ਹਰ ਸਾਲ ਕਰੋੜਾਂ ਰੁਪਏ ਦੇ ਖ਼ਰਾਬ ਹੋਣ ਵਾਲੇ ਅਨਾਜ਼ ਨੂੰ ਬਚਾਉਣ ਦੇ ਪ੍ਰੋਜੇਕਟ ਨੂੰ ਲੈ ਕੇ ਪੰਜਾਬ ਨੂੰ ਤਕੜਾ ਝਟਕਾ ਲੱਗਿਆ ਹੈ । ਪੂਰਵ
ਚੰਡੀਗੜ: ਹਰ ਸਾਲ ਕਰੋੜਾਂ ਰੁਪਏ ਦੇ ਖ਼ਰਾਬ ਹੋਣ ਵਾਲੇ ਅਨਾਜ਼ ਨੂੰ ਬਚਾਉਣ ਦੇ ਪ੍ਰੋਜੇਕਟ ਨੂੰ ਲੈ ਕੇ ਪੰਜਾਬ ਨੂੰ ਤਕੜਾ ਝਟਕਾ ਲੱਗਿਆ ਹੈ । ਪੂਰਵ ਭਾਜਪਾ ਸਰਕਾਰ ਦੇ ਦੌਰਾਨ 24 ਲੱਖ ਮੀਟਰਿਕ ਟਨ ਅਨਾਜ ਰਖਣ ਦੇ ਲਈ ਬਨਣ ਵਾਲੇ ਸਟੀਲ ਨਾਲ ਨਿਰਮਿਤ ਵਿਸ਼ੇਸ਼ ਗੁਦਾਮ ਵਿੱਚ ਗਾਰੰਟੀ ਦੇਣ ਤੋਂ ਕੇਂਦਰ ਸਰਕਾਰ ਨੇ ਮਨਾ ਕਰ ਦਿਤਾ ਹੈ ।
ਤੁਹਾਨੂੰ ਦਸ ਦੇਈਏ ਕੇ ਇਹ ਗਾਰੰਟੀ ਅਨਾਜ ਭੰਡਾਰਣ ਅਤੇ ਕਿਰਾਇਆ ਅਦਾ ਕਰਨ ਨੂੰ ਲੈ ਕੇ ਦਿੱਤੀ ਜਾਣੀ ਸੀ । ਇਸ ਵਜ੍ਹਾ ਨਾਲ ਹੁਣ ਇਹ ਪ੍ਰੋਜੈਕਟ ਲੱਗਣਾ ਮੁਸ਼ਕਿਲ ਨਜ਼ਰ ਆ ਰਿਹਾ ਹੈ। ਕਿਹਾ ਜਾ ਰਿਹਾ ਹੈ ਕੇ ਅਡਾਨੀ ਵਰਗੀ ਕੰਪਨੀਆਂ ਦੇ ਨਾਲ ਸਾਇਲੋਜ ਲਗਾਉਣ ਦਾ ਕਰਾਰ ਕੀਤਾ ਗਿਆ ਸੀ ਜੋ ਹੁਣ ਲਟਕਦਾ ਨਜ਼ਰ ਆ ਰਿਹਾ ਹੈ।
ਕੇਂਦਰ ਸਰਕਾਰ ਦੇ ਇਸ ਫੈਸਲੇ ਨਾਲ ਪੰਜਾਬ ਲਈ ਮੁਸ਼ਕਲਾਂ ਖੜੀਆਂ ਹੋ ਗਈਆਂ ਹਨ । ਪੰਜਾਬ ਵਿਚ ਅਨਾਜ ਭੰਡਾਰਣ ਨੂੰ ਲੈ ਕੇ ਪਹਿਲਾਂ ਤੋਂ ਹੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ।ਦਸਿਆ ਜਾ ਰਿਹਾ ਹੈ ਕੇ ਇਸ ਸਾਲ ਵੀ 60 ਲੱਖ ਮੀਟਰਿਕ ਟਨ ਕਣਕ ਖੁਲੇ ਵਿਚ ਸਟੋਰ ਕੀਤੀ ਗਈ ਹੈ। ਜੇਕਰ ਅਗਲੇ ਸਾਲ ਵੀ 120 ਲੱਖ ਮੀਟਰਿਕ ਟਨ ਕਣਕ ਆਈ ਤਾਂ ਰਾਜ ਦੀ ਖਰੀਦ ਏਜੇਂਸੀਆਂ ਦੇ ਕੋਲ ਇਸ ਨੂੰ ਸਟੋਰ ਕਰਨ ਲਈ ਨਾਂ ਤਾ ਗੁਦਾਮਾਂ ਵਿਚ ਜਗ੍ਹਾ ਹੋਵੇਗੀ ਅਤੇ ਨਹੀਂ ਹੀ ਓਪਨ `ਚ ਇਸ ਨੂੰ ਸਟੋਰ ਕਰ ਸਕਦੇ ਹਨ।
ਮਿਲੀ ਜਾਣਕਾਰੀ ਮੁਤਾਬਕ ਪਿਛਲੇ ਹਫ਼ਤੇ ਦਿੱਲੀ ਵਿੱਚ ਐਫ ਸੀ ਆਈ ਦੇ ਐਕਜੀਕਿਊਟਿਵ ਡਾਇਰੇਕਟਰ ਵੀਨਾ ਕੁਮਾਰੀ ਦੀ ਅਗਵਾਈ ਵਿਚ ਹੋਈ ਮੀਟਿੰਗ ਵਿਚ ਇਹ ਗਾਰੰਟੀ ਦੇਣ ਤੋਂ ਮਨਾਹੀ ਕਰ ਦਿੱਤਾ ਗਿਆ । ਕਮੇਟੀ ਵਿੱਚ ਕਿਹਾ ਗਿਆ ਕਿ ਇਹ ਸਾਰੇ ਸਾਇਲੋਜ ਰੋਡ ਸਾਇਟ ਉੱਤੇ ਬਣਾਏ ਜਾ ਰਹੇ ਹਨ ਜੋ ਕੇਂਦਰ ਸਰਕਾਰ ਦੀ ਸਾਇਲੋਜ ਬਨਣ ਦੀ ਨੀਤੀ ਦੇ ਖਿਲਾਫ ਹਨ । ਕਿਹਾ ਜਾ ਰਿਹਾ ਹੈ ਕੇ ਪੰਜਾਬ `ਚ ਗੋਦਾਮਾਂ ਦਾ ਬਣਨਾ ਮੁਸ਼ਕਿਲ ਨਜ਼ਰ ਆ ਰਿਹਾ ਹੈ।