-ਚੋਰੀ ਦੇ ਮੋਟਰਸਾਇਕਲ ਦੇ ਬੈਗ ਵਿਚ ਰੱਖੀ ਹੋਈ ਸੀ ਉਕੱਤ ਬੰਬਨੁੰਮਾ ਚੀਜ
-ਚੋਰੀ ਦੇ ਮੋਟਰਸਾਇਕਲ ਦੇ ਬੈਗ ਵਿਚ ਰੱਖਿਆ ਹੋਇਆ ਸੀ ਉਕੱਤ ਬੰਬਨੁੰਮਾ ਚੀਜ
-ਦੇਰ ਸ਼ਾਮ ਤੱਕ ਵੀ ਪੁਲੀਸ ਇਸ ਨੂੰ ਨਹੀਂ ਕਰ ਸੀ ਸਕੀ ਸਪਸ਼ਟ
--ਬੰਬ ਨਿਰੋਧਕ ਦਸਤੇ ਦੀ ਇੰਤਜਾਰ 'ਚ ਬੀਤੇ ਕਈ ਘੰਟੇ
ਚਮਕੌਰ ਮੋਤੀਫ਼ਾਰਮ
ਸਮਾਣਾ - ਵਿਧਾਨਸਭਾ ਚੋਣਾਂ ਤੋਂ ਮਾਤਰ ਕੁੱਝ ਘੰਟੇ ਪਹਿਲਾ ਸਥਾਨਕ ਸ੍ਰੀ ਅਗਰਵਾਲ ਗਊਸ਼ਾਲਾ ਦੇ ਮੁੱਖ ਗੇਟ ਤੇ ਚੋਰੀ ਦੇ ਮੋਟਰਸਾਇਕਲ ਦੇ ਬੇਗ ਵਿਚ ਬੰਬਨੁੰਮਾ ਚੀਜ ਮਿਲਣ ਨਾਲ ਇਲਾਕੇ ਵਿਚ ਦਹਿਸ਼ਤ ਫੈਲ ਗਈ। ਪੁਲੀਸ ਪ੍ਰਸ਼ਾਸਨ ਨੂੰ ਇਸ ਦੀ ਸੂਚਨਾ ਦੇਣ ਦੇ ਬਾਵਜੂਦ ਪੁਲੀਸ ਕਾਫ਼ੀ ਦੇਰੀ ਨਾਲ ਮੌਕੇ ਤੇ ਪੁੱਜੀ। ਸਵੇਰੇ 12 ਵਜੇ ਦਾ ਮਾਮਲਾ ਸਾਹਮਣੇ ਆਉਣ ਦੇ ਬਾਵਜੂਦ ਪੁਲੀਸ ਦੇਰ ਸ਼ਾਮ ਤੱਕ ਵੀ ਇਸ ਬੰਬਨੁੰਮਾ ਚੀਜ਼ ਬਾਰੇ ਸ਼ਪਸ਼ਟ ਨਹੀਂ ਦੱਸ ਸਕੀ। ਜਿਸ ਕਾਰਨ ਪੁਲੀਸ ਦੀ ਕਾਰਵਾਈ ਤੇ ਵੀ ਸਵਾਲੀਆਂ ਨਿਸ਼ਾਨ ਲੱਗਦੇ ਰਹੇ।
ਹਾਲਾਂਕਿ ਦੇਰ ਸ਼ਾਮ ਤੱਕ ਪੁਲੀਸ ਦੇ ਕਈ ਵੱਡੇ ਅਧਿਕਾਰੀ ਮੌਕੇ ਤੇ ਪੁੱਜ ਗਏ ਸਨ ਪ੍ਰੰਤੂ ਬੰਬ ਨਿਰੋਧਕ ਦਸਤੇ ਦੇ ਨਾ ਪੁੱਜਣ ਕਾਰਨ ਇਸ ਬੰਬ ਨੁਮਾ ਚੀਜ ਬਾਰੇ ਕੁੱਝ ਪਤਾ ਨਹੀਂ ਚਲ ਸਕਿਆ। ਹਾਲਾਂਕਿ ਪੁਲੀਸ ਦੇ ਡਾਗ ਸੂਕੈਡ ਵੱਲੋਂ ਇਸ ਦੀ ਜਾਂਚ ਤੋਂ ਬਾਅਦ ਇਸ ਦੇ ਬੰਬ ਹੋਣ ਦੀ ਪੁਸ਼ਟੀ ਵੀ ਕੀਤੀ ਗਈ ਜਿਸ ਤੋਂ ਬਾਅਦ ਹੀ ਪੁਲੀਸ ਵੱਲੋਂ ਬੰਬ ਨਿਰੋਧਕ ਦਸਤੇ ਨੂੰ ਬੁਲਾਇਆ ਗਿਆ।
ਜਾਣਕਾਰੀ ਅਨੁਸਾਰ ਗਊਸ਼ਾਲਾ ਦੇ ਮੁੱਖ ਗੇਟ ਤੇ ਜੂਸ ਦੀ ਰੇਹੜੀ ਲਗਾਉਂਦੇ ਵਿਅਕਤੀ ਆਸੂ ਨੇ ਕੱਲ ਤੋਂ ਖੜੇ ਮੋਟਰਸਾਇਕਲ ਨੂੰ ਜਦੋਂ ਜਾ ਕੇ ਦੇਖਿਆ ਤਾਂ ਉਸਨੂੰ ਬੈਗ ਵਿਚ ਕੁੱਝ ਲਗਾ ਜਦੋਂ ਉਸਨੇ ਇਸ ਖੋਲ ਕੇ ਦੇਖਿਆ ਤਾਂ ਉਸ ਵਿਚੋਂ ਬੀਪ ਦੀ ਆਵਾਜ਼ ਆ ਰਹੀ ਸੀ। ਸ਼ੱਕ ਹੋਣ ਤੇ ਉਸਨੇ ਇਸ ਦੀ ਸੂਚਨਾ ਗਊਸ਼ਾਲਾ ਦੇ ਪ੍ਰਧਾਨ ਅਮਿਤ ਸਿੰਗਲਾ ਨੂੰ ਦਿੱਤੀ ਜਿਨ੍ਹਾਂ ਤੁਰੰਤ ਇਸ ਦੀ ਸੂਚਨਾ ਪੁਲੀਸ ਨੂੰ ਦਿੱਤੀ। ਸੂਚਨਾ ਮਿਲਣ ਤੇ ਪਹੁੰਚੀ ਪੁਲੀਸ ਨੇ ਇਸ ਦੀ ਜਾਂਚ ਤੋਂ ਬਾਅਦ ਡਾਗ ਸੂਕੈਡ ਨੂੰ ਇਸ ਦੀ ਜਾਂਚ ਲਈ ਬੁਲਾਇਆ। ਡਾਗ ਸੂਕੈਡ ਦੀ ਟੀਮ ਨੇ ਮੌਕੇ ਤੇ ਪਹੁੰਚ ਕੇ ਇਸ ਦੇ ਬੰਬ ਹੋਣ ਦੀ ਆਂਸ਼ਕਾ ਵਿਚ ਕਾਫ਼ੀ ਵਾਧਾ ਕੀਤਾ ਜਿਸ ਤੋਂ ਬਾਅਦ ਪੁਲੀਸ ਨੇ ਉਕੱਤ ਬੰਬ ਤੇ ਮਿੱਟੀ ਦੇ ਥੈਲੇ ਲਗਾ ਕੇ ਕਵਰ ਕਰ ਦਿੱਤਾ ਤੇ ਨੇੜਲੇ ਟ੍ਰੈਫ਼ਿਕ ਨੂੰ ਬੰਦ ਕਰਵਾ ਦਿੱਤਾ।
ਦੇਰ ਸ਼ਾਮ ਤੱਕ ਪੁਲੀਸ ਦੇ ਐਸਐਸਪੀ ਪਟਿਆਲਾ ਡਾ. ਸੰਦੀਪ ਗਰਗ, ਆਈਜੀ ਜਸਪ੍ਰੀਤ ਸਿੰਘ ਸਿੱਧੂ,ਐਸਪੀ ਡੀ. ਡਾ.ਹਰਮਹਿਤਾਬ ਸਿੰਘ, ਡੀਐਸਪੀ ਡੀ ਕ੍ਰਿਸ਼ਨ ਪੈਂਥੇ , ਡੀਐਸਪੀ ਸਮਾਣਾ ਪ੍ਰਭਜੋਤ ਕੌਰ,ਸਿਟੀ ਥਾਣਾ ਮੁੱਖੀ ਸੁਰਿੰਦਰ ਸਿੰਘ ਭੱਲਾ,ਸਦਰ ਥਾਣਾ ਮੁੱਖੀ ਅਮਨਦੀਪ ਸਿੰਘ ਹਾਜਰ ਸਨ।
ਇੱਕ ਹਫ਼ਤਾ ਪਹਿਲਾ ਪਟਿਆਲਾ ਤੋਂ ਚੋਰੀ ਹੋਇਆ ਸੀ ਮੋਟਰਸਾਇਕਲ
ਜਿਸ ਮੋਟਰਸਾਇਕਲ ਵਿਚ ਇਹ ਬੰਬ ਨੁੰਮਾ ਚੀਜ ਮਿਲੀ ਹੈ ਇਹ ਮੋਟਰਸਾਇਕਲ ਇਕ ਹਫ਼ਤਾ ਪਹਿਲਾ ਪਟਿਆਲਾ ਤੋਂ ਚੋਰੀ ਹੋਇਆ ਸੀ ਜਿਸ ਦੇ ਮਾਲਕ ਗੁਰਸੇਵਕ ਸਿੰਘ ਵਾਸੀ ਪਿੰਡ ਅਸਰਪੁਰ ਚੁਪਕੀ ਦਾ ਹੈ ਜੋ ਕਿ ਪਟਿਆਲਾ ਤੋਂ ਚੋਰੀ ਹੋਇਆ ਸੀ। ਉਸਨੇ ਦੱਸਿਆ ਕਿ ਉਸਨੇ ਇਸ ਦੀ ਰਿਪੋਰਟ ਪਟਿਆਲਾ ਡਵੀਜ਼ਨ ਨੰਬਰ 4 ਵਿਖੇ ਇਸਦੀ ਚੋਰੀ ਦੀ ਰਿਪੋਰਟ ਲਿਖਵਾਈ ਹੋਈ ਹੈ।
ਬੰਬ ਹੋਣ ਦੀ ਆਂਸ਼ਕਾ ਦੇ ਬਾਵਜੂਦ ਪ੍ਰਬੰਧ ਵੀ ਪੁਰੇ ਨਹੀਂ ਕਰ ਸਕੀ ਪੁਲੀਸ
ਪਹਿਲਾ ਤਾਂ ਬੰਬ ਦੀ ਸੂਚਨਾ ਮਿਲਣ ਦੇ ਬਾਵਜੂਦ ਪੁਲੀਸ ਨੇ ਇਸ ਨੂੰ ਸਿਰੀਅਸ ਨਹੀਂ ਲਿਆ ਤੇ ਮੌਕੇ ਤੇ ਪਹੁੰਚਣ ਵਿਚ ਕਾਫ਼ੀ ਦੇਰੀ ਕੀਤੀ ਤੇ ਮੌਕੇ ਤੇ ਪਹੁੰਚ ਕੇ ਬਿਨ੍ਹਾਂ ਕਿਸੇ ਸਖ਼ਤ ਪ੍ਰਬੰਧਾਂ ਦੇ ਉਕਤ ਬੰਬ ਦੀ ਜਾਂਚ ਪੜਤਾਲ ਕੀਤੀ। ਫ਼ਿਰ ਡਾਗ ਸੂਕੈਡ ਵੱਲੋਂ ਵੀ ਜਾਂਚ ਤੋਂ ਬਾਅਦ ਇਸ ਦੇ ਬੰਬ ਹੋਣ ਦੇ ਜਿਆਦਾ ਜਾਂਚ ਦੀ ਰਿਪੋਰਟ ਤੋਂ ਬਾਅਦ ਵੀ ਪੁਲੀਸ ਵੱਲੋਂ ਮੌਕੇ ਤੇ ਨਾ ਤਾਂ ਫਾਇਰ ਬਿਗ੍ਰੇਡ ਨੂੰ ਬੁਲਾਇਆ ਗਿਆ ਤੇ ਨਾ ਹੀ ਐਂਬੂਲੈਂਸ ਦਾ ਕੋਈ ਪ੍ਰਬੰਧ ਕੀਤਾ ਗਿਆ। ਹੋਰ ਤਾਂ ਹੋਰ 8 ਘੰਟੇ ਦਾ ਸਮਾਂ ਬੀਤਣ ਦੇ ਬਾਵਜੂਦ ਵੀ ਪੁਲੀਸ ਵੱਲੋਂ ਇਹ ਤਸਦੀਕ ਨਹੀਂ ਕੀਤੀ ਜਾ ਸਕੀ ਕਿ ਇਹ ਬੰਬ ਹੈ ਜਾ ਕੁੱਝ ਹੋਰ। ਇਸ ਦੌਰਾਨ ਕੁੱਝ ਵੀ ਵਾਪਰ ਸਕਦਾ ਸੀ।