Advertisement
  ਖ਼ਬਰਾਂ   ਪੰਜਾਬ  16 May 2019  ਰਾਤ ਵੇਲੇ ਥਾਣੇ ਅੱਗੇ ਪੀਐਮ ਮੋਦੀ ਦੇ ਭਰਾ ਦਾ ਹਾਈਪ੍ਰੋਫਾਈਲ ਡਰਾਮਾ

ਰਾਤ ਵੇਲੇ ਥਾਣੇ ਅੱਗੇ ਪੀਐਮ ਮੋਦੀ ਦੇ ਭਰਾ ਦਾ ਹਾਈਪ੍ਰੋਫਾਈਲ ਡਰਾਮਾ

ਸਪੋਕਸਮੈਨ ਸਮਾਚਾਰ ਸੇਵਾ
Published May 16, 2019, 3:13 pm IST
Updated May 16, 2019, 3:13 pm IST
ਜੈਪੁਰ ਘੁੰਮਣ ਲਈ ਆਏ ਹੋਏ ਨੇ ਪੀਐਮ ਦੇ ਛੋਟੇ ਭਰਾ ਪ੍ਰਹਿਲਾਦ ਮੋਦੀ
Prahlad Modi
 Prahlad Modi

ਰਾਜਸਥਾਨ- ਰਾਜਸਥਾਨ ਦੇ ਬਗਰੂ ਥਾਣੇ ਵਿਚ ਇਕ ਨਵੀਂ ਘਟਨਾ ਵਾਪਰੀ ਹੈ। ਰਾਜਸਥਾਨ ਦੇ ਬਗਰੂ ਥਾਣੇ ਵਿਚ ਇਕ ਵਿਅਕਤੀ ਰਾਤ ਨੂੰ ਕੁੱਝ ਸਮਰਥਕਾਂ ਦੇ ਨਾਲ ਥਾਣੇ ਦੇ ਬਾਹਰ ਧਰਨੇ 'ਤੇ ਬੈਠਾ ਨਜ਼ਰ ਆ ਰਿਹਾ ਹੈ, ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਆਖ਼ਰ ਅਜਿਹਾ ਕੀ ਹੋ ਗਿਆ ਕਿ ਇਸ ਵਿਅਕਤੀ ਨੂੰ ਰਾਤ ਵੇਲੇ ਹੀ ਧਰਨੇ 'ਤੇ ਬੈਠਣਾ ਪੈ ਗਿਆ ਦਰਅਸਲ ਧਰਨੇ 'ਤੇ ਬੈਠਾ ਇਹ ਸਖ਼ਸ਼ ਕੋਈ ਆਮ ਇਨਸਾਨ ਨਹੀਂ ਬਲਕਿ ਇਹ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਛੋਟਾ ਭਰਾ ਪ੍ਰਹਿਲਾਦ ਮੋਦੀ ਹੈ।

Prahlad ModiPrahlad Modi

ਦਰਅਸਲ ਪੀਐਮ ਮੋਦੀ ਦੇ ਛੋਟੇ ਭਰਾ ਰਾਜਸਥਾਨ ਘੁੰਮਣ ਲਈ ਆਏ ਸਨ ਜਿੱਥੇ ਉਨ੍ਹਾਂ ਨੇ ਰਾਜਸਥਾਨ ਦੇ ਪੁਲਿਸ ਕਮਿਸ਼ਨ ਕੋਲੋਂ ਸੁਰੱਖਿਆ ਗਾਰਡਾਂ ਦੀ ਮੰਗ ਕੀਤੀ ਪਰ ਪੁਲਿਸ ਕਮਿਸ਼ਨ ਨੇ ਚੋਣ ਜ਼ਾਬਤੇ ਦਾ ਹਵਾਲਾ ਦਿੰਦੇ ਹੋਏ ਸੁਰੱਖਿਆ ਦੇਣ ਤੋਂ ਸਾਫ਼ ਇਨਕਾਰ ਕਰ ਦਿਤਾ। ਇਹ ਆਖਿਆ ਕਿ ਉਹ ਪਹਿਲਾਂ ਚੋਣ ਕਮਿਸ਼ਨ ਕੋਲੋਂ ਮਨਜ਼ੂਰੀ ਲੈ ਕੇ ਆਉਣ ਉਸ ਤੋਂ ਬਾਅਦ ਹੀ ਉਨ੍ਹਾਂ ਨੂੰ ਕੋਈ ਸੁਰੱਖਿਆ ਦਿਤੀ ਜਾਵੇਗੀ।

Prahlad Modi DharnaPrahlad Modi Dharna

ਬਸ ਇਸੇ ਗੱਲ ਨੂੰ ਲੈ ਕੇ ਉਹ ਪੁਲਿਸ 'ਤੇ ਭੜਕ ਗਏ ਅਤੇ ਉਨ੍ਹਾਂ ਬਗਰੂ ਥਾਣੇ ਦੇ ਅੱਗੇ ਧਰਨਾ ਲਗਾ ਦਿੱਤਾ। ਪੀਐਮ ਮੋਦੀ ਦੇ ਭਰਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਮੱਧ ਪ੍ਰਦੇਸ਼ ਅਤੇ ਅਜਮੇਰ ਵਿਚ ਵੀ ਪੁਲਿਸ ਵਲੋਂ ਸੁਰੱਖਿਆ ਮੁਹੱਈਆ ਕਰਵਾਈ ਗਈ ਸੀ ਫਿਰ ਜੈਪੁਰ ਪੁਲਿਸ ਨੂੰ ਅਜਿਹੀ ਕੀ ਦਿੱਕਤ ਆ ਗਈ ਕਿ ਉਨ੍ਹਾਂ ਨੂੰ ਸੁਰੱਖਿਆ ਦੇਣ ਤੋਂ ਇਨਕਾਰ ਕੀਤਾ ਜਾ ਰਿਹਾ।

ਕਾਫ਼ੀ ਸਮੇਂ ਤਕ ਹੰਗਾਮਾ ਕੀਤੇ ਜਾਣ ਮਗਰੋਂ ਉਨ੍ਹਾਂ ਨੂੰ ਦੋ ਪੀਐਸਓ ਮੁਹੱਈਆ ਕਰਵਾਏ ਗਏ ਤਾਂ ਜਾ ਕੇ ਉਨ੍ਹਾਂ ਨੇ ਅਪਣਾ ਧਰਨਾ ਖ਼ਤਮ ਕੀਤਾ। ਦਸ ਦਈਏ ਕਿ ਇਸ ਹਾਈਪ੍ਰੋਫਾਈਲ ਡਰਾਮੇ ਨੂੰ ਦੇਖਣ ਲਈ ਵੱਡੀ ਗਿਣਤੀ ਵਿਚ ਲੋਕਾਂ ਦੀ ਭੀੜ ਵੀ ਥਾਣੇ ਦੇ ਅੱਗੇ ਜਮ੍ਹਾਂ ਹੋ ਗਈ ਸੀ। 

Advertisement
Advertisement

 

Advertisement