ਵਿਜੀਲੈਂਸ ਬਿਊਰੋ ਦੀ ਟੀਮ ਵਲੋਂ ਸਥਾਨਕ ਸਿਵਲ ਹਸਪਤਾਲ ਵਿਖੇ ਤਾਇਨਾਤ 3 ਕਰਮਚਾਰੀਆਂ ਨੂੰ ਰਿਸ਼ਵਤਖੋਰੀ ਦੇ ਦੋਸ਼ ਅਧੀਨ ਗ੍ਰਿਫ਼ਤਾਰ ਕੀਤਾ ਹੈ
ਮਾਨਸਾ, 16 ਜੂਨ (ਸੁਖਵੰਤ ਸਿੰਘ ਸਿੰਧੂ) : ਵਿਜੀਲੈਂਸ ਬਿਊਰੋ ਦੀ ਟੀਮ ਵਲੋਂ ਸਥਾਨਕ ਸਿਵਲ ਹਸਪਤਾਲ ਵਿਖੇ ਤਾਇਨਾਤ 3 ਕਰਮਚਾਰੀਆਂ ਨੂੰ ਰਿਸ਼ਵਤਖੋਰੀ ਦੇ ਦੋਸ਼ ਅਧੀਨ ਗ੍ਰਿਫ਼ਤਾਰ ਕੀਤਾ ਹੈ। ਜਾਣਕਾਰੀ ਅਨੁਸਾਰ ਐਸ.ਐਸ.ਪੀ ਵਿਜੀਲੈਨਸ ਬਿਊਰੋ ਪਰਮਜੀਤ ਸਿੰਘ ਵਿਰਕ ਬਠਿੰਡਾ ਨੇ ਜਾਣਕਾਰੀ ਦਿੰਦਿਆ ਦਸਿਆ ਕਿ ਸਥਾਨਕ ਸਿਵਲ ਹਸਪਤਾਲ ਦੇ ਕਰਮਚਾਰੀ ਵਿਜੈ ਕੁਮਾਰ ਲੈਬ.ਟੈਕਨੀਸ਼ੀਅਨ, ਦਰਸ਼ਨ ਸਿੰਘ ਫਾਰਮਾਸਿਸਟ, ਤੇਜਿੰਦਰਪਾਲ ਸ਼ਰਮਾ ਐਫ.ਐਲ.ਓ (ਫਾਇਨਾਂਸ ਕਮ ਲੋਜਿਸਟਿਕ ਅਫਸਰ) ਖਿਲਾਫ਼ ਵੱਖ-ਵੱਖ ਧਰਾਵਾਂ ਅਧੀਨ ਮੁਕੱਦਮਾ ਦਰਜ ਕੀਤਾ ਗਿਆ ਹੈ।
ਉਨ੍ਹਾਂ ਦਸਿਆ ਕਿ ਇਹ ਕਰਮਚਾਰੀ ਫ਼ਰਜੀ ਅੰਗਹੀਣ ਸਰਟੀਫਿਕੇਟ, ਝੂਠੇ ਫਰਜ਼ੀ ਡੋਪ ਟੈਸਟ ਰਿਪੋਰਟ ਬਣਾਉਣ ਤੋਂ ਇਲਾਵਾ ਲੜਾਈ¸ਝਗੜੇ ਕਾਰਨ ਹਸਪਤਾਲ ਵਿਚ ਦਾਖ਼ਲ ਹੋਣ ਵਾਲੇ ਲੋਕਾਂ ਪਾਸੋ ਡਾਕਟਰਾਂ ਦੀ ਮਿਲੀਭੁਗਤ ਨਾਲ ਐਮ.ਐਲ.ਆਰ ਵਿਚ ਵੀ ਹੇਰਾਫੇਰੀ ਕਰ ਕੇ ਸੱਟਾਂ ਦੀ ਕਿਸਮ ਬਦਲ ਕੇ ਮੋਟੀਆਂ ਰਕਮਾਂ ਵਸੂਲ ਕਰਦੇ ਸਨ।