ਕੰਗਨਾ ਰਣੌਤ ਨੂੰ ਜੰਮ ਕੇ ਪਾਈਆਂ ਲਾਹਣਤਾਂ
ਨਵੀਂ ਦਿੱਲੀ: (ਚਰਨਜੀਤ ਸਿੰਘ ਸੁਰਖਾਬ) ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ। ਕਿਸਾਨਾਂ ਨੂੰ ਦੇਸ਼ ਦੇ ਹਰ ਕੋਨੇ ਤੋਂ ਹਰ ਕਿੱਤੇ ਨਾਲ ਸਬੰਧਤ ਲੋਕਾਂ ਦਾ ਸਾਥ ਮਿਲ ਰਿਹਾ ਹੈ।
Charnjit Singh Surkhaab and Binnu Dhillon
ਇਕੱਲੇ ਪੰਜਾਬ ਦੇ ਕਿਸਾਨ ਹੀ ਨਹੀਂ ਬਲਕਿ ਹਰਿਆਣਾ ਦੇ ਕਿਸਾਨ ਵੀ ਦਿੱਲੀ ਮੋਰਚੇ ਵਿਚ ਡਟੇ ਹੋਏ ਹਨ। ਕਿਸਾਨੀ ਅੰਦੋਲਨ ਨੂੰ ਕਲਾਕਾਰਾਂ ਦਾ ਵੀ ਸਮਰਥਨ ਮਿਲ ਰਿਹਾ ਹੈ। ਸਪੋਕਸਮੈਨ ਦੇ ਪੱਤਰਕਾਰ ਵੱਲੋਂ ਬੀਨੂੰ ਢਿੱਲੋਂ ਨਾਲ ਗੱਲਬਾਤ ਕੀਤੀ ਗਈ।
Charnjit Singh Surkhaab and Binnu Dhillon
ਬੀਨੂੰ ਢਿੱਲੋਂ ਨੇ ਕਿਹਾ ਕਿ ਪੰਜਾਬੀਆਂ ਨੇ ਆਪਣੀ ਦਿੱਖ ਨੂੰ ਜ਼ਾਹਰ ਕਰ ਦਿੱਤਾ ਵੀ ਜਿਸਨੂੰ ਤੁਸੀਂ ਅੱਤਵਾਦੀ ਕਹਿੰਦੇ ਸੀ ਅਸਲ ਵਿਚ ਉਹ ਅੱਤਵਾਦੀ ਨਹੀਂ ਅੰਨਦਾਤਾ ਹੈ। ਉਹਨਾਂ ਕਿਹਾ ਕਿ ਦਿੱਲੀ ਦੇ ਲੋਕਾਂ ਤੋਂ ਪੁੱਛ ਕਿ ਵੇਖੋ ਜਿਸਦੇ ਅਸੀਂ ਗੁਆਂਢ ਵਿਚ ਬੈਠੇ ਹਾਂ, ਦਿੱਲੀ ਦੇ ਲੋਕ ਵਾਰ-ਵਾਰ ਕਹਿਣਗੇ ਕਿ ਉਹ ਸਰਦਾਰ ਕਦੋਂ ਆਉਣਗੇ।
Charnjit Singh Surkhaab and Binnu Dhillon
ਇਥੇ ਵਟੰਲੀਅਰ ਜਿਹਨਾਂ ਕੋਲ ਅਦਾਵਾਂ ਨੇ, ਕਲਾਵਾਂ ਨੇ,ਸਿੱਖਿਆ ਹੈ ਉਹ ਆਂਢ-ਗੁਆਂਢ ਦੇ ਬੱਚੇ ਜਿਹੜੇ ਗਰੀਬ ਨੇ ਉਹਨਾਂ ਨੂੰ ਸਿੱਖਿਆ ਪ੍ਰਦਾਨ ਕਰ ਰਹੇ ਹਨ। ਬੀਰ ਸਿੰਘ ਨੇ ਦੂਜਿਆਂ ਨਾਲ ਮਿਲ ਕੇ ਇਕ ਸੱਥ ਖੋਲ੍ਹੀ ਹੈ ਜਿੱਥੇ ਕਿਤਾਬਾਂ ਰੱਖੀਆਂ ਗਈਆਂ ਹਨ ਉਹਨਾਂ ਕਿਹਾ ਕਿ ਪੰਜਾਬ ਨੂੰ ਸੋਨੇ ਦੀ ਚਿੜ੍ਹੀ ਕਿਹਾ ਜਾਂਦਾ ਸੀ ਪਰ ਹੁਣ ਸੋਨੇ ਦੀ ਚਿੜੀ ਦਾ ਇਕੱਲਾ ਇਕੱਲਾ ਖੰਭ ਕੁਤਰਿਆ ਪਿਆ।
Charnjit Singh Surkhaab and Binnu Dhillon
ਵਾਹਿਗੁਰੂ ਨੇ ਸਭ ਨੂੰ ਏਕੇ ਦੀ ਬਖਸ਼ਿਸ ਕੀਤੀ ਹੈ ਇਸੇ ਕਰਕੇ ਅਸੀਂ ਸਾਰੇ ਇਕ ਪਲੇਟਫਾਰਮ ਤੇ ਇਕੱਠੇ ਹੋ ਗਏ ਨਹੀਂ ਸਾਨੂੰ ਫੋਨਾਂ ਨੇ ਅਲੱਗ ਅਲੱਗ ਕਰ ਦਿੱਤਾ ਸੀ ਪਰ ਇਹ ਠਾਠਾਂ ਮਾਰਦਾ ਇਕੱਠ ਦੱਸਦਾ ਹੈ ਕਿ ਕਿਸਾਨਾਂ ਵਿਚ ਜਜ਼ਬਾ ਤੇ ਜਾਨੂੰਨ ਕਿੰਨਾ ਹੈ ਤੇ ਉਹਨਾਂ ਦਾ ਮਕਸਦ ਕੀ ਹੈ। ਬੀਨੂੰ ਢਿੱਲੋਂ ਨੇ ਸਰਕਾਰ ਨੂੰ ਬੇਨਤੀ ਕੀਤੀ ਹੈ ਕਿ ਸਰਕਾਰ ਇਹਨਾਂ ਖੇਤੀ ਬਿਲਾਂ ਨੂੰ ਵਾਪਸ ਲੈ ਲਵੇ।
Charnjit Singh Surkhaab and Binnu Dhillon
ਉਹਨਂ ਨੇ ਕੰਗਨਾ ਰਣੌਤ ਨੂੰ ਵੀ ਜੰਮ ਕੇ ਲਾਹਣਤਾਂ ਪਾਈਆਂ ਉਹਨਾਂ ਕਿਹਾ ਕਿ ਪ੍ਰਮਾਤਮਾ ਉਸਨੂੰ ਅਕਲ ਦੇਵੇ, ਦਿਮਾਗ ਦੇਵੇ ਵੀ ਇਸ ਤਰ੍ਹਾਂ ਦੇ ਸ਼ਬਦ ਕਿਸੇ ਵੀ ਕੌਮ ਬਾਰੇ ਨਹੀਂ ਬੋਲੀਦੇ ਹੁੰਦੇ।
Charnjit Singh Surkhaab and Binnu Dhillon
ਬੀਰ ਸਿੰਘ ਨਾਲ ਵੀ ਗੱਲ ਬਾਤ ਕੀਤੀ ਗਈ ਉਹਨਾਂ ਕਿਹਾ ਕਿ ਇਥੇ ਵੱਖ ਵੱਖ ਤਰ੍ਹਾਂ ਦੇ ਲੋਕ ਆਏ ਹਨ ਸਾਰਿਆਂ ਦਾ ਅਲੱਗ ਅਲੱਗ ਰਹਿਣ-ਸਹਿਣ,ਖਾਣ-ਪੀਣ, ਵੱਖਰੋ ਵੱਖਰੇ ਤੌਰ ਤਰੀਕੇ ਸਾਰਿਆਂ ਤੋਂ ਕੁੱਝ ਨਾ ਕੁੱਝ ਜਰੂਰ ਸਿੱਖਾਂਗੇ ।
charnjit singh surkhaab and Bir Singh
ਉਹਨਾਂ ਕਿਹਾ ਕਿ ਪਬਲਿਕ ਦਾ ਪ੍ਰੈਸ਼ਰ ਬਹੁਤ ਹੈ ਕਿਸਾਨ ਖਿੰਡ ਨਹੀਂ ਸਕਦੇ ਜਿਸਨੇ ਵੀ ਇਸਨੂੰ ਖਿੰਡਾਉਣ ਦੀ ਕੋਸ਼ਿਸ ਕੀਤੀ ਉਸਦਾ ਹਾਲ ਬਹੁਤ ਬੁਰਾ ਹੋਇਆ ਹੈ ਕਿਉਂਕਿ ਵੜਨਾ ਤਾਂ ਫਿਰ ਪੰਜਾਬ ਵਿਚ ਹੀ ਹੈ ,ਫਿਰ ਲੋਕਾਂ ਨੇ ਵੜਨ ਵੀ ਨਹੀਂ ਦੇਣਾ। ਬੀਰ ਸਿੰਘ ਨੇ ਕਿਹਾ ਕਿ ਅਕਾਲ ਪੁਰਖ ਇਹਨਾਂ ਨੂੰ ਬੁਧੀ ਬਖਸ਼ੇ ਇਹਨਾਂ ਤੋਂ ਆਪ ਮੁਹਾਰੇ ਹੀ ਕੰਮ ਕਰਵਾ ਲਵੇ। ਉਹਨਾਂ ਕਿਹਾ ਕਿ ਅੰਦੋਲਨ ਹੁਣ ਤੱਕ ਬਹੁਤ ਸੋਹਣਾ ਚੱਲਿਆ।
