ਸਿਆਸਤ ਝੂਠੀ ਹੈ ਸਾਰੀ
ਨਵੀਂ ਦਿੱਲੀ: (ਨਿਮਰਤ ਕੌਰ) ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ। ਕਿਸਾਨਾਂ ਨੂੰ ਦੇਸ਼ ਦੇ ਹਰ ਕੋਨੇ ਤੋਂ ਹਰ ਕਿੱਤੇ ਨਾਲ ਸਬੰਧਤ ਲੋਕਾਂ ਦਾ ਸਾਥ ਮਿਲ ਰਿਹਾ ਹੈ।
Nimrat Kaur and Vishal Sharma
ਇਕੱਲੇ ਪੰਜਾਬ ਦੇ ਕਿਸਾਨ ਹੀ ਨਹੀਂ ਬਲਕਿ ਹਰਿਆਣਾ ਦੇ ਕਿਸਾਨ ਵੀ ਦਿੱਲੀ ਮੋਰਚੇ ਵਿਚ ਡਟੇ ਹੋਏ ਹਨ। ਕਿਸਾਨੀ ਅੰਦੋਲਨ ਨੂੰ ਕਲਾਕਾਰਾਂ ਦਾ ਵੀ ਸਮਰਥਨ ਮਿਲ ਰਿਹਾ ਹੈ। ਸਪੋਕਸਮੈਨ ਦੀ ਮੈਨੇਜਿੰਗ ਡਾਇਰੈਕਟਰ ਨਿਮਰਤ ਕੌਰ ਨੇ ਵਿਸ਼ਾਲ ਸ਼ਰਮਾ ਜੋ ਕਿ ਸਿੰਘੂ ਬਾਰਡਰ ਤੇ ਪੋਸਟਰ ਚੁੱਕ ਕੇ ਖੜੇ ਰਹਿੰਦੇ ਹਨ ਨਾਲ ਗੱਲ ਬਾਤ ਕੀਤੀ।
Nimrat Kaur and Vishal Sharma
ਉਹਨਾਂ ਨੇ ਦੱਸਿਆ ਕਿ ਉਹ ਉਦੋਂ ਤੱਕ ਨਹੀਂ ਥੱਕਣਗੇ ਜਦੋਂ ਤੱਕ ਮੋਦੀ ਇਹ 3 ਕਾਨੂੰਨ ਵਾਪਸ ਨਹੀਂ ਲੈਂਦਾ, ਉਨਾਂ ਕਿਹਾ ਕਿ 2 ਮਹੀਨੇ ਹੋ ਗਏ ਸੜਕਾਂ ਤੇ ਸੌਂਦਿਆਂ ਨੂੰ ਪਰ ਅਸੀਂ ਡਟੇ ਹੋਏ ਹਾਂ।
Nimrat Kaur and farmer
ਉਹਨਾਂ ਨੇ ਪੋਸਟਰ ਤੇ ਲਿਖਿਆ ਹੈ ਕਿ"ਜੇ ਅੰਨਦਾਤਾ ਖਾਲਿਸਤਾਨੀ ਹੈ, ਤਾਂ ਮੈਂ ਹਿੰਦੂ ਖਾਲਿਸਤਾਨੀ ਹਾਂ"ਕਿਉਂਕਿ ਗੋਦੀ ਮੀਡੀਆ ਅੰਨਦਾਤਾ ਨੂੰ ਖਾਲਿਸਤਾਨੀ ਵਿਖਾ ਰਿਹਾ ਹੈ ਇੱਥੇ ਕਿਸੇ ਦੇ ਹੱਥ ਵਿਚ ਗੰਨ ਵਿਖਾ ਦਿਓ, ਇਹ ਕਿਸਾਨ ਹਨ।
Nimrat Kaur and Vishal Sharma
ਉਹਨਾਂ ਨੇ ਕੰਗਨਾ ਨੂੰ ਵੀ ਜੰਮ ਕੇ ਲਾਹਣਤਾਂ ਪਾਈਆਂ। ਉਹਨਾਂ ਕਿਹਾ ਕਿ ਕੰਗਨਾ ਤਾਂ ਵੈਸੇ ਹੀ ਫਸ ਗਈ ਉਸਨੂੰ ਤਾਂ ਬੋਲਣ ਦੀ ਅਕਲ ਹੈਨੀ, ਨਾ ਉਸਦੀ ਕੋਈ ਔਕਾਤ ਹੈ। ਉਹਨਾਂ ਕਿਹਾ ਕਿ ਮੁੰਡਿਆਂ ਦੀ ਰਾਤ ਦੀਆਂ ਡਿਊਟੀਆਂ ਲਗਾਈਆਂ ਗਈਆ ਹਨ ਤਾਂ ਜੋ ਕਿਸੇ ਵੀ ਘਟਨਾ ਨੂੰ ਅੰਜ਼ਾਮ ਨਾ ਦਿੱਤਾ ਜਾਵੇ।
Nimrat Kaur and farmer
ਉਹਨਾਂ ਕਿਹਾ ਕਿ ਪਹਿਲਾਂ ਅਕਾਲੀ ਤੇ ਬੀਜੇਪੀ ਦਾ ਗਠਬੰਧਨ ਰਿਹਾ ਤੇ ਗਠਬੰਧਨ ਚੋਰ ਦਾ ਚੋਰ ਨਾਲ ਹੀ ਹੁੰਦਾ। ਬੀਜੇਪੀ ਵੀ ਚੋਰ ਹੈ ਅਕਾਲੀ ਵੀ ਚੋਰ ਹੈ। ਕਿਸਾਨਾਂ ਨੇ ਕਿਹਾ ਕਿ ਸਿਆਸਤ ਸਾਰੀ ਝੂਠੀ ਹੈ, ਉਹਨਾਂ ਦੇ ਮਨ ਵਿਚ ਚੋਰ ਹੈ ਇਸ ਲਈ ਨਹੀਂ ਉਹ ਸਾਡੇ ਕੋਲ ਆਉਂਦੇ।
