ਜਲੰਧਰ ਵਿਚ ਕੋਰੋਨਾ ਪਾਜ਼ੇਟਿਵ ਦੇ ਸੱਤ ਨਵੇਂ ਮਾਮਲੇ ਸਾਹਮਣੇ ਆਏ

ਜਲੰਧਰ, 17 ਅਪ੍ਰੈਲ  (ਲਖਵਿੰਦਰ ਸਿੰਘ ਲੱਕੀ  /ਵਰਿੰਦਰ ਸ਼ਰਮਾ):  ਜਲੰਧਰ ਵਿਚ ਕੋਰੋਨਾ ਦਾ ਕਹਿਰ ਲਗਾਤਾਰ ਜਾਰੀ ਹੈ, ਜਿੱਥੇ ਕਲ ਜਲੰਧਰ ਵਿਚ ਕੋਰੋਨਾ ਦੇ 6 ਨਵੇਂ ਕੇਸ ਸਾਹਮਣੇ ਆਏ ਸੀ, ਉੱਥੇ ਅੱਜ ਸ਼ੁਕਰਵਾਰ ਨੂੰ ਸ਼ਹਿਰ ਵਿਚ ਕੋਰੋਨਾ ਵਾਇਰਸ ਦੇ ਦੇਰ ਸ਼ਾਮ ਤਕ ਸੱਤ ਹੋਰ ਮਾਮਲੇ ਸਾਹਮਣੇ ਆਏ ਹਨ।  ਇਹ ਸਾਰੇ ਕੋਰੋਨਾ ਪਾਜ਼ੇਟਿਵ ਪਾਏ ਗਏ। ਮਰੀਜ਼ਾਂ ਦੇ ਲਿੰਕ ਵਿਚ ਸਨ। ਉਨ੍ਹਾਂ ਦਾ ਇਕ ਸਾਲ ਦਾ ਬੱਚਾ ਵੀ ਹੈ, ਜੋ ਜਸਬੀਰ ਸਿੰਘ ਦਾ ਭਤੀਜਾ ਹੈ, ਜੋ ਰਾਜਾ ਗਾਰਡਨ ਵਿਚ ਕੋਰੋਨਾ ਪਾਜ਼ੇਟਿਵ ਪਾਇਆ ਗਿਆ ਸੀ।CORONA

 ਜਸਬੀਰ ਸਿੰਘ ਇਕ ਪੰਜਾਬੀ ਅਖ਼ਬਾਰ ਵਿਚ ਸਬ-ਐਡੀਟਰ ਹਨ। ਇਸ ਤੋਂ ਇਲਾਵਾ ਕੁੱਝ ਬਸਤੀ ਦਾਨਿਸ਼ਮੰਦਾ ਦੇ ਜੀਤ ਲਾਲ ਅਤੇ ਕੁੱਝ ਪੁਰਾਣੀ ਸਬਜ਼ੀ ਮੰਡੀ ਦੇ ਸੰਪਰਕ ਵਿਚ ਹਨ। ਦੋ ਬਸਤੀ  ਦਾਨਿਸ਼ਮੰਦਾ  ਅਤੇ ਇਕ ਮੁਹੱਲਾ ਨੀਲਾ ਮਹਿਲ ਦੇ ਹਨ।  ਜੀਤ ਲਾਲ, ਜੋ ਬਸਤੀ ਦਾਨਿਸ਼ਮੰਦਾ ਵਿਚ ਕੋਰੋਨਾ ਪਾਜ਼ੇਟਿਵ ਪਾਇਆ ਗਿਆ ਸੀ, ਦੀਆਂ ਦੋ ਅੱਠ ਸਾਲਾਂ ਦੀਆਂ ਪੋਤੀਆਂ ਹਨ ਜਦੋਂਕਿ ਇਕ ਨੀਲਾ ਮਹਿਲ ਦਾ ਹੈ। ਇਹ ਆਦਮੀ ਕਾਂਗਰਸ ਦੇ ਨੇਤਾ ਦੀਪਕ ਸ਼ਰਮਾ ਨਾਲ ਸਬੰਧਾਂ ਵਿਚ ਸੀ।  ਇਨ੍ਹਾਂ ਸੱਤ ਕੇਸਾਂ ਦੇ ਸਾਹਮਣੇ ਆਉਣ ਤੋਂ ਬਾਅਦ ਹੁਣ ਮਰੀਜ਼ਾਂ ਦੀ ਗਿਣਤੀ 38 ਹੋ ਗਈ ਹੈ। ਜਲੰਧਰ ਵਿਚ ਲਗਾਤਾਰ ਕਰੋਨਾ ਦੇ ਮਰੀਜ਼ਾਂ ਦੀਵੱਧ ਰਹੀ ਗਿਣਤੀ ਚਿੰਤਾ ਦਾ ਵਿਸ਼ਾ ਹੈ, ਕਿਉਂਕਿ ਕਲ ਵੀ ਜਲੰਧਰ ਵਿਚ 6 ਕੋਰੋਨਾ ਪਾਜ਼ੇਟਿਵ ਮਰੀਜ਼ ਮਿਲੇ ਸੀ। ਉਕਤ ਬਾਰੇ ਜਦ ਜਲੰਧਰ ਸਿਵਲ ਸਰਜਨ ਗੁਰਿੰਦਰ ਕੌਰ ਚਾਵਲਾ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਇਸ ਗੱਲ ਦੀ ਪੁਸ਼ਟੀ ਕੀਤੀ।