ਇਸ ਡਰੋਨ ਦੀ ਕੀਮਤ 10 ਹਜ਼ਾਰ ਰੁਪਏ ਹੈ
ਸ਼ੰਭੂ (ਸੁਰਖ਼ਾਬ ਚੰਨ) - ਕਿਸਾਨਾਂ ਨੇ ਹੁਣ ਸ਼ੰਭੂ ਬਾਰਡਰ 'ਤੇ ਹਰਿਆਣਾ ਪੁਲਿਸ ਵੱਲੋਂ ਗੋਲੇ ਸੁੱਟਣ ਲਈ ਉਡਾਏ ਜਾਣ ਵਾਲੇ ਡਰੋਨ ਦਾ ਤੋੜ ਲੱਭ ਲਿਆ ਹੈ। ਇਕ ਕਿਸਾਨ ਵੀਰ ਇੰਦਰਜੀਤ ਸਿੰਘ ਜੋ ਮਲੇਰਕੋਟਲਾ ਦਾ ਰਹਿਣ ਵਾਲਾ ਹੈ, ਉਸ ਨੇ ਹਰਿਆਣਾ ਦੇ ਡਰੋਨ ਦਾ ਤੋੜ ਕੱਢਣ ਲਈ ਅਪਣਾ ਖ਼ੁਦ ਦਾ ਡਰੋਨ ਸ਼ੰਭੂ ਬਾਰਡਰ 'ਤੇ ਲਿਆਂਦਾ ਹੈ। ਕਿਸਾਨ ਨੇ ਕਿਹਾ ਕਿ ਉਹ ਖ਼ੁਦ ਵੀ ਇਕ ਮਕੈਨੀਕਲ ਇੰਜੀਨੀਅਰ ਹੈ ਜਿਸ ਕਰ ਕੇ ਉਸ ਨੂੰ ਪਤਾ ਹੈ ਕਿ ਇਕ ਡਰੋਨ ਨੂੰ ਡਰੋਨ ਹੀ ਮਾਰ ਸਕਦਾ ਹੈ ਜਿਵੇਂ ਕਿ ਲੋਹੇ ਨੂੰ ਲੋਹਾ ਕੱਟਦਾ ਹੈ ਉਸੇ ਤਰ੍ਹਾਂ ਹੁਣ ਮੋਰਚੇ ਵਿਚ ਵੀ ਡਰੋਨ ਨੂੰ ਡਰੋਨ ਹੀ ਸੁੱਟੇਗਾ।
ਇੰਦਰਜੀਤ ਸਿੰਘ ਨੇ ਕਿਹਾ ਕਿ ਹਰਿਆਣਾ ਦੇ ਡਰੋਨ ਦੀ ਦੂਰੀ ਵੀ 300 ਮੀਟਰ ਹੈ ਤੇ ਸਾਡੇ ਵਾਲੇ ਦੀ ਵੀ ਉਹੀ ਹੈ। ਉਸ ਦੀ ਉਚਾਈ ਵੀ 100 ਮੀਟਰ ਹੈ ਤੇ ਸਾਡੇ ਵਾਲੇ ਡਰੋਨ ਦੀ ਉਚਾਈ ਵੀ 100 ਮੀਟਰ ਹੈ। ਹੁਣ ਸਾਡੇ ਵਾਲਾ ਡਰੋਨ ਵੀ ਹਰਿਆਣਾ ਦੇ ਡਰੋਨ ਨੂੰ ਸੁੱਟੇਗਾ। ਕਿਸਾਨ ਨੇ ਦੱਸਿਆ ਕਿ ਇਸ ਡਰੋਨ ਦੀ ਕੀਮਤ 10 ਹਜ਼ਾਰ ਰੁਪਏ ਹੈ ਪਰ ਇਸ ਇਕ ਡਰੋਨ ਨਾਲ ਸਾਡੇ ਕਿੰਨੇ ਹੀ ਕਿਸਾਨ ਜਖ਼ਮੀ ਹੋਣ ਤੋਂ ਬਚ ਜਾਣਗੇ।
