ਸੋਸ਼ਲ ਮੀਡੀਆ ਸਹਾਰੇ ਕੈਪਟਨ ਨੇ ਵੀਡੀਓ ਜਾਰੀ ਕਰ ਪੰਜਾਬ ਦੀ ਜਨਤਾ ਨੂੰ ਕੀਤੀ ਅਪੀਲ
ਚੰਡੀਗੜ੍ਹ: ਬੀਤੇ ਕੱਲ੍ਹ ਪੰਜਾਬ ਵਿਚ ਸ਼ਾਮ 6 ਵਜੇ ਤੋਂ ਬਾਅਦ ਚੋਣ ਪ੍ਰਚਾਰ ’ਤੇ ਬ੍ਰੇਕ ਲੱਗ ਗਈ ਸੀ। ਹੁਣ 19 ਮਈ ਯਾਨੀ ਕੱਲ੍ਹ ਨੂੰ ਆਖ਼ਰੀ ਗੇੜ ਤਹਿਤ ਪੰਜਾਬ ਵਿਚ ਵੋਟਾਂ ਪੈਣ ਜਾ ਰਹੀਆਂ ਹਨ। ਲੋਕ ਸਭਾ ਚੋਣਾਂ ਦੇ ਮੱਦੇਨਜ਼ਰ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਵੱਧ ਤੋਂ ਵੱਧ ਵੋਟਰਾਂ ਤੱਕ ਪਹੁੰਚ ਕਰਨ ਲਈ ਸੋਸ਼ਲ ਮੀਡੀਆ ਦਾ ਸਹਾਰਾ ਲੈਂਦੇ ਹੋਏ ਇਕ ਵੀਡੀਓ ਪੰਜਾਬ ਦੀ ਜਨਤਾ ਨਾਲ ਸਾਂਝੀ ਕੀਤੀ ਹੈ।
As campaigning comes to an end, I urge every single voter in Punjab to come out on May 19 to exercise the most important democratic power judiciously. Remember, the future of India & your state is in your hands. Each and every vote would count. pic.twitter.com/1NQFNCQmw9
— Capt.Amarinder Singh (@capt_amarinder) May 17, 2019
ਵੀਡੀਓ ਜਾਰੀ ਕਰਕੇ ਉਨ੍ਹਾਂ ਨੇ ਜਨਤਾ ਨੂੰ ਵੋਟ ਪਾਉਣ ਦੀ ਅਪੀਲ ਕੀਤੀ ਹੈ। ਵੀਡੀਓ ਸ਼ੇਅਰ ਕਰਦਿਆਂ ਕੈਪਟਨ ਨੇ ਇਹ ਵੀ ਲਿਖਿਆ ਕਿ ਚੋਣ ਪ੍ਰਚਾਰ ਖ਼ਤਮ ਹੋ ਗਿਆ ਹੈ। ਉਨ੍ਹਾਂ ਪੰਜਾਬ ਦੇ ਹਰ ਇਕ ਵੋਟਰ ਨੂੰ ਅਪੀਲ ਕੀਤੀ ਹੈ ਕਿ 19 ਮਈ ਨੂੰ ਉਹ ਸਮਝਦਾਰੀ ਨਾਲ ਅਪਣੀ ਸਭ ਤੋਂ ਮਹੱਤਵਪੂਰਨ ਲੋਕਤੰਤਰਿਕ ਸ਼ਕਤੀ ਦੀ ਵਰਤੋਂ ਕਰਨ। ਉਨ੍ਹਾਂ ਕਿਹਾ ਕਿ ਯਾਦ ਰੱਖਿਓ ਕਿ ਭਾਰਤ ਤੇ ਪੰਜਾਬ ਦਾ ਭਵਿੱਖ ਵੋਟਰਾਂ ਦੇ ਹੱਥਾਂ ਵਿਚ ਹੈ। ਹਰ ਇਕ ਦੀ ਵੋਟ ਗਿਣੀ ਜਾਵੇਗੀ।