image
ਪਾਬੰਦੀਆਂ ਦੇ ਜਵਾਬ ’ਚ ਰੂਸ ਨੇ 34 ਫ਼੍ਰਾਂਸੀਸੀ ਡਿਪਲੋਮੈਟਾਂ ਨੂੰ ਕਢਿਆ
ਮਾਸਕੋ, 18 ਮਈ : ਰੂਸ ਨੇ ਪੈਰਿਸ ਵਲੋਂ ਲਗਾਈਆਂ ਪਾਬੰਦੀਆਂ ਦਾ ਬਦਲਾ ਲੈਣ ਲਈ ਫ਼੍ਰਾਂਸੀਸੀ ਡਿਪਲੋਮੈਟਿਕ ਮਿਸ਼ਨਾਂ ਦੇ 34 ਕਰਮਚਾਰੀਆਂ ਨੂੰ ਕੱਢਣ ਦਾ ਫ਼ੈਸਲਾ ਕੀਤਾ ਹੈ। ਰੂਸ ਦੇ ਵਿਦੇਸ਼ ਮੰਤਰਾਲੇ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿਤੀ। ਮੰਤਰਾਲੇ ਨੇ ਫ਼ਰਾਂਸ ਵਿਚ ਰੂਸੀ ਡਿਪਲੋਮੈਟਿਕ ਮਿਸ਼ਨਾਂ ਦੇ 41 ਕਰਮਚਾਰੀਆਂ ਨੂੰ ਗ਼ੈਰ-ਗ੍ਰਾਤੇ ਵਿਅਕਤੀ ਘੋਸ਼ਿਤ ਕਰਨ ਦੇ ਪੈਰਿਸ ਦੇ ਫ਼ੈਸਲੇ ਦੇ ਸਬੰਧ ਵਿਚ ਰੋਸ ਪ੍ਰਗਟ ਕਰਨ ਲਈ ਰੂਸ ਵਿਚ ਫ਼ਰਾਂਸ ਦੇ ਰਾਜਦੂਤ ਪਿਏਰੇ ਲੇਵੀ ਨੂੰ ਤਲਬ ਕੀਤਾ ਸੀ।
ਮੰਤਰਾਲੇ ਨੇ ਕਿਹਾ ਕਿ ਪਾਬੰਦੀਆਂ ਦੇ ਜਵਾਬ ਵਜੋਂ, ਰੂਸ ਵਿਚ ਫ਼੍ਰਾਂਸੀਸੀ ਡਿਪਲੋਮੈਟਿਕ ਮਿਸ਼ਨਾਂ ਦੇ 34 ਕਰਮਚਾਰੀਆਂ ਨੂੰ ਫ਼ੈਰ-ਗ੍ਰਾਤੇ ਵਿਅਕਤੀ ਐਲਾਨਿਆ ਗਿਆ ਹੈ। ਉਨ੍ਹਾਂ ਨੂੰ ਰਾਜਦੂਤ ਨੂੰ ਸਬੰਧਤ ਨੋਟ ਦੀ ਡਿਲੀਵਰੀ ਦੀ ਮਿਤੀ ਤੋਂ ਦੋ ਹਫ਼ਤਿਆਂ ਅੰਦਰ ਰੂਸ ਦਾ ਖੇਤਰ ਛੱਡਣ ਦਾ ਹੁਕਮ ਦਿਤਾ ਗਿਆ ਹੈ। (ਏਜੰਸੀ)
