image
ਬੀਬੀ ਬਾਦਲ ਨੇ ਕੁਰਸੀ ਵੀ ਗਵਾਈ ਤੇ ਵਿਸ਼ਵਾਸ ਵੀ ਗਵਾਇਆ : ਬ੍ਰਹਮਪੁਰਾ
ਅੰਮ੍ਰਿਤਸਰ, 18 ਸਤੰਬਰ (ਸੁਖਵਿੰਦਰਜੀਤ ਸਿੰਘ ਬਹੋੜੂ) : ਸ਼੍ਰੋਮਣੀ ਅਕਾਲੀ ਦਲ (ਟਕਸਾਲੀ) ਦੇ ਪ੍ਰਧਾਨ ਰਣਜੀਤ ਸਿੰਘ ਬ੍ਰਹਮਪੁਰਾ ਨੇ ਬੀਬੀ ਹਰਿਸਮਰਤ ਕੌਰ ਬਾਦਲ ਦੇ ਅਸਤੀਫ਼ੇ ਨੂੰ ਇਕ ਸਿਆਸੀ ਢੌਂਗ ਦਸਿਆ ਤੇ ਕਿਹਾ ਕਿ ਜੇ ਵਾਕਿਆ ਹੀ ਬਾਦਲਾਂ ਨੂੰ ਕਿਸਾਨੀ ਪ੍ਰਤੀ ਦੁੱਖ ਹੁੰਦਾ ਤਾਂ ਅਸਤੀਫ਼ਾ ਪਹਿਲਾਂ ਆਉਣਾ ਚਾਹੀਦਾ ਸੀ। ਉਨ੍ਹਾਂ ਕਿਹਾ ਕਿ ਹਰਸਿਮਰਤ ਨੇ ਅਪਣੀ ਕੁਰਸੀ ਅਤੇ ਕਿਸਾਨਾਂ ਲਈ ਅਪਣਾ ਵਿਸ਼ਵਾਸ ਦੋਵੇਂ ਗਵਾ ਲਏ ਹਨ। ਸ. ਰਣਜੀਤ ਸਿੰਘ ਬ੍ਰਹਮਪੁਰਾ ਨੇ ਦਸਿਆ ਕਿ ਬਾਦਲਾਂ ਨੇ ਕੁੱਝ ਦਿਨ ਪਹਿਲਾਂ ਇਸ ਖੇਤੀ ਆਰਡੀਨੈਸ ਬਿਲ ਦੇ ਹੱਕ 'ਚ ਰੱਜ ਕੇ ਅਖ਼ਬਾਰਾਂ 'ਚ ਤਾਰੀਫ਼ਾਂ ਕੀਤੀਆਂ ਸਨ ਕਿ ਇਹ ਬਿਲ ਪੰਜਾਬ ਦੀ ਕਿਸਾਨੀ ਲਈ ਠੀਕ ਹੈ। ਪ੍ਰਕਾਸ਼ ਸਿੰਘ ਬਾਦਲ ਨੇ ਵੀ ਸ਼ੋਸ਼ਲ ਮੀਡੀਆ ਜ਼ਰੀਏ ਇਸ ਬਿਲ ਦੇ ਹੱਕ ਵਿਚ ਆਏ ਸਨ ਪਰ ਜਦੋਂ ਹੁਣ ਕਿਸਾਨ ਸੜਕਾਂ 'ਤੇ ਨਿਤਰੇ ਤਾਂ ਇਨਾ ਬੇਤੁਕਾ ਡਰਾਮਾ ਕਰ ਕੇ ਬੀਬੀ ਬਾਦਲ ਕੋਲੋ ਅਸਤੀਫ਼ਾ ਦਿਵਾ ਦਿਤਾ, ਇਹ 
imageਸਿਰਫ ਤੇ ਸਿਰਫ ਦੋਗਲੀ ਰਾਜਨੀਤੀ ਹੈ ।
