ਪੰਜਾਬ ਸਰਕਾਰ ਕਿਸਾਨਾਂ ਨੂੰ ਫਲਾਂ, ਸਬਜ਼ੀਆਂ 'ਤੇ ਵੀ ਐੱਮਐੱਸਪੀ ਦੇਵੇ
ਚੰਡੀਗੜ੍ਹ - ਪੰਜਾਬ ਦੇ ਸਾਬਕਾ ਕੈਬਨਿਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੇ ਪੰਜਾਬ ਵਿਧਾਨ ਸਭਾ ਸੈਸ਼ਨ ਵਿਚ ਸ਼ਾਮਲ ਹੋਣ ਬਾਅਦ ਆਪਣੇ ਫੇਸਬੁੱਕ ਪੇਜ਼ ਤੋਂ ਲਾਈਵ ਹੋ ਕੇ ਕਿਸਾਨਾਂ ਦੀ ਸਮੱਸਿਆ ਦਾ ਹੱਲ ਦੱਸਿਆ। ਨਵਜੋਤ ਸਿੱਧੂ ਦਾ ਕਹਿਣਾ ਹੈ ਕਿ ਕਿਸਾਨ ਕੋਲ ਕਣਕ ਤੋਂ ਇਲਾਵਾ ਕਿਸੇ ਹੋਰ ਫਸਲ ਨੂੰ ਚੁੱਕਣ ਦਾ ਕੋਈ ਸਟੋਰੇਜ਼ ਮਾਡਲ ਨਹੀਂ ਹੈ ਤੇ ਪੰਜਾਬ ਸਰਕਾਰ ਕੋਲ ਵੀ ਕੋਈ ਸਟੋਰੇਜ ਨਹੀਂ ਹੈ।
MSP
ਉਹਨਾਂ ਕਿਹਾ ਕਿ ਅੱਜ ਐੱਫਸੀਆਈ ਵੱਲੋਂ ਐੱਮਐੱਸਪੀ ਤੇ ਸਰਕਾਰੀ ਖਰੀਦ ਮਿਲ ਰਹੀ ਹੈ ਪਰ ਉਹ ਵੀ ਪਤਾ ਨਹੀਂ ਕੱਲ੍ਹ ਮਿਲੂਗੀ ਜਾਂ ਨਹੀਂ। ਉਹਨਾਂ ਨੇ ਕਿਹਾ ਕਿ ਜੇ ਇਹ ਕਾਲੇ ਕਾਨੂੰ ਹਮੇਸ਼ਾਂ ਲਈ ਲਾਗੂ ਹੋ ਗਏ ਤਾਂ ਸਾਡੋ ਕੇਲ ਸਿਰਫ਼ ਇਕ ਜਾਂ ਦੋ ਸਾਲ ਹੀ ਹਨ। ਉਹਨਾਂ ਕਿਹਾ ਕਿ ਇਹ ਕਾਨੂੰਨ ਕਿਸਾਨਾਂ ਨੂੰ ਪੂੰਜੀਪੱਤੀਆਂ ਦਾ ਗੁਲਾਮ ਬਣਾਉਣਗੇ ਤੇ ਜਿਵੇਂ ਗੋਰਿਆਂ ਨੇ ਭਾਰਤ ਵਿਚ ਈਸਟ ਇੰਡੀਆ ਕੰਪਨੀ ਚਲਾਈ ਸੀ ਉਸੇ ਤਰ੍ਹਾਂ ਹੀ ਅੰਬਾਨੀ ਤੇ ਅਡਾਨੀ ਵਰਗੇ ਲੋਕ ਮੁੰਬਈ ਵਿਚ ਬੈਠ ਕੇ ਸਾਨੂੰ ਕਠਪੁਤਲੀਆਂ ਵਾਂਗ ਨਚਾਉਣਗੇ।
Navjot Sidhu
ਨਵਜੋਤ ਸਿੱਧੂ ਨੇ ਕਿਹਾ ਕਿ ਕਿਸਾਨ ਦਾ ਸੰਘਰਸ਼ ਸਿਰਫ਼ ਐੱਮਐੱਸਪੀ ਤੇ ਮੰਡੀਆਂ ਬਚਾਉਣ ਲਈ ਹੀ ਨਹੀਂ ਹੈ ਤੇ ਜੇ ਹੁੰਦਾ ਤਾਂ ਪਿਛਲੇ 25 ਸਾਲਾ ਵਿਚ ਕਿਸਾਨਾਂ ਨੇ ਖੁਦਕੁਸ਼ੀਆਂ ਕਿਉਂ ਕਰਨੀਆਂ ਸਨ। ਉਹਨਾਂ ਕਿ ਜੋ ਵਨ ਨੇਸ਼ਨ ਤੇ ਵਨ ਮਾਰਕਿਟ ਦੀ ਗੱਲ ਹੋ ਰਹੀ ਹੈ ਉਹ ਸਟੇਟ ਦੀ ਅਵਾਜ਼ ਨੂੰ ਕੁਚਲ ਰਹੇ ਹਨ ਤੇ ਉਹ ਕਿਸਾਨ ਵਿਰੋਧੀ ਹੈ।
Captain
ਨਵਜੋਤ ਸਿੱਧੂ ਨੇ ਮੰਗ ਕੀਤੀ ਕਿ ਪੰਜਾਬ ਸਰਕਾਰ ਕਿਸਾਨਾਂ ਨੂੰ ਫਲਾਂ, ਸਬਜ਼ੀਆਂ 'ਤੇ ਵੀ ਐੱਮਐੱਸਪੀ ਦੇਣੀ ਚਾਹੀਦੀ ਹੈ ਤੇ ਜੇ ਸਰਕਾਰ ਕੋਲ ਕਿਸਾਨਾਂ ਦੀ ਮਦਦ ਕਰਨ ਲਈ ਪੈਸੇ ਨਹੀਂ ਹਨ ਤਾਂ ਸਰਕਾਰ ਰੇਤ ਮਾਫ਼ੀਆ , ਸ਼ਰਾਬ ਮਾਫ਼ੀਆ ਆਦਿ ਸਭ ਬੰਦ ਕਰ ਦੇਵੇ ਪੈਸਿਆ ਦਾ ਦਰਿਆ ਲੱਗ ਜਾਵੇਗਾ।
