ਡਡੂਮਾਜਰਾ 'ਚ ਇਕ ਮੁਟਿਆਰ ਨੇ ਕੈਬ ਡਰਾਈਵਰ ਤੇ ਉਸ ਨੂੰ ਲੜਕੀ ਬਣ ਕੇ ਮੈਸਜ ਭੇਜਣ ਅਤੇ ਉਸ ਨਾਲ ਅਸ਼ਲੀਲ ਗੱਲਬਾਤ ਕਰਨ ਦਾ ਦੋਸ਼ .........
ਚੰਡੀਗੜ੍ਹ : ਡਡੂਮਾਜਰਾ 'ਚ ਇਕ ਮੁਟਿਆਰ ਨੇ ਕੈਬ ਡਰਾਈਵਰ ਤੇ ਉਸ ਨੂੰ ਲੜਕੀ ਬਣ ਕੇ ਮੈਸਜ ਭੇਜਣ ਅਤੇ ਉਸ ਨਾਲ ਅਸ਼ਲੀਲ ਗੱਲਬਾਤ ਕਰਨ ਦਾ ਦੋਸ਼ ਲਗਾਏ ਹਨ ਜਿਸ 'ਤੇ ਪੁਲਿਸ ਨੇ ਕੈਬ ਚਾਲਕ ਮੋਹਾਲੀ ਵਾਸੀ ਜਸਬੀਰ ਸਿੰਘ ਵਿਰੁਧ ਮਾਮਲਾ ਦਰਜ ਕਰ ਕੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਮਲੋਆ ਥਾਣੇ ਵਿਚ ਇਸ ਸਬੰਧੀ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਪੀੜਤ ਮੁਟਿਆਰ ਦੇ ਪਰਵਾਰ ਨੇ ਕੈਬ ਚਾਲਕ ਨੂੰ ਬਹਾਨੇ ਸਿਰ ਡੱਡੂਮਾਜਰਾ ਸਦਿਆ। ਜਦੋਂ ਉਹ ਉਥੇ ਪੁੱਜਾ ਤਾਂ ਉਸ ਨਾਲ ਪਰਵਾਰ ਵਾਲਿਆਂ ਅਤੇ ਉਥੇ ਮੌਜੂਦ ਲੋਕਾਂ ਨੇ ਉਸ ਦਾ ਕੁੱਟਾਪਾ ਚਾੜ੍ਹਿਆ।
ਜਾਣਕਾਰੀ ਅਨੁਸਾਰ ਮੁਟਿਆਰ ਨੇ ਕੁੱਝ ਦਿਨ ਪਹਿਲਾਂ ਅਪਣੇ ਮੋਬਾਈਲ ਤੋਂ ਕੈਬ ਬੁਕ ਕੀਤੀ ਸੀ। ਇਸ ਤੋਂ ਬਾਅਦ ਕੈਬ ਚਾਲਕ ਜਸਬੀਰ ਸਿੰਘ ਨੇ ਮੁਟਿਆਰ ਦਾ ਨੰਬਰ ਅਪਣੇ ਮੋਬਾਈਲ ਵਿਚ ਸੇਵ ਕਰ ਲਿਆ ਅਤੇ ਉਸ ਨਾਲ ਲੜਕੀ ਬਣ ਕੇ ਚੈਟ ਕਰਨੀ ਸ਼ੁਰੂ ਕਰ ਦਿਤੀ। ਮੁਟਿਆਰ ਨੇ ਸੋਚਿਆ ਇਹ ਉਸ ਦੀ ਸਹੇਲੀ ਦਾ ਨੰਬਰ ਹੈ। ਪਰ ਬਾਅਦ ਵਿਚ ਜਦ ਨੰਬਰ ਦੀ ਹਕੀਕਤ ਸਾਹਮਣੇ ਆਈ ਤਾਂ ਮੁਟਿਆਰ ਨੇ ਇਸ ਦੀ ਜਾਣਕਾਰੀ ਅਪਣੇ ਪਰਵਾਰ ਨੂੰ ਦਿਤੀ।
