ਨਸ਼ਾ ਮਾਫੀਆ ਵਿਰੁਧ ਕਾਰਵਾਈ
Punjab News: ਨਸ਼ਾ ਮਾਫੀਆ ਵਿਰੁਧ ਕਾਰਵਾਈ ਦੇ ਤਹਿਤ ਤਰਨਤਾਰਨ ਪੁਲਿਸ ਨੇ 6 ਨਸ਼ਾ ਤਸਕਰਾਂ ਦੀ ਡੇਢ ਕਰੋੜ ਰੁਪਏ ਦੀ ਜਾਇਦਾਦ ਜ਼ਬਤ ਕਰ ਲਈ ਹੈ।
ਸਪੀ ਇਨਵੈਸਟੀਗੇਸ਼ਨ ਵਿਸ਼ਾਲਜੀਤ ਸਿੰਘ ਦੀ ਅਗਵਾਈ ਹੇਠ ਪੁਲੀਸ ਟੀਮ ਨੇ ਤਸਕਰ ਹਰਪ੍ਰੀਤ ਸਿੰਘ ਉਰਫ਼ ਹੈਪੀ ਵਾਸੀ ਨੌਸ਼ਹਿਰਾ ਢਾਲਾ ਦੇ ਘਰ (30 ਲੱਖ 60 ਹਜ਼ਾਰ ਰੁਪਏ), ਗੁਰਬੀਰ ਸਿੰਘ ਉਰਫ਼ ਗੋਪੀ ਵਾਸੀ ਫਰੰਦੀਪੁਰ ਦੇ ਘਰ (ਕੀਮਤ 7 ਲੱਖ 70 ਹਜ਼ਾਰ ਰੁਪਏ), ਗੁਰਮੰਗਤ ਸਿੰਘ ਉਰਫ਼ ਕਾਲਾ ਸੰਘਾ ਵਾਸੀ ਗੰੜੀਵਿੰਡ ਦੇ ਘਰ (13 ਲੱਖ 50 ਹਜ਼ਾਰ ਰੁਪਏ), ਡਰੱਗ ਮਨੀ 13 ਲੱਖ 49 ਹਜ਼ਾਰ ਰੁਪਏ, ਵਿਨੇ ਕੁਮਾਰ ਵਾਸੀ ਖਾਲੜਾ ਰੋਡ ਭਿੱਖੀਵਿੰਡ ਦੇ ਘਰ (25 ਲੱਖ ਰੁਪਏ ਦੀ ਕੀਮਤ), ਪ੍ਰੇਮ ਸਿੰਘ ਉਰਫ਼ ਕਾਲਾ ਪਹਿਲਵਾਨ ਦੇ ਘਰ (29 ਲੱਖ 10 ਹਜ਼ਾਰ ਰੁਪਏ) ਜਤਿੰਦਰ ਸਿੰਘ ਵਾਸੀ ਪਿੰਡ ਸੋਹਲ ਦੇ ਘਰ (31 ਲੱਖ 40 ਹਜ਼ਾਰ ਰੁਪਏ ਦੀ ਕੀਮਤ) ਨੂੰ ਫਰੀਜ਼ ਕਰ ਦਿਤਾ ਗਿਆ ਹੈ। ਐਸਐਸਪੀ ਅਸ਼ਵਨੀ ਕਪੂਰ ਨੇ ਦਸਿਆ ਕਿ ਸਰਕਾਰ ਦੀਆਂ ਹਦਾਇਤਾਂ ’ਤੇ ਨਸ਼ਾ ਤਸਕਰਾਂ ਵਿਰੁਧ ਕਾਰਵਾਈ ਕੀਤੀ ਗਈ ਹੈ।
property of 6 smugglers worth one and a half crore Freeze in Tarn Taran
