਾਰਾਂ ਫ਼ਲਸਤੀਨੀਆਂ ਦੀ ਇਜ਼ਰਾਇਲੀ ਪੁਲਿਸ ਨਾਲ ਹਿੰਸਕ ਝੜਪ ਹੋ ਗਈ | ਡਾਕਟਰਾਂ ਮੁਤਾਬਕ 152 ਤੋਂ ਵੱਧ ਫ਼ਲਸਤੀਨੀ ਗੰਭੀਰ ਜ਼ਖਮੀ ਹੋਏ ਹਨ | ਯਹੂਦੀਆਂ ਅਤੇ ਮੁਸਲਮਾਨਾਂ ਦੋਵਾਂ ਲਈ ਬਹੁਤ ਪਵਿੱਤਰ ਮੰਨਿਆ ਜਾਂਦਾ ਹੈ, ਇਹ ਸਥਾਨ ਇਕ ਸਾਲ ਬਾਅਦ ਦੁਬਾਰਾ ਖ਼ੂਨ-ਖ਼ਰਾਬੇ ਦੇ ਅਧੀਨ ਹੋ ਗਿਆ ਹੈ |
ਫ਼ਲਸਤੀਨ ਰੈੱਡ ਕ੍ਰੀਸੈਂਟ ਐਮਰਜੈਂਸੀ ਸੇਵਾ ਨੇ ਕਿਹਾ ਕਿ ਉਸ ਨੇ 20 ਜ਼ਖ਼ਮੀਆਂ ਨੂੰ  ਹਸਪਤਾਲ ਪਹੁੰਚਾਇਆ ਹੈ | ਫ਼ਲਸਤੀਨੀ ਅਥਾਰਟੀ ਨੇ ਕਿਹਾ ਕਿ ਸਾਈਟ 'ਤੇ ਮੌਜੂਦ ਇਕ ਸੁਰੱਖਿਆ ਗਾਰਡ ਦੀ ਅੱਖ ਵਿਚ ਰਬੜ ਦੀ ਗੋਲੀ ਲੱਗੀ ਸੀ | ਮੱਕਾ ਅਤੇ ਮਦੀਨਾ ਤੋਂ ਬਾਅਦ ਅਲ ਅਕਸਾ ਮਸਜਿਦ ਇਸਲਾਮ ਵਿਚ ਤੀਜਾ ਸੱਭ ਤੋਂ ਪਵਿੱਤਰ ਸਥਾਨ ਹੈ | ਪਹਾੜੀ 'ਤੇ ਬਣੀ ਇਹ ਮਸਜਿਦ ਯਹੂਦੀਆਂ ਲਈ ਸੱਭ ਤੋਂ ਪਵਿੱਤਰ ਸਥਾਨ ਹੈ, ਜਿਸ ਨੂੰ  ਉਹ 'ਟੈਂਪਲ ਮਾਊਾਟ' ਕਹਿੰਦੇ ਹਨ | ਇਜ਼ਰਾਈਲ ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਉਹ ਨਮਾਜ਼ ਦੌਰਾਨ ਸ਼ਾਂਤੀ ਬਣਾਈ ਰੱਖਣ ਲਈ ਮੁਸਲਿਮ ਨੇਤਾਵਾਂ ਨਾਲ ਪਹਿਲਾਂ ਹੀ ਗੱਲਬਾਤ ਕਰ ਚੁਕੇ ਹਨ | ਪਰ ਸ਼ੁਕਰਵਾਰ ਸਵੇਰੇ ਜਿਵੇਂ ਹੀ ਫ਼ਲਸਤੀਨੀ ਨੌਜਵਾਨ ਉਥੇ ਇਕੱਠੇ ਹੋਏ ਤਾਂ ਉਨ੍ਹਾਂ ਨੇ ਮੁਗਰਬੀ ਗੇਟ 'ਤੇ ਪਥਰਾਅ ਸ਼ੁਰੂ ਕਰ ਦਿਤਾ | ਇਹ ਦਰਵਾਜ਼ਾ ਪੱਛਮੀ ਕੰਧ, ਇਜ਼ਰਾਈਲ ਦੇ ਪਵਿੱਤਰ ਸਥਾਨ ਵਲ ਜਾਂਦਾ ਹੈ | ਇਸ ਘਟਨਾ ਤੋਂ ਬਾਅਦ ਦੋਵਾਂ ਪਾਸਿਆਂ ਤੋਂ ਹਿੰਸਾ ਭੜਕ ਗਈ |
ਇਕ ਫ਼ਲਸਤੀਨੀ ਪ੍ਰਤੱਖਦਰਸ਼ੀ ਨੇ ਦਸਿਆ ਕਿ ਫ਼ਲਸਤੀਨੀਆਂ ਦੇ ਇਕ ਛੋਟੇ ਸਮੂਹ ਨੇ ਇਜ਼ਰਾਈਲੀ ਪੁਲਿਸ 'ਤੇ ਪਥਰਾਅ ਕੀਤਾ ਸੀ | ਇਸ ਤੋਂ ਬਾਅਦ ਹੀ ਪੁਲਿਸ ਮਸਜਿਦ ਦੇ ਅੰਦਰ ਦਾਖ਼ਲ ਹੋ ਗਈ ਅਤੇ ਸੰਘਰਸ਼ ਸ਼ੁਰੂ ਹੋ ਗਿਆ | ਸੰਘਰਸ਼ ਸ਼ੁਰੂ ਹੋਣ ਤੋਂ ਕੁਝ ਘੰਟਿਆਂ ਬਾਅਦ, ਇਜ਼ਰਾਈਲੀ ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੇ ਹਿੰਸਾ ਨੂੰ  ਰੋਕ ਦਿਤਾ ਹੈ ਅਤੇ ਸੈਂਕੜੇ ਸ਼ੱਕੀਆਂ ਨੂੰ  ਹਿਰਾਸਤ ਵਿੱਚ ਲਿਆ ਹੈ | ਅਲ-ਅਕਸਾ ਮਸਜਿਦ ਨੂੰ  ਦੁਬਾਰਾ ਖੋਲ੍ਹ ਦਿੱਤਾ ਗਿਆ ਹੈ ਅਤੇ ਸੈਂਕੜੇ ਲੋਕ ਦੁਪਹਿਰ ਦੀ ਨਮਾਜ਼ ਵਿਚ ਸ਼ਾਮਲ ਹੋਏ | ਇਜ਼ਰਾਇਲੀ ਪੁਲਸ ਅਤੇ ਫਲਸਤੀਨੀਆਂ ਵਿਚਾਲੇ ਝੜਪ ਅਜਿਹੇ ਸੰਵੇਦਨਸ਼ੀਲ ਸਮੇਂ 'ਚ ਹੋਈ ਹੈ ਜਦੋਂ ਯਰੂਸ਼ਲਮ 'ਚ ਤਿੰਨ ਯਹੂਦੀ ਧਰਮਾਂ ਦਾ ਇਕ ਹਫਤੇ ਦਾ ਪ੍ਰਮੁੱਖ ਤਿਉਹਾਰ 'ਪਾਸਓਵਰ' ਸ਼ੁਰੂ ਹੋ ਗਿਆ ਹੈ | ਇਸ ਦੇ ਨਾਲ ਹੀ ਮੁਸਲਮਾਨਾਂ ਲਈ ਰਮਜ਼ਾਨ ਦਾ ਮਹੀਨਾ ਚਲ ਰਿਹਾ ਹੈ ਅਤੇ ਇਸਾਈਆਂ ਲਈ ਵੀ ਇਸ ਐਤਵਾਰ ਨੂੰ  ਈਸਟਰ ਇਕ ਵੱਡਾ ਤਿਉਹਾਰ ਹੈ | ਇਨ੍ਹਾਂ ਪ੍ਰਮੁੱਖ ਤਿਉਹਾਰਾਂ 'ਤੇ ਛੁੱਟੀਆਂ ਹੋਣ ਕਾਰਨ ਤਿੰਨਾਂ ਧਰਮਾਂ ਦੇ ਹਜ਼ਾਰਾਂ ਸ਼ਰਧਾਲੂ ਪੁਰਾਣੇ ਯੇਰੂਸ਼ਲਮ ਆਉਂਦੇ ਹਨ | ਅਜਿਹੇ 'ਚ ਤਣਾਅ ਹੋਰ ਵਧਣ ਦੀ ਸੰਭਾਵਨਾ ਹੈ |
ਜ਼ਿਕਰਯੋਗ ਹੈ ਕਿ ਯੇਰੂਸ਼ਲਮ ਦੀ ਅਲ-ਅਕਸਾ ਮਸਜਿਦ ਇਜ਼ਰਾਈਲ ਅਤੇ ਫਿਲਸਤੀਨ ਵਿਚਾਲੇ ਸੰਘਰਸ਼ ਦਾ ਮੁੱਖ ਕਾਰਨ ਰਹੀ ਹੈ | ਪਿਛਲੇ ਸਾਲ ਇਸੇ ਮਸਜਿਦ 'ਤੇ ਹੋਈ ਹਿੰਸਾ ਤੋਂ ਬਾਅਦ ਇਜ਼ਰਾਈਲ ਅਤੇ ਫਲਸਤੀਨ ਵਿਚਕਾਰ 11 ਦਿਨਾਂ ਤੱਕ ਭਿਆਨਕ ਯੁੱਧ ਹੋਇਆ ਸੀ | ਹਮਾਸ ਦੇ ਅੱਤਵਾਦੀਆਂ ਦੀ ਇਜ਼ਰਾਈਲੀ ਫ਼ੌਜ ਨੇ ਗਾਜ਼ਾ ਪੱਟੀ 'ਤੇ ਭਿਆਨਕ ਘੇਰਾਬੰਦੀ ਕੀਤੀ |
ਫਲਸਤੀਨੀ ਸਿਹਤ ਮੰਤਰਾਲੇ ਨੇ ਵੀਰਵਾਰ ਨੂੰ  ਕਿਹਾ ਕਿ ਇਜ਼ਰਾਈਲੀ ਸੈਨਿਕਾਂ ਨੇ ਵੈਸਟ ਬੈਂਕ ਵਿੱਚ ਦੋ ਫ਼ਲਸਤੀਨੀ ਨਾਗਰਿਕਾਂ ਨੂੰ  ਗੋਲੀ ਮਾਰ ਦਿੱਤੀ, ਜਿਸ ਨਾਲ ਉਨ੍ਹਾਂ ਦੀ ਮੌਤ ਹੋ ਗਈ | ਇਸ ਤੋਂ ਇਕ ਦਿਨ ਪਹਿਲਾਂ ਇਜ਼ਰਾਇਲੀ ਫੌਜਾਂ ਨਾਲ ਝੜਪਾਂ ਵਿਚ ਤਿੰਨ ਫਲਸਤੀਨੀ ਨਾਗਰਿਕ ਮਾਰੇ ਗਏ ਸਨ | ਇਹ ਸਿਪਾਹੀ ਪੱਛਮੀ ਕੰਢੇ 'ਤੇ ਗਸ਼ਤ ਕਰ ਰਹੇ ਹਨ ਅਤੇ ਇਜ਼ਰਾਈਲ 'ਚ ਹਮਲਿਆਂ ਦੇ ਅਚਾਨਕ ਵਧਣ ਤੋਂ ਬਾਅਦ ਲੋਕਾਂ ਨੂੰ  ਗਿ੍ਫਤਾਰ ਕਰ ਰਹੇ ਹਨ | ਹਾਲ ਹੀ ਦੇ ਦਿਨਾਂ 'ਚ ਇਨ੍ਹਾਂ ਹਮਲਿਆਂ 'ਚ 14 ਲੋਕ ਮਾਰੇ ਗਏ ਹਨ | (ਏਜੰਸੀ)

ਫ਼ੋਟੋ: ਅਲ-ਅਕਸਾ ਮਸਜਿਦ ਝੜਪ