File Photo
ਆਲਮਗੀਰ ਵਿਖੇ ਇਕ ਫ਼ੈਕਟਰੀ ਨੂੰ ਅੱਗ ਲੱਗਣ ਨਾਲ ਅੱਜ 50 ਲੱਖ ਰੁਪਏ ਦਾ ਨੁਕਸਾਨ ਹੋ ਗਿਆ।
ਲੁਧਿਆਣਾ, 18 ਮਈ (ਪਪ): ਆਲਮਗੀਰ ਵਿਖੇ ਇਕ ਫ਼ੈਕਟਰੀ ਨੂੰ ਅੱਗ ਲੱਗਣ ਨਾਲ ਅੱਜ 50 ਲੱਖ ਰੁਪਏ ਦਾ ਨੁਕਸਾਨ ਹੋ ਗਿਆ। ਅੱਗ ਕੰਚਨ ਪਲਾਸਟਿਕ ਐਂਡ ਟਰੇਡਰਜ਼ ਦੇ ਆਲਮਗੀਰ ਸਥਿਤ ਗੋਦਾਮ ਵਿਚ ਲੱਗੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਫ਼ੈਕਟਰੀ ਦੇ ਆਸ-ਪਾਸ ਦੇ ਖੇਤਾਂ ਵਿਚ ਨਾੜ ਨੂੰ ਅੱਗ ਲਗਾਈ ਗਈ ਸੀ ਜੋ ਤੇਜ਼ ਹਵਾ ਕਾਰਨ ਫੈਲ ਗਈ। ਇਸ ਦੌਰਾਨ ਫ਼ੈਕਟਰੀ ਦੀ ਕੰਧ ਤੇ ਵੇਲਾਂ ਨੂੰ ਵੀ ਅੱਗ ਲੱਗ ਗਈ ਜੋ ਫ਼ੈਕਟਰੀ ਦੇ ਅੰਦਰ ਤਕ ਚਲੀ ਗਈ ਜੋ ਦੇਖਦੇ ਹੀ ਦੇਖਦੇ ਭਾਂਬੜ ਦਾ ਰੂਪ ਧਾਰਨ ਕਰ ਗਈ। ਅੱਗ ਲੱਗਣ ਤੋਂ ਕਰੀਬ 15 ਮਿੰਟ ਬਾਅਦ ਫ਼ੈਕਟਰੀ ਦੇ ਅੰਦਰ ਪਿਆ ਗੈਸ ਦਾ ਸਿਲੰਡਰ ਵੀ ਬਲਾਸਟ ਹੋ ਗਿਆ। ਅੱਗ ਬੁਝਾਉਣ ਲਈ ਕਰੀਬ 15 ਫ਼ਾਇਰ ਬ੍ਰਿਗੇਡ ਮੌਕੇ 'ਤੇ ਮੌਜੂਦ ਸਨ ਜਿਨ੍ਹਾਂ ਭਾਰੀ ਮੁਸ਼ੱਕਤ ਨਾਲ ਅੱਗ 'ਤੇ ਕਾਬੂ ਪਾਇਆ। ਫ਼ਾਇਰ ਫ਼ਾਈਟਰ ਨੂੰ ਇਸ ਮੌਕੇ ਫ਼ੈਕਟਰੀ ਦੀ ਕੰਧ ਵੀ ਤੋੜਨੀ ਪਈ।
